1 तीमुथियुस 6:3 - ओङ राजपूत

³ अगर कुई नेरे ही तरीके चा उपदेश ङेणा, ते खरिया बाता नु, यानिकि अम्चे प्रभु ईशु मसीह चा बाता नु ते ओ उपदेशा नु ना मनी, जको भग़ती चे अनुसार छी।

1 तीमुथियुस 6:3 ပူးပေါင်းရင်းမြစ်များ

मत्ती 22:21

वाणे ओनु केहले, “कैसर चे।” तब ओणे वानु केहले, “जको कैसर चे छै, ऊं कैसर नु ङिया। ते जको नरीकारा चे छै, ऊं नरीकारा नु ङिया।”

मत्ती 28:20

ते वानु सारीया बाता जको मैं तम्हानु आज्ञा ङिली छै, मनणीया सिखावा। ते ङेखा, मैं दुनिया चे अन्त तक हमेशा तम्चे लारे छै।”

रोमियां 16:17

हमा हे माये भऊ, मैं तम्चे कनु बिनती करे पला, कि जको लौक वे शिक्षा चे विपरीत, जको तम्ही गेहली, फूट नाखणे, ते ठोकर ङिवाणे ची वजह बणी, ते वानु भांपती गेहले करा ते वाकनु दूर रेहले करा।

1 थिस्सलुनीकियां 4:8

ऐस वजह जको तोच्छ जाणे, ओ इन्साना नु कोनी, पर नरीकारा नु तोच्छ जाणे, जको आपणा पवित्र आत्मा तम्हानु ङिये।

1 तीमुथियुस 1:10

व्यभिचार करने आले, पुरुषगमन करने आले, बन्दा नु बेचणे आले, कूड़ मारणे आले, ते कूड़ी कसम खाणे आले, ते याहनु छोड़ती कर खरे उपदेश चे सारे विरोधीया चे वास्ते ठहराली गेली।

1 तीमुथियुस 1:3

जिंवे मैं तनु मकिदुनिया सनु जते बेले, तनु समझाले हुते, कि इफिसुस मां रेहती कर लौका नु हा आज्ञा ङे कि, कूड़ी शिक्षा ना ङे।

1 तीमुथियुस 1:6

याहनु छोड़ती कर कितनी बन्दी फिरती कर बेफालतु चा बाता मां फसती गेली।

2 तीमुथियुस 1:13

जको खरिया बाता, तु माये कनु सुणलीया वानु ओ विश्‍वास ते प्रेम चे लारे जको ईशु मसीह मां छै, आपणे खौद्द चे वास्ते नमुना बणाती कर राख।

2 तीमुथियुस 4:3

कांकि इसड़ा समय आवी, लौक खरा वचन नी सुणना चाहवे पर आपणी मर्जी चे अनुसार आपणे वास्ते घणे उपदेश ङेणे आले सोती गिहे।

तीतुस 1:1

हा चिठ्ठी पौलुस चे तरफु जको नरीकारा चा दास ते मसीह ईशु चा प्रेरित छै, नरीकारा चे चुणले आले लौक चा विश्‍वास ते वे सच्‍चाई ची पिछाण चे अनुसार जको भग़ती चे अनुसार छै,

तीतुस 1:9

ते विश्‍वास चे लायक वचना उपर जको धर्मउपदेश चे अनुसार छै, मजबूत रिहो, कि खरी शिक्षा लारे उपदेश ङे सग़ो ते विवाद करने आला चे मुँह बन्द कर सग़ो।

तीतुस 3:8

हा बात सच्‍च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।