1 थिस्सलुनीकियां 4:15 - ओङ राजपूत

¹⁵ कांकि अम्ही प्रभु चे वचना चे अनुसार तम्हानु ईं किहु, कि अम्ही जको जीते छिऊं, ते प्रभु चे आणे चे ङिओ तक बचले रिहुं, नूहला आला महु कङी आग़ु नी बधु।

1 थिस्सलुनीकियां 4:15 ပူးပေါင်းရင်းမြစ်များ

मत्ती 17:25

पतरस ने केहले, “हव्वे, ङिये वे।” जिसे बेले ओ घरे आला, तां ईशु ने ओचे पूछणे कनु पेहले ही ओनु केहले, “हे शमौन, तु का सोची पला? धरती चे राजा जा चुंगी जा कर् काये कनु गिही, आपणे पूता कनु जा पराया कनु।”

1 कुरिन्थियां 15:18

तब तां जको मसीह मां नूहती रेहले, वे वी नाश हुले।

2 कुरिन्थियां 12:1

जबकि माये वास्ते घमण्ड करने ठीक कोनी, बल्ति वी करना पड़े। पर मैं प्रभु चे ङिले हुले दर्शन ते प्रकाशना ची चर्चा करी।

2 कुरिन्थियां 4:14

कांकि अम्ही जाणु, जेह्णे प्रभु ईशु नु जिवाले, ओही अम्हानु वी ईशु मां भईवाल जाणती कर जिवावी, ते तम्चे लारे आपणे सामणे खड़े करी।

गलातियां 1:12

कांकि ना तां कुई बन्दे कनु गेहला, ना ही कुई बन्दे मनु सिखाला, पर हा ईशु मसीह चे अगुवाई लारे मनु मिड़ला।

1 थिस्सलुनीकियां 2:19

भला अम्ची आस, जा खुशी जा बढ़ाई चा मुग़ट का छै? का अम्चा प्रभु ईशु चे सामणे ओचे आवणे चे समय तम्ही ही नी हुवा?

1 थिस्सलुनीकियां 4:13

हे माये भऊ ते ब़ेहणीया अम्ही ना चाहु, कि तम्ही वांचे बारे मां जको विश्‍वास करने आला नूहती रिहे, ना समझ रिहा, इसड़े ना हो कि, तम्ही नेरा आलीकर शोक मनावा, जानु उम्मीद कोनी।

1 थिस्सलुनीकियां 5:10

ईशु मसीह अम्चे वास्ते ऐ वजह मरला, कि अम्ही चाहे जीते रिहुं चाहे मरती जऊं जिसे बेले ओ पुठा आवी ओचे लारे जिऊं।

2 थिस्सलुनीकियां 2:1

ओ माये भऊ ते ब़ेहणीया, तम्ही आपणे प्रभु ईशु मसीह चे आणे ते ओचे आपणे भेले हुवणे चे बारे मां तम्हा कनु विनती करु पले,