1 थिस्सलुनीकियां 2:19 - ओङ राजपूत

¹⁹ भला अम्ची आस, जा खुशी जा बढ़ाई चा मुग़ट का छै? का अम्चा प्रभु ईशु चे सामणे ओचे आवणे चे समय तम्ही ही नी हुवा?

1 थिस्सलुनीकियां 2:19 ပူးပေါင်းရင်းမြစ်များ

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

मरकुस 8:38

जको कुई ये व्यभिचार ते पापी जाति चे बीच माये कनु ते माया बाता कनु लज़ावी, मैं इन्साना चा पूत वी जिसे बेले पवित्र स्वर्ग़दूता चे लारे आपणे ब़ा नरीकारा ची महिमा लारे आवी, तब ओकनु वी लज़ावी।”

यूहन्‍ना 21:22

ईशु ने ओनु केहले, “अगर मैं चाहवें कि ओ माये आणे तक रुकला रिहो, तां तनु का? तु माये भांसु हुती पड़।”

1 कुरिन्थियां 15:23

पर हेक-हेक करती, पेहला फल मसीह, बल्ति मसीह चे आणे उपर ओचे लौक वी जिवाले जाये।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

2 कुरिन्थियां 1:14

तम्ही अम्हानु पुरी तरह समझ सग़ा, ताकि तम्ही अम्चे उपर गर्व कर सग़ा यूंही प्रभु ईशु चा बल्ति आवणे चा ङिओ, अम्ही तम्चे उपर गर्व करु।

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

फिलिप्पियां 4:1

ऐवास्ते माये प्यारे भऊ ते ब़ेहणीया, तम्ही जको माई खुशी ते माया मान-समान छिवा। तम्हानु ङेखणे चे वास्ते माये मन तरसे पले, जिसड़े मैं तम्हानु बावड़ले यूंही प्रभु मां टिकले रिहा।

1 थिस्सलुनीकियां 2:20

अम्ची बढ़ाई ते खुशी तम्ही ही छिवा।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

1 थिस्सलुनीकियां 4:15

कांकि अम्ही प्रभु चे वचना चे अनुसार तम्हानु ईं किहु, कि अम्ही जको जीते छिऊं, ते प्रभु चे आणे चे ङिओ तक बचले रिहुं, नूहला आला महु कङी आग़ु नी बधु।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

2 थिस्सलुनीकियां 1:4

इठे तक अम्ही आप नरीकारा ची कलीसिया मां ते तम्चे बारे मां घमण्ड करु, कि जितने ङोख ते क्लेश तम्ही सहन करा, वां सारा मां तम्चा सब्र ते विश्‍वास प्रकट हुवे।

2 थिस्सलुनीकियां 1:7

ते तम्ही जको क्लेश पावा, अम्चे लारे सोख हो, ओ समय उपर जिसे बेले कि प्रभु ईशु आपणे सामर्थी दूता चे लारे, धधकते हुले जाखते महु स्वर्ग़ा कनु प्रकट हुवी।

2 थिस्सलुनीकियां 2:1

ओ माये भऊ ते ब़ेहणीया, तम्ही आपणे प्रभु ईशु मसीह चे आणे ते ओचे आपणे भेले हुवणे चे बारे मां तम्हा कनु विनती करु पले,

तीतुस 2:13

ते वे धन्‍न आसा ची यानि आपणे महान नरीकार ते मुक्‍तिदाता ईशु मसीह ची महिमा चे उजागर हुवणे ची बाट ङेखते रिहा।

याकूब 5:7

हे माये भऊ, प्रभु चे बल्ति आणे तक तसल्‍ली राखा, ओ जमींदार नु तां ङेखा जको आपणी भोंये ची कीमती रहड़ी चा इन्तजार करता रिहे। ऐवास्ते शुरु ची बारशी कनु लाती कर ओ आखरी बारशी तक लगातार तसल्‍ली लारे इन्तजार करता रिहे।

याकूब 5:8

तम्ही वी तसल्‍ली राखा, ते आपणे मना नु मजबूत करा, कांकि नरीकारा चे आणे ची घड़ी गोढु छै।

1 पतरस 5:4

जिसे बेले प्रधान रखवाला प्रकट हुवी तां तम्हानु महिमा चा मुग़ट ङिला जई ओची शोभा कङी नी घटी।

2 पतरस 1:16

कांकि जिसे बेले अम्ही तम्हानु आपणे प्रभु ईशु मसीह ची ताकत चा, ते आवणे चा समाचार ङिला हुता तां वे चतराई लारे घड़लीया आलीया कहाणीया चा सहारा कोनी गेला हुता। बल्कि अम्ही तां आप ही खौद्द ओची महानता चे ग़वाह छिऊं।

2 पतरस 3:4

ते किहे, “मसीह चे आणे चा वायदा किठे गेला? कांकि जिसे बेले वांचे ङाङा-ब़ा नूहती रेहले, सब कोच्छ इसड़े ही छै, जिसड़े सृष्टि ची शुरुआत कनु हुते।”

1 यूहन्‍ना 2:28

हे माई प्यारी ब़ाले, ईशु मां बणले रिहा कि जिसे बेले ओ प्रकट हो, तां अम्हानु हिम्मत हो। ते अम्ही ओचे आणे उपर ओचे सामणे आणे कनु शर्माऊं ना।

यहूदा 1:24

हमा नरीकार जको तम्हानु ठोकर खाणे कनु बचा सग़े, ते आपणी महिमा ची भरपूरी चे सामणे मगन ते निर्दोष करती कर खड़े कर सग़े,

प्रकाशितवाक्य 1:7

ङेखा, ओ बदला चे लारे आणे आला छै, ते हर हेक आँख ओनु ङेखी, बल्कि जेह्णे ओनु सुराखे करली हुती वे वी ओनु ङेखे, ते धरती चे सारे कोल्‍ल ओची वजह कनु छात्ती कोट्टे। हांआ। आमीन।

प्रकाशितवाक्य 22:12

ईशु ने केहले, “ङेखा, मैं ब़ोहत जल्दी आणे आला छै, ते हर-हेक नु ओचे कामा चे अनुसार बदला ङेणे चे वास्ते प्रतिफल माये कनु छै।