1 तीमुथियुस 4:8 - ओङ राजपूत

⁸ कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।

1 तीमुथियुस 4:8 ပူးပေါင်းရင်းမြစ်များ

मत्ती 12:32

ते जको कुई मैं इन्साना चे पूता चे विरोध मां कुई बात किही, ओचा हा अपराध माफ करला जई, पर जको कुई पवित्र आत्मा चे विरोध मां कोच्छ किही, ओचा अपराध ना तां ऐ लौक मां ते ना परलोक मां माफ करला जई।

मत्ती 19:29

ते जेह्णे वी घर, जा भावां नु, जा ब़ेहणीया नु, जा ब़ा नु, जा आई नु, जा ब़ाला-ब़च्‍चा नु, जा खेता नु माये नांवा वास्ते छोड़ती ङिले, ओनु साओ गुणा मिली, ते ओ अनन्त जीवन चा अधिकारी हुवी।

मत्ती 6:33

ऐवास्ते पेहले तम्ही नरीकारा चे राज़ ते ओचे धर्मा ची खोज करा तां ये सारीया चीजा वी तम्हानु मिलती जाये।

मरकुस 10:30

ते हमा ऐ समय साओ गुणा ना गिहो, घर ते भावां नु ते ब़ेहणीया नु ते आईया नु ते ब़ाला-ब़च्‍चा नु ते खेता नु, पर सताव चे लारे ते परलोक मां अनन्त जीवन मिली।

लूका 5:38

पर नवां अंगूरा चा रस नवींया मशका मां भरना चाही छै।

रोमियां 8:28

ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

1 कुरिन्थियां 3:22

का पौलुस, का अपुल्‍लोस, का कैफा, का संसार, का जीन्दगी, का मरण, का वर्तमान, का भविष्य, सब कोच्छ तम्ची भलाई वास्ते ही छै।

1 कुरिन्थियां 8:8

खाणे अम्हानु नरीकारा चे गोढु ना पुचावी। अगर अम्ही ना खऊं तां अम्चे कुई नुकसान कोनी, ते अगर खऊं तां कोच्छ फायदा कोनी।

1 तीमुथियुस 4:7

पर अशुद्ध ते ब़ुढीया जिसड़ी कहाणीया कनु अलग़ रेह, ते भग़ती नु साधना कर।

1 तीमुथियुस 6:3

अगर कुई नेरे ही तरीके चा उपदेश ङेणा, ते खरिया बाता नु, यानिकि अम्चे प्रभु ईशु मसीह चा बाता नु ते ओ उपदेशा नु ना मनी, जको भग़ती चे अनुसार छी।

1 तीमुथियुस 6:5

ते वा बन्दा मां बेकार मां लड़ाई झग़ड़े पैदा हुवी, जाई ब़ुध्दि बिगड़ती गेली, ते वे सच्‍चाई कनु दूर हटती गेले, जको समझी कि भग़ती कमाई चा मार्ग़ छै।

1 तीमुथियुस 6:6

पर सब्रा लारे भग़ती करने आला ही सच्‍चा धनवान छै।

2 तीमुथियुस 3:5

वे भग़ती चा भेष घाले, पर नरीकारा ची शक्‍ति नु नी मने, इसड़ा बन्दा कनु दूर रेहजा।

तीतुस 3:8

हा बात सच्‍च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

1 यूहन्‍ना 2:25

ते ईशु मसीह ने खौद्द अम्हानु अनन्त जीवन ङेणे चे वास्ते वायदा करला।

प्रकाशितवाक्य 3:12

जको जीतती जई, ओनु मैं आपणे नरीकारा चे मन्दरा मां हेक खम्बा बणावी, ते ओ बल्ति कङी ब़ाहर नी निकली, ते मैं आपणे नरीकारा चे नां ते आपणे नरीकारा चा शहर यानि नवें यरुशलेम शहरा चे नां, जको माये नरीकारा चे गोढु कनु स्वर्ग़ा कनु उतरने आला छै, ते आपणे नां, ओचे उपर लिखी।

प्रकाशितवाक्य 3:21

जको जीतती जई, मैं ओनु आपणे लारे आपणे सिंहासना उपर ब़िसाणी, जिंवे मैं वी जीतती कर आपणे ब़ा चे लारे ओचे सिंहासना उपर ब़ेसती रेहला।