1 तीमुथियुस 4:7 - ओङ राजपूत

⁷ पर अशुद्ध ते ब़ुढीया जिसड़ी कहाणीया कनु अलग़ रेह, ते भग़ती नु साधना कर।

1 तीमुथियुस 4:7 ပူးပေါင်းရင်းမြစ်များ

प्रेरितां चे काम 24:16

ऐचे कनु मैं आप वी जत्तन करे पला कि नरीकारा ची, ते इन्साना ची तरफ माया विवेक सदा निर्दोष रिहो।

1 तीमुथियुस 1:4

ते वे इसड़ीया मनघड़न्त कहाणीया ते बेअन्त पीढ़ीया उपर मन ना लावा, जाये कनु लड़ाई-झगडे़ हुवी, ते नरीकारा ची वा इच्छा चे अनुसार कोनी, जको विश्‍वास लारे ही पुरी हो सग़े, यूंही ही मैं बल्ति किहे पला।

1 तीमुथियुस 1:9

ईं जाणती कर कि व्यवस्था धर्मी जन वास्ते कोनी, पर अधर्मीया, निरंकुशा, भग़तीहीन, पापीया, अपवित्र, ते अशुद्ध, आई-ब़ा नु मारणे आले, हत्या करने आले।

1 तीमुथियुस 2:10

पर भले कामा चे लारे, कांकि नरीकारा ची भग़ती ग्रहण करने आलीया असतरीया नु ईं वाजिब वी छै।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 तीमुथियुस 4:8

कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।

1 तीमुथियुस 6:11

पर ओ नरीकारा चे जन, तु यां बाता कनु द्रोड़, ते धर्म, भग़ती, विश्‍वास, प्रेम, सब्र, ते नरमाई चा पीछा कर।

1 तीमुथियुस 6:20

हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।

1 तीमुथियुस 6:3

अगर कुई नेरे ही तरीके चा उपदेश ङेणा, ते खरिया बाता नु, यानिकि अम्चे प्रभु ईशु मसीह चा बाता नु ते ओ उपदेशा नु ना मनी, जको भग़ती चे अनुसार छी।

1 तीमुथियुस 6:5

ते वा बन्दा मां बेकार मां लड़ाई झग़ड़े पैदा हुवी, जाई ब़ुध्दि बिगड़ती गेली, ते वे सच्‍चाई कनु दूर हटती गेले, जको समझी कि भग़ती कमाई चा मार्ग़ छै।

2 तीमुथियुस 2:16

पर संसारा चे गन्दे बकवास कनु बचला रेह, कांकि ये बाता बन्दा नु नरीकारा कनु दूर करी।

2 तीमुथियुस 2:23

पर मूर्खता, ऐ बुरे संसारा ची बहस-बाजी कनु दूर रेह, कांकि तु जाणी, कि याकनु झग़ड़े हुवी।

2 तीमुथियुस 3:12

पर जितने ईशु मसीह ची सेवा मां जको नेकी ते भग़ती चे लारे जीवन बिताणे चाहवी वे सारे सताले जाये।

2 तीमुथियुस 3:5

वे भग़ती चा भेष घाले, पर नरीकारा ची शक्‍ति नु नी मने, इसड़ा बन्दा कनु दूर रेहजा।

2 तीमुथियुस 4:4

ते आपणे कान सच्‍चाई कनु फेरती कर, कथा-कहाणीया उपर लावे।

तीतुस 1:14

वानु आज्ञा ङे कि वे यहूदिया ची मनघड़न्त किसे कहाणीया उपर मन ना लाओ, जको सच्‍चाई कनु भटकती जई।

तीतुस 2:12

ते नरीकारा चा अनुग्रह अम्हानु चितावे, कि अम्ही अभग़ति ते संसारिक इच्छा कनु मन फेरती कर ऐ युगा मां संयम ते धर्म ते भग़ती लारे जीन्दगी बिताऊं।

तीतुस 3:9

पर मूर्खता चे लफड़े कनु, ते वंशावलीया, ते बैर विरोध, ते वां झग़ड़ा कनु, जको व्यवस्था चे बारे हो बचला रिहो। कांकि वे निष्फल ते बेकार छी।

इब्रानियां 5:14

पर अन्‍न सियाणा वास्ते छै जाया ज्ञानेन्द्रिया अभ्यास करते-करते भले-बुरे चा भेद करने मां भरपूर हुती गेलीया।