1 तीमुथियुस 1:13 - ओङ राजपूत

¹³ मैं तां पेहले निन्दा करने आला, ते सतावणे आला, ते अन्धेर करने आला हुता, तां वी माये उपर दया हुली, कांकि मैं अविश्‍वास ची दशा मां बिना सोचले समझले, ये कामे करली हुती।

1 तीमुथियुस 1:13 ပူးပေါင်းရင်းမြစ်များ

लूका 12:47

“ते ओ दास जको आपणे मालका ची इच्छा जाणता, ते तियार कोनी रेहला ते ना ओची मर्जी चे अनुसार चढ़ला, ओ घणी मार खई।

लूका 23:34

तब ईशु ने केहले, “हे ब़ा, याहनु माफ कर, कांकि ये ना जाणी कि का करी पले।” ते वाणे पर्चीया नाखती कर ओची ओढ़णी बांटती गेहली।

प्रेरितां चे काम 22:4

मैं मर्द ते असतरीया ङुंहु नु ब़ांथी ब़ांथी कर ते कैदखाने मां नाखती नाखती कर, ऐ पंथ नु इठे तक सताले कि वानु मरवाती वी नाखले।

प्रेरितां चे काम 3:17

“हमा हे माये भऊ, मैं जाणे कि ईं काम तम्ही ना समझी लारे करले, ते इसड़े ही तम्चे सरदारा ने वी करले।

प्रेरितां चे काम 8:3

पर शाऊल कलीसिया नु उज़ाड़े पलता, ते घरे-घरे घिरती कर मर्दा ते असतरीया नु घींसती-घींसती कर कैदखाने मां नाखती ङिता।

प्रेरितां चे काम 9:1

शाऊल जको हमा तक प्रभु चे चैला नु धमकावणे ते मारती नाखणे ची धुन्‍नी मां हुता, ओ महायाजक चे गोढु गेला।

प्रेरितां चे काम 9:13

पर हनन्याह ने उत्तर ङिला, “हे प्रभु, मैं ऐ इन्साना चे बारे मां घणा कनु सुणले कि ऐणे यरुशलेम मां दुधे पवित्र लौका लारे बङीया-बङीया बुराईया करलीया,

प्रेरितां चे काम 9:5

शाऊल ने पूछले, “हे प्रभु, तु कूण छी?” ओणे केहले, “मैं ईशु छै, जानु तु सतावी।

1 कुरिन्थियां 15:9

कांकि मैं प्रेरितां महु सबकनु छोटा छै, बल्कि प्रेरित किहवाणे चे वी काबिल कोनी, कांकि मैं नरीकारा ची कलीसिया नु सताले हुते।

1 कुरिन्थियां 7:25

कुंवारीया चे बारे मां प्रभु ची कुई आज्ञा मनु कोनी मिड़ली पर विश्‍वासयोग हुवणे वास्ते जिसड़ी दया प्रभु ने माये उपर करली छै ओचे अनुसार आपणे तरफु केहणा चाहवे।

गलातियां 1:13

यहूदिया चे पन्था मां जको माया पेहले चाल-चलन हुता ओचे बारे तम्ही सुणती चुकले छिवा कि मैं नरीकारा ची कलीसिया नु ब़ोहत ही सताता ते नाश करता।

फिलिप्पियां 3:6

जोश चे बारे अगर किहा तां कलीसिया नु सतावणे आला, ते व्यवस्था ची धार्मिकता चे बारे अगर किहा तां मैं निर्दोष हुता।

1 तीमुथियुस 1:16

पर माये उपर ऐवास्ते दया हुली, कि मैं सारा महु बङा पापी छै, माये उपर ईशु मसीह आपणी पुरी सहनशीलता ङिखाणो, कि जको लौक ओचे उपर अनन्त जीवन चे वास्ते भरोसा राखे, वांचे मां हेक आदर्श बणे।

इब्रानियां 4:16

ऐवास्ते अम्ही नरीकारा चे अनुग्रह चे सिंहासन चे सामणे हिम्मत ब़ांहती कर चालु, कि अम्चे उपर दया हो ते ओ अनुग्रह गिहुं जको जरुरी समय उपर अम्ची सहायता करो।

1 पतरस 2:10

“तम्ही पेहले तां कहीं वी कोनी हुते, पर हमा नरीकारा चा वंश छिवा। तम्चे उपर दया कोनी हुली हुती, पर हमा तम्चे उपर नरीकारा ची दया हुली।”