2 कुरिन्थियां 1:19 - ओङ राजपूत

¹⁹ कांकि नरीकारा चा पूत ईशु मसीह, जाया अम्चे जरिये यानिकि माये ते सिलवानुस ते तीमुथियुस चे जरिये तम्चे बीच मां प्रचार हुला, ओचे मां, “हां” ते “ना” ङोनी कोनी हुते पर ओचे मां “हां” ची “हां” ही हुली।

2 कुरिन्थियां 1:19 ပူးပေါင်းရင်းမြစ်များ

मत्ती 17:5

ओ ब़ोले ही पलता कि हेक चिट्टे बदला ने वानु घेरती गेले, ते ओ बदला महु हा अवाज आली, “हा माया प्यारा पूत छै, जाये कनु मैं खौश छै। ऐची सुणा!”

मत्ती 24:35

आसमान ते धरती टलती जाये, पर माया बाता कङी नी टले।

मत्ती 27:40

ते ईं किही पलते, “हे मन्दरा नु ढावणे आला ते तीन ङिहां मां बणावणे आला, आपणे आप नु तां बचा। अगर तु नरीकारा चा पूत छी, तां क्रूसा कनु तले उतरती आ।”

मत्ती 27:54

तब सूबेदार ते जको ओचे लारे ईशु चा पाहरा ङी पलते, भूकम्प ते जको कोच्छ हुले ओनु ङेखती कर घणे ङरती गेले ते केहले, “सच्‍चमां हा नरीकारा चा पूत हुता!”

मत्ती 3:17

ओही बेले हा आकाशवाणी हुली, “हा माया प्यारा पूत छै। ऐकनु मैं ब़ोहत खौश छै।”

मत्ती 4:3

बल्ति परखणे आले शैतान ने गोढु आती कर केहले, “अगर तु नरीकारा चा पूत छी, तां केहती ङे, कि ये पत्थर रोटीया बणती जाओ।”

मरकुस 1:1

नरीकारा चा पूत ईशु मसीह चे सुसमाचारा ची शुरुआत,

लूका 1:35

स्वर्ग़दूता ने विनु उत्तर ङिला, “पवित्र आत्मा दुधे उपर उतरी ते परमप्रधान ची सामर्थ दुधे उपर छां करी ऐवास्ते ऊं पवित्र जको पैदा हुवणे आले छै, नरीकारा चा पूत किहवावी।

यूहन्‍ना 1:34

मैं ङेखले, ते हा ग़वाही ङिये पला कि हाओ ही नरीकारा चा पूत छै।”

यूहन्‍ना 1:49

नतनएल ने ओनु उत्तर ङिला, “हे रब्बी, तु नरीकारा चा पूत छी, तु इस्राएल चा महाराजा छी।”

यूहन्‍ना 19:7

यहूदी लौका ने ओनु केहले, “कि अम्ची वी व्यवस्था छै ते वे व्यवस्था चे अनुसार हा मारती नाखणे चे लायक छै, कांकि ऐणे नरीकारा चा पूत हुवणे चा दावा करला।”

यूहन्‍ना 20:28

उत्तर ङिते हुले थोमा ब़ोला, “हे माया प्रभु, हे माया नरीकार।”

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

यूहन्‍ना 3:16

कांकि नरीकारा ने संसारा लारे इसड़ा प्रेम राखला कि ओणे आपणा हिकड़ाता चा पूत ङिती ङिला, कि जको कुई ओचे उपर विश्‍वास करे ऊं नाश ना हो पर अनन्त जीवन गिहो।

यूहन्‍ना 6:69

ते अम्ही विश्‍वास करला ते जाणती गेले कि नरीकारा चा पवित्र जन तु ही छी।”

यूहन्‍ना 8:58

ईशु ने वानु केहले, “तम्हानु सच्‍च-सच्‍च किहे पला अब्राहम चे पैदा हुले कनु पेहले, मैं छै।”

प्रेरितां चे काम 15:22

ऐवास्ते सारी कलीसिया समेत प्रेरितां नु ते अग़ुवा नु ईं ठीक लाग़ले कि आपणे ही महु कोच्छ बन्दा नु चुणती कर पौलुस ते बरनबास चे लारे अन्ताकिया शहर भेज़ती ङिले जाओ, वाणे ऐचे वास्ते यहूदा जानु बरसब्बा चे नांवा लारे वी जाणते ते सीलास नु चुणती गेले ये विश्‍वासी भावां मां प्रधान हुते।

प्रेरितां चे काम 16:1

बल्ति पौलुस दिरबे कनु हुती लुस्त्रा शहरा मां वी गेला, ते ओठे हेक तीमुथियुस नांवा चा चैला हुता। ओची आई यहूदी हुती ते विश्‍वास करने आली हुती, पर ओचा ब़ा यूनानी हुता।

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

प्रेरितां चे काम 8:36

मार्ग़ा मां चलते-चलते वे कुई पाणीया ची जग़हा मां पुज़ले बल्ति मंत्री ने केहले, “ङेख, इठे पाणी वी छै। हमा मनु बपतिस्मा गेहणे मां का रुकावट छै?”

प्रेरितां चे काम 9:20

ते ओ तुरन्त यहूदी प्राथनाघरा मां ईशु चा प्रचार करु लाग़ला कि, “ईशु मसीह नरीकारा चा पूत छै।”

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

1 थिस्सलुनीकियां 1:1

पौलुस ते सिलवानुस ते तीमुथियुस ची ओर कनु थिस्सलुनीकियां ची कलीसिया चे नांवे, जको अम्चे ब़ा नरीकार ते प्रभु ईशु मसीह मां छी। अनुग्रह ते शान्ति तम्हानु मिलती रिहो।

2 थिस्सलुनीकियां 1:1

पौलुस ते सिलवानुस ते तीमुथियुस चे तरफा कनु थिस्सलुनीकियां ची कलीसिया चे नांवे हा चिठ्ठी, जको अम्चे ब़ा नरीकार ते प्रभु ईशु मसीह मां छै।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

इब्रानियां 1:11

वे तां नाश हुती जाये, पर तु बणला रिहे, ते वे सब ओढ़णा आलीकर पुराणे हुती जाये।

इब्रानियां 13:8

मसीह ईशु, काल ते आज़ ते युग-युग हेक जिसड़ा छै।

1 पतरस 5:12

मैं सिलवानुस चे हाथे, जानु मैं विश्‍वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्‍चा अनुग्रह हाओ छै। ऐचे मां मजबूत रिहा।

2 पतरस 1:17

कांकि जब ओणे नरीकार ब़ा कनु कद्दर, ते महिमा गेहली ते वे प्रतापमय महिमा महु हा अवाज आली, “हा माया प्यारा पूत छै, जाये कनु मैं खौश छै।”

1 यूहन्‍ना 1:3

ते जानु अम्ही ङेखले ते सुणले ओचा समाचार तम्हानु ङिऊं पले, ऐवास्ते कि तम्ही वी अम्चे लारे शामिल हुवा, ते अम्ची हा सहभागिता ब़ा नरीकारा चे लारे ते ओचे पूत ईशु मसीह चे लारे छै।

1 यूहन्‍ना 5:20

तां हा वी अम्ही जाणु कि, नरीकारा चा पूत आती गेला ते ओणे अम्हानु हा समझ ङिली, कि अम्ही ओ सच्‍च नु पिछाणु, ते अम्ही ओचे मां जको सच्‍चाई छै, यानिकि ओचे पूत ईशु मसीह चे लारे रिहुं, सच्‍चा नरीकार ते अनन्त जीवन हाओ छै।

2 यूहन्‍ना 1:9

जको कुई मसीह ची सच्‍ची शिक्षा कनु आग़ु बढ़ती जाये ते ओचे मां बणला ना रिही, ओचे गोढु नरीकार कोनी। जको कुई मसीह ची सच्‍ची शिक्षा उपर टिकला रिहे, ओचे गोढु ब़ा वी छै ते पूत वी।

प्रकाशितवाक्य 1:11

“जको कोच्छ तु ङेखी पला ओनु किताबे मां लिखती कर साता कलीसिया चे नांवे भेज़ती ङे यानि इफिसुस ते स्मुरना ते पिरगमुन ते थुआतीरा ते सरदीस ते फिलदिलफिया ते लौदीकिया नु।”

प्रकाशितवाक्य 1:17

जिसे बेले मैं ओनु ङेखले तां ओचे पग़्ग़ा उपर मुड़दे आलीकर ढेती पला। ओणे माये उपर आपणा सज़्ज़ा हाथ मेहलती कर केहले, “ना ङर। मैं पेहला ते आखरी छै।

प्रकाशितवाक्य 1:8

प्रभु नरीकार, जको छै ते जको हुता ते जको आणे आला छै, जको सर्वशक्‍तिमान छै, ईं किहे, “मैं ही अल्फा ते ओमेगा छै।”

प्रकाशितवाक्य 2:18

“थुआतीरा ची कलीसिया चे दूता नु ईं लेख, “नरीकारा चा पूत जाया आँख जाखते चे ज्वाला आलीकर छी, ते जाये पग़्ग़ उत्तम पित्तला आलीकर छी, ओ ईं किहे कि,