1 थिस्सलुनीकियां 4:11 - ओङ राजपूत

¹¹ ते जिसड़ी अम्ही तम्हानु आज्ञा ङिली, यूंही चोप-चाप रेहणे ते आपणे आपणे काम काज करने मां ही ध्यान ङियो ते आपणे आपणे हाथा लारे कमाणे ची कोशिस करा।

1 थिस्सलुनीकियां 4:11 ပူးပေါင်းရင်းမြစ်များ

मरकुस 13:34

हा ओ इन्साना ची दशा छै, जको प्रदेस जते बेले आपणे घर छोड़ती जाये ते आपणे दासा नु अधिकार ङियो, ते हर हेक नु ओचे काम बावड़ती ङियो, ते द्वारपाल नु जाग़ते रेहणे ची आज्ञा ङियो।

प्रेरितां चे काम 18:3

पौलुस ते अक्विला चा हेक ही धन्धा हुता, ऐवास्ते ओ जती कर वांचे लारे रेहला, ते वांचा धन्धा तम्बू बणावणे चा हुता।

प्रेरितां चे काम 20:35

मैं तम्हानु सब कोच्छ करती ङिखाणले, कि ये रीति लारे मेहनत करते हुले बेबस लौका नु सम्भालणे, ते प्रभु ईशु चा बाता नु याद राखणे जरुरी छै, कि ओणे आप ही खौद्द केहले, ‘गेहणे कनु ङेणे भले छै।’ ”

रोमियां 12:11

मेहनत करने मां आलसी ना बणा, आत्मा मां जोश लारे भरीती कर प्रभु ची सेवा करा।

रोमियां 15:20

पर माये मना ची इच्छा हा छै कि, जिठे-जिठे मसीह चे नां कोनी गेहले गेले, उठी सुसमाचार सुणावे, इसड़े ना हो, कि ङुजे ची नीम उपर घर बणावे।

1 कुरिन्थियां 4:12

अम्ही आपणे ही हाथा लारे काम करती मेहनत करु। लौक बुरे किहे अम्ही आशीर्वाद ङिऊं, वे सतावी, अम्ही सेहते रिहुं।

2 कुरिन्थियां 5:9

ऐवास्ते अम्चे मना ची बङी इच्छा हा छै कि, चाहे अम्ही शरीरा मां रिहुं, चाहे अम्ही ना रिहुं पर अम्ही ओनु भाते रिहुं।

इफिसियां 4:28

चोरी करने आले बल्ति चोरी ना करो ते आपणे हाथा लारे आच्छे काम करा ते जानु ङेणे चाही छै ओनु ङिया।

1 तीमुथियुस 2:2

राजा ते हाकिमा चे वास्ते प्राथना करा, ताकि अम्ही चैन ते शान्ति समेत पुरी भग़ती ते गहराई चे लारे जी सग़ु।

1 तीमुथियुस 5:13

ते ऐचे लारे ही लारे वे घर-घर फिरती कर आलसी हुवणे सिखती जई, ते सेर्फ आलसी कोनी, पर बक-बक करतीया रिही ते नेरा चे कामा मां टांका अड़ावी ते बेफालतु चा बाता ब़ोली।

तीतुस 3:14

ते अम्चे लौक वी जरुरता नु पुरीया करने वास्ते पुरे मना लारे आच्छे कामा मां लाग़ले रेहणे सिखो ताकि निक्‍कमे ना रिहो।

1 पतरस 3:4

बल्कि तम्चा सिंगार तां तम्चे मना चा भीतरी व्यक्‍तित्व हुवणा चाही छै जको मुलायम ते शान्त चे अविनाशी सुन्दरता लारे मिड़ला आला हो। नरीकारा ची नजरी मां जको ब़ोहत ही कीमती हो।

1 पतरस 4:15

तम्चे महु कुई बन्दे हत्यारे जा चोर, जा ते बल्ति कुकर्मी हुवणे जा ङुजा चे कामा मां नुकसान पुचाणे आला बणती कर ङोख ना भोग़ो।