1 थिस्सलुनीकियां 2:15 - ओङ राजपूत

¹⁵ वा यहूदी लौका ने प्रभु ईशु नु ते भविष्यवक्‍ता नु वी मारती नाखले ते अम्हानु सताले, ते नरीकार वाकनु खौश कोनी, ते वे सारे बन्दा चा विरोध करी।

1 थिस्सलुनीकियां 2:15 ပူးပေါင်းရင်းမြစ်များ

मत्ती 23:37

“हे यरुशलेम, हे यरुशलेम, तु भविष्यवक्‍ता नु मारती नाखी, ते जको दुधे गोढु भेज़ले गेले, वांचे उपर पत्थराव करी, कितना ही वारी मैं चाह्‍ले कि जिंवे कूकड़ी आपणे ब़ाला नु आपणे खांपा तले भेले करे, यूंही मैं वी दुधे ब़ाला नु भेले करती गिहे, पर तम्ही कोनी चाह्‍ले।

मत्ती 27:25

सब लौका ने उत्तर ङिला, “ऐचे लुहीं अम्चे उपर ते अम्ची ऊलाद्धी उपर हो!”

मत्ती 5:12

ओ बेले आनन्द चे लारे मगन हुजा, कांकि तम्चे वास्ते स्वर्ग़ा मां बङा प्रतिफल छै। ऐवास्ते कि वाणे वां भविष्यवक्‍ता नु जको तम्चे कनु पेहले हुते यूंही सताले हुते।

लूका 24:20

ते प्रधान याजका ते अम्चे सरदारा ने ओनु पकड़वाती ङिले, कि ओचे उपर मौत ची आज्ञा ङिली जाओ, ते ओनु क्रूसा उपर चढ़वाले।

प्रेरितां चे काम 12:3

जिसे बेले ओणे ङेखले, कि यहूदी लौक ये बाते कनु खौश हुवे, तां ओणे पतरस नु वी पकड़ती गेले। वे ङिहें अखमीरी रोटी चे तेंहवारा ची हुती।

प्रेरितां चे काम 2:23

ओही ईशु नु, नरीकारा ची ठहराली हुली योजना ते सारे ज्ञान चे अनुसार पकड़ीला गेला, ते तम्ही अधर्मीया चे हाथा लारे ओनु क्रूसा उपर चढ़वाती कर मारती नाखले।

प्रेरितां चे काम 3:15

ते तम्ही हेक जीवन ङेणे आले नु मारती नाखले, जानु नरीकारा ने मरले आला महु जिवाले, ते ये बाते चे अम्ही ग़वाह छियुं।

प्रेरितां चे काम 4:10

तां तम्ही सारे इस्राएली लौक जाणती गिहा कि ईशु मसीह नासरी चे नांवा लारे जानु तम्ही क्रूसा उपर चढ़ाले, ते नरीकारा ने मरले आला महु जिवाले, ईं बन्दे तम्चे सामणे भले चंगे भिले ले।

प्रेरितां चे काम 5:30

अम्चे ङाङा-ब़ा चे नरीकारा ने ईशु नु जिवाले, जानु तम्ही क्रूसा उपर टांकती कर मारती नाखले ते।

प्रेरितां चे काम 7:52

का कङी वी कुई इसड़ा भविष्यवक्‍ता हुला जानु तम्चे पुरखा ने सताले ना हो? इठे तक कि वाणे वा भविष्यवक्‍ता नु वी मारती नाखले हुते, ते जेह्णे ओ धर्मी इन्साना चे आणे ची पेहले ही कनु भविष्यवाणी करली हुती। तम्ही ओही मसीह नु धोक्‍के लारे पकड़वाती कर मरवाती नाखले।

1 कुरिन्थियां 10:5

पर नरीकार वांचे महु घणा कनु खौश कोनी हुता, ऐवास्ते ब्याबाना मां ही मरती गेले।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।