1 थिस्सलुनीकियां 2:16 - ओङ राजपूत

¹⁶ ते वे नेरीया जातिया नु वांचे उद्धार वास्ते बाता करने कनु अम्हानु रोकी, नतीजा हा छै, कि वे सदा आपणे पापा चे ठां भरते रिही, पर अन्त मां तां नरीकारा चा भयानक गुस्सा वांचे उपर आती पुज़ला।

1 थिस्सलुनीकियां 2:16 ပူးပေါင်းရင်းမြစ်များ

मत्ती 12:45

तब वा जती कर आपणे कनु नेरीया बुरीया सात दुष्टात्मा नु आपणे लारे गेहली आवे, ते वे ओचे मां रम्मती कर ओठे वास करे, ते ओ बन्दे ची भांसली दशा पेहले कनु वी बुरी हुती जाये। ऐ समय चे लौका ची दशा वी इसड़ी ही हुवी।”

मत्ती 23:32

तां तम्ही आपणे ङाङा-ब़ा चे पापा चा घड़ा पुरी तरह भरती ङिया।

मत्ती 24:14

ते स्वर्ग़ राज़ चा हा सुसमाचार सारे संसारा चीया जातिया मां प्रचार करला जई कि सारीया जातिया उपर ग़वाही हो, तब अन्त आती जई।

मत्ती 24:6

तम्ही लड़ाईया ते लड़ाईया ची चर्चा सुणा, तां घब़राती ना जजा कांकि यांचे हुवणे जरुरी छै, पर ओ समय अन्त नी हुवी।

मत्ती 3:12

ओचे छाज़ ओचे हाथा मां छै, ते ओ आपणा पेएड़ आच्छी रीति लारे साफ करी, ते आपणी कणकी नु तां पिएड़ा मां भेली करी। पर भूंआ नु वे जाखते मां ब़ाली जको ब़िझणे चे कोनी।”

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 14:5

पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 19:9

पर जिसे बेले कोच्छ बन्दा ने आपणे मना नु कठोर करती गेले ओची कोनी मनली यां बाता नु बुरे-भले किहुं लाग़ले, ऐवास्ते पौलुस आपणे चैला नु लारे गेहती उठु चाह्‍ला गेला, ओ तुरन्‍नुस चे स्कूला मां गेला, जिठे ओ हर ङिओ भीड़ लारे नरीकारा चे वचना लारे बहस-बाजी करता।

प्रेरितां चे काम 21:21

ते वानु दुधे बारे मां सिखाले गेले कि तु नेरीया जातिया मां रेहणे आले यहूदिया नु मूसा ची व्यवस्था कनु फिरती जाणे वास्ते सिखावी, ते ईं किही कि, ‘ना तां आपणे ब़ाला चा खतना करा ते ना ही रिति-रिवाजा उपर चला।’

प्रेरितां चे काम 23:12

जिसे बेले ङिओ हुला, तां कोच्छ यहूदिया ने ऐका करती गेला, ते कसम खाली कि, “जब तक अम्ही पौलुस नु मारती ना नाखु बल्ति तक अम्ही कहीं खऊं-पिऊं नी।”

प्रेरितां चे काम 24:9

तब यहूदिया ने पौलुस चे उपर अरोप लावणे शुरु करती ङिले, ते ये बाते मां हां मां हां मिलावी कि ये सारे अरोप सही छी।

प्रेरितां चे काम 25:2

बल्ति प्रधान याजका ने, ते यहूदिया चे अग़ुवा ने, ओचे सामणे पौलुस उपर दोष लावणे शुरु करती ङिले।

प्रेरितां चे काम 25:7

जिसे बेले पौलुस ओठे आला ते जको यरुशलेम कनु आले भिलते, वाणे पौलुस नु घेरती कर ओचे उपर कई तरह चे अरोप लावणे शुरु करती ङिले, ते जानु वे खौद्द साबित ना कर सग़ले।

प्रेरितां चे काम 4:12

ते कुई ङुजे चे जरिये उद्धार कोनी, कांकि सारे संसारा मां नेरे कुई ङुजे नां कोनी ङिले गेले, जाये जरिये अम्ही उद्धार गे सग़ु।”

प्रेरितां चे काम 9:23

जिसे बेले घणी ङिहें गुजरती गेली, तां यहूदिया ने मिलती कर ओची मारती नाखणे ची जुग़त काढ़ली।

1 कुरिन्थियां 10:33

ठीक जिंवे मैं वी सब बाता मां सब नु खौश राखे ते मैं आपणे भले ची ना। पर ङुजा चे भले चा ध्यान राखे कि वे उद्धार गे सग़ो।

गलातियां 5:11

पर हे भऊ ब़ेहणी, अगर मैं हमा तक खतने चा प्रचार करी हा, तां कां हमा तक सताला जाये? अगर इसड़े हुवीया तां मसीह चे क्रूसा ची वजह कनु आली सारी रुकावटा खत्तम हुती जईया।

इफिसियां 3:13

मैं बिनती करे पला जको क्लेश माये मां हुवी पले ओचे मां तम्ही हिम्मत ना हारा कांकि वांचे मां तम्ची महिमा छै।

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

1 थिस्सलुनीकियां 1:10

ते ओचे पूता चे स्वर्ग़ा कनु आवणे ची बाट ङेखते रिहा, जानु ओणे मरला आला महु जिवाले, यानि ईशु ची, जको अम्हानु नरीकारा चे आणे आले गुस्से कनु बचावे।

2 थिस्सलुनीकियां 2:10

ते नाश हुवणे आला चे वास्ते अधर्म चे सारे तरीके चे धोक्‍के लारे हुवी, ते वे नाश हुवी पले कांकि वाने सच्‍चाई चे प्यारा नु कोनी मनले, जाये कनु वांचा उद्धार हुवणा तां।

1 तीमुथियुस 2:4

नरीकार ईं चाहवे, कि सारे बन्दा चा उद्धार हो, ते वे सच्‍चाई नु भली भान्ती जाणती गिहो।

इब्रानियां 6:8

पर वाहो भोंये अगर झाड़ ते ऊंठकटारे उग़ावे तां वा कुई कामा ची कोनी ते श्रापित हुवणे उपर छै। जाखते मां ब़ालती नाखणे विचा अन्त छै।

प्रकाशितवाक्य 22:11

“जको बुरे करते आले, वे बुरे करते रिहो, जको घिनौने बणले आले छी, वे घिनौने ही बणले रिहो। जको धर्मी छै, ओ धर्मी ही बणला रिहो, ते जको पवित्र छै, ओ पवित्र बणला रिहो।”