1 तीमुथियुस 1:9 - ओङ राजपूत

⁹ ईं जाणती कर कि व्यवस्था धर्मी जन वास्ते कोनी, पर अधर्मीया, निरंकुशा, भग़तीहीन, पापीया, अपवित्र, ते अशुद्ध, आई-ब़ा नु मारणे आले, हत्या करने आले।

1 तीमुथियुस 1:9 ပူးပေါင်းရင်းမြစ်များ

मत्ती 10:21

“भऊ भावा नु, ते ब़ा पूता नु, मारणे वास्ते सोंपे, ते ब़ाले आई-ब़ा चे विरोध मां खड़े हुती कर वानु मरवाती नाखे।

रोमियां 1:30

गन्दिया बाता करने आले, नरीकारा कनु नफरत करने आले, हिंसक, अभिमानी, डींगमार, गन्दिया-गन्दिया बाता बणावणे आले, आई-ब़ा ची आज्ञा नु ना मनणे आले,

रोमियां 4:13

नरीकारा ने हा वायदा करला हुता कि अब्राहम संसारा चा वारिस हुवी, हा वायदा ओनु ते ओचे वंश नु व्यवस्था चे जरिये कोनी मिड़ला, पर विश्‍वास ची धार्मिकता चे जरिये मिड़ला हुता।

रोमियां 5:20

व्यवस्था, आधे मां आती गेली कि अपराध ब़ोहत हो, पर जिठे पाप ब़ोहत हुला, ओठे नरीकारा चा अनुग्रह ओचे कनु वी कहीं ज्यादा हुला।

रोमियां 6:14

बल्ति तम्ही पापा चे अधीन नी हुवा, कांकि तम्ही व्यवस्था चे अधीन कोनी बल्कि अनुग्रह चे अधीन छिवा।

गलातियां 3:19

तां व्यवस्था कां ङिली गेली? वा तां पापा ची वजह बादा मां ङिली कि ओचे वंशा चे आणे तक रिहो, वायदा हेक बिचोलीये चे रुप मां मूसा ची सहायता लारे स्वर्ग़दूता चे जरिये ङिली।

गलातियां 5:18

अगर तम्ही पवित्र आत्मा चे चलाले आले उपर चला तां तम्ही मूसा व्यवस्था चे अधीन कोनी रेहले।

गलातियां 5:21

जलन, नशा खोरी, असतरीगमन, ते यांचे जिसड़ी नेरी-नेरी कामे वी छिती, यांचे बारे मां मैं तम्हानु पेहले केहती ङिये कि इसड़े-इसड़े काम करने आले नरीकारा चे राज़ चे वारिस ना हो सग़ी

गलातियां 5:23

नरमाई ते संयम छी, इसड़े-इसड़े कामा चे विरोध मां कुई वी व्यवस्था कोनी।

2 थिस्सलुनीकियां 2:8

बल्ति ओ पापा चा इन्सान शैताना ची ताकत लारे प्रकट हुवी, जानु प्रभु ईशु आपणे फूके लारे मारती नाखी, ते आपणे आगमन चे तेज लारे भसम करती नाखी।

1 तीमुथियुस 4:7

पर अशुद्ध ते ब़ुढीया जिसड़ी कहाणीया कनु अलग़ रेह, ते भग़ती नु साधना कर।

1 तीमुथियुस 6:20

हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।

2 तीमुथियुस 2:16

पर संसारा चे गन्दे बकवास कनु बचला रेह, कांकि ये बाता बन्दा नु नरीकारा कनु दूर करी।

2 तीमुथियुस 3:2

कांकि बन्दे स्वार्थी, लोभी, डींगमार, अहंकारी, निन्दक, आई-ब़ा ची आज्ञा ना मनणे आले, कृतघ्न, अपवित्र।

तीतुस 1:10

कांकि घणी बन्दी सच्‍चे उपदेश चा विरोध करने आली ते निरंकुश बैफालतु चा बाता करने आली ते धोक्‍का ङेणे आली छी, खास करती खतने आला महु।

तीतुस 1:16

वे किही, कि अम्ही नरीकारा नु जाणु, पर आपणे कामा लारे ओचा इन्कार करी, कांकि वे किज़ड़े ते आज्ञा ना मनणे आले छी, ते कुई आच्छे कामा चे लायक कोनी।

तीतुस 1:6

जको बेकसूर ते हेक ही घराआली चा मोणस हो, जाई ब़ाले-ब़च्‍ची विश्‍वास करने आली हो, ते जानु लोचपण ते निरंकुशता चा दोष ना हो।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

इब्रानियां 11:31

विश्‍वासा लारे ही राहाब नांवा ची वेश्या, आज्ञा ना मनणे आला लारे नाश कोनी हुली, कांकि विणे भेदीया नु सही सलामत राखले हुते।

इब्रानियां 12:16

चौकस रिहा कि तम्चे बीच ना तां कुई व्यभिचारी इन्सान हो, ते ना ही एसाव चे जिसड़ा अधर्मी हो, जेह्णे पलेठी चा पूत हुवणे चे आपणे अधिकारा नु सेर्फ हेको खाणे वास्ते बेचती ङिला।

1 पतरस 2:7

तम्चे वास्ते जको विश्‍वास करा, ओ पत्थर बेशकीमती छै। पर जको विश्‍वास ना करी, वांचे वास्ते पवित्रशास्त्र हा किहे, “कारीगरा ने जिसे पत्थरा नु बेकार समझती कर काढ़ती नाखले हुते, ओही कूणे चा पत्थर बणती गेला,

1 पतरस 3:20

जेह्णे ओ गुजरले समय मां आज्ञा कोनी मनली, जिसे बेले नरीकार नूह चे ङिहां मां सब्र राखती रुकला रेहला, ते ओ जहाज बणे पलता, जाये मां ब़ेसती कर थोड़े लौक यानि सेर्फ आठ जींये पाणीया कनु बचती गेली।

1 पतरस 4:18

“अगर धर्मी बन्दे नु बङी मुश्किल लारे उद्धार मिली, ते जको अधर्मी ते पापी बन्दी छी वांचे का हुवी?”

यहूदा 1:15

कि सारा लौका चा न्यां करो, ते दुष्टा नु वांचे सारे बुरे कामा वास्ते, जको वाणे बुराई लारे करले, ते दुष्ट पापीया नु, जेह्णे नरीकारा चे विरोध मां कड़वे वचन इस्तेमाल करले, दोषी ठहरावी।”

प्रकाशितवाक्य 21:8

पर कायर, ते अविश्‍वासी, ते घिनौने, ते हत्यारे, ते व्यभिचारी, ते जादू-टूणे करने आले, ते मूर्तिपूजक, ते सारे कूड़ मारणे आला चा हेंस्सा वे झीली मां मिली, जको जाखते ते गन्धक लारे ब़लती रिहे, हा ङुजी मौत छै।”

प्रकाशितवाक्य 22:15

ये कुत्ती कामे, जादू-टूणे करने आले, ते व्यभिचारी, ते हत्यारे, ते मूर्तिपूजक, ते कूड़ा उपर टुरणे आले, ते कूड़ लारे प्रेम राखणे आले, ब़ाहरु पले रिहे।