1 तीमुथियुस 4:4 - ओङ राजपूत

⁴ कांकि नरीकारा ची रचली आली हर हेक चीज आच्छी छै, ते कुई वी चीज मना करने चे लायक कोनी, पर हा कि धन्यवाद चे लारे खाली जाओ।

1 तीमुथियुस 4:4 ပူးပေါင်းရင်းမြစ်များ

प्रेरितां चे काम 10:15

बल्ति ओनु ङुजी वारी अवाज सुणीली, “जको कोच्छ नरीकारा ने शोद्ध ठहराले, ओनु अशुद्ध ना केह।”

प्रेरितां चे काम 15:29

मूर्तिया उपर चढ़ले आले खाणे तम्हानु नी खाणे चाही छै। ते आपणे आप नु व्यभिचार कनु बचाली राखा। गिच्‍ची घुटले आली मवेशी चा मांस खाणे कनु दूर रिहो ते वांचे लुहीं ना पीयो। यां बाता कनु दूर रिहा तां तम्चे भले हुवी। नरीकार तम्चे भले करो।”

प्रेरितां चे काम 21:25

“पर वां नेरीया जातिया चे बारे मां जेह्णे विश्‍वास करला, अम्ही हा फैंसला करती कर लिखती भेज़ले कि ‘मूर्तिया उपर चढ़ले आले खाणे तम्हानु नी खाणे चाही छै। गिच्‍ची घुटले आली मवेशी चा मांस खाणे कनु दूर रिहा ते वांचे लुहीं ना पीयो। ते व्यभिचार कनु बचले रिहा।’ ”

रोमियां 14:14

मैं जाणे, ते प्रभु ईशु कनु मनु पक्‍के हुले कि, कुई चीज आपणे-आप कनु अशुद्ध कोनी, पर जको कुई विनु अशुद्ध समझे, ओचे वास्ते अशुद्ध छै।

रोमियां 14:20

खाणे नु महत्व ङिते हुले नरीकारा चे काम ना बिगाड़, सब कोच्छ शोद्ध तां छै। पर ओ बन्दे वास्ते ईं बुरे छै कुई नेरे ओचे भोज़न खाणे लारे ठोकर खाओ।

रोमियां 14:6

जको कुई किसे ङिहां नु मने, वे प्रभु वास्ते मने, जको कुई सब कोच्छ खाये, वे प्रभु वास्ते सब कोच्छ खाये, कांकि वे नरीकारा चा धन्यवाद करी, ते जको कुई कोच्छ चीज ना खई, वे प्रभु वास्ते ना खई, वे वी नरीकारा चा धन्यवाद करी।

1 कुरिन्थियां 10:23

मैं सब करने वास्ते आजाद छै पर सब कोच्छ भलाई वास्ते ना हुवी। मैं कोच्छ वी करने वास्ते आजाद छै पर सारीया चीजा लारे बढोतरी ना हुवी।

1 कुरिन्थियां 10:25

जको कोच्छ कसाईयां चे इठे बिके ऊं खाओ ते विवेक ची वजह कनु कहीं ना पूछा।

1 कुरिन्थियां 10:26

कांकि पवित्रशास्त्र मां लिखले आले छै कि, “धरती ते धरती चे उपर जको कोच्छ वी छै सब कोच्छ प्रभु चे ही छै।”

1 कुरिन्थियां 10:30

अगर मैं नरीकारा चा धन्यवाद करती खाणे मां भईवाल हुवे तां जिसी चीजी उपर मैं धन्यवाद करे ओची वजह कनु माई बदनामी कां हो?

1 तीमुथियुस 4:3

जको बीहा करने कनु रोके, ते खाणे ची कोच्छ चीजा कनु दूर रेहणे ची आज्ञा ङिये, जानु नरीकारा ने ऐवास्ते रचले कि विश्‍वास करने आला, ते सच्‍च नु पिछाणने आले वानु धन्यवाद चे लारे खाये।