1 तीमुथियुस 1:18 - ओङ राजपूत

¹⁸ ओ माया पूत तीमुथियुस, वा भविष्यवाणीया चे वचना चे अनुसार जको पेहले दुधे बारे मां करलीया गेलतीया, मैं ये आज्ञा तनु सोंपे पला, कि तु वांचे अनुसार आच्छी लड़ाई नु लड़ता रेह।

1 तीमुथियुस 1:18 ပူးပေါင်းရင်းမြစ်များ

प्रेरितां चे काम 16:1

बल्ति पौलुस दिरबे कनु हुती लुस्त्रा शहरा मां वी गेला, ते ओठे हेक तीमुथियुस नांवा चा चैला हुता। ओची आई यहूदी हुती ते विश्‍वास करने आली हुती, पर ओचा ब़ा यूनानी हुता।

1 कुरिन्थियां 4:17

ऐवास्ते मैं तीमुथियुस नु जको प्रभु मां माया प्यारा ते विश्‍वासयोग पूत छै, तम्चे गोढु भेज़ले, ते ओ तम्हानु मसीह मां माया चरित्र याद करा वी, जिंवे कि मैं हर जग़हा हर हेक कलीसिया मां उपदेश करे।

1 कुरिन्थियां 9:7

कूण कङी आपणे घरु खाती कर सिपाही चे काम करे? कूण अंगूरा ची बाड़ी राहती कर विचे फल ना खई? कूण भेङा नु पालती कर वांचे ङूध ना पी?

फिलिप्पियां 2:22

तम्ही तीमुथियुस चे चरित्र नु जाणा कि सुसमाचार चे प्रचार मां माये लारे ओणे यूंही सेवा करली, जिंवे हेक पूत आपणे ब़ा लारे करे।

1 तीमुथियुस 1:2

तीमुथियुस चे नांवे जको विश्‍वास मां माया सच्‍चा पूत छै। ब़ा नरीकार, ते अम्चे प्रभु ईशु मसीह ची ओर कनु, तनु अनुग्रह, ते दया, ते शान्ति मिलती रिहो।

1 तीमुथियुस 1:5

आज्ञा चा निचोड़ हा छै, कि शोद्ध मन ते आच्छा विवेक, ते बिना कप्पट करले विश्‍वास लारे प्रेम पैदा हुला हो।

1 तीमुथियुस 4:14

ओ आत्मिक वरदाना लारे जको दुधे कनु छै, ओनु कामा मां गेहते जको भविष्यवाणी लारे अग़ुवा चे हाथ मेहलणे चे समय उपर तनु मिड़ला हुता।

1 तीमुथियुस 4:4

कांकि नरीकारा ची रचली आली हर हेक चीज आच्छी छै, ते कुई वी चीज मना करने चे लायक कोनी, पर हा कि धन्यवाद चे लारे खाली जाओ।

1 तीमुथियुस 6:20

हे तीमुथियुस, ऐ जिम्मेवारी ची रखवाली कर, ते जिसे ज्ञान नु ज्ञान केहणे ही भूल छै, ओचे गन्दे बकवास ते बहस-बाजी चा बाता कनु दूर रेह।

2 तीमुथियुस 1:2

प्यारे पूत तीमुथियुस चे नांवे, नरीकार ब़ा ते अम्चे प्रभु मसीह ईशु ची ओर कनु तनु अनुग्रह ते दया ओर शान्ति मिलती रिहो।

2 तीमुथियुस 4:7

मैं मसीह चे कामा ची आच्छी कुश्ती लड़ती चुकला, मैं आपणी दौड़ पुरी करती गेली, मैं विश्‍वास ची रखवाली करली।

तीतुस 1:4

तीतुस चे नांवे, जको विश्‍वास ची भईवाली चे विचारा लारे माया सच्‍चा पूत छै। नरीकार ब़ा ते अम्चे उद्धारकर्ता मसीह ईशु ची ओर कनु तनु अनुग्रह ते शान्ति मिलती रिहो।

फिलेमोन 1:10

मैं आपणे ब़ाल उनेसिमुस चे वास्ते बिनती करे जको कैदखाने मां पौलुस चे जरिये ईशु मसीह उपर विश्‍वास करने चे जरिये मसीह मां माया धर्मा चा पूत छै।