1 पतरस 5:13 - ओङ राजपूत

¹³ जको बेबीलोन मां तम्चे आलीकर चुणले आले कलीसिया चे लौक छी, वे ते माया पूत मरकुस तम्हानु नमस्कार किही पले।

1 पतरस 5:13 ပူးပေါင်းရင်းမြစ်များ

प्रेरितां चे काम 12:12

ते ईं जाणती कर, ओ वे यूहन्‍ना ची आई मरियम चे घरे आला, यूहन्‍ना जको मरकुस किहवावे। ओठे ब़ोहत लौक भेले हुती कर प्राथना करी पलते।

प्रेरितां चे काम 12:25

जिसे बेले बरनबास ते शाऊल आपणी सेवा पुरी करती चुकले तां यूहन्‍ना नु जानु मरकुस किही, लारे गेहती यरुशलेम कनु पुठे आले।

प्रेरितां चे काम 15:37

बल्ति बरनबास ने यूहन्‍ना नु जको मरकुस किहवाता, लारे गेहली जाणे चा विचार करला।

प्रेरितां चे काम 15:39

वां ङुंहु चा इसड़ा विवाद हुला वे हेके ङुजे कनु अलग़ हुती गेले। बरनबास, मरकुस नु आपणे लारे गेहती कर जहाजा मां ब़ेसती ते साइप्रस शहरा सनु चाह्‍ला गेला।

कुलुस्सियां 4:10

अरिस्तर्खुस जको माये लारे कैदी छै, ते मरकुस जको बरनबास चा भऊ लाग़े वांचा ङुंहु चा तम्हानु नमस्कार। मरकुस जाये बारे मां तम्हानु आज्ञा मिड़ली हुती कि अगर ओ तम्चे गोढु आती जाये, तां ओची आच्छी इज्जत करजा

फिलेमोन 1:24

माये साथी कार्यकर्ता, मरकुस, अरिस्तर्खुस, देमास, ते लूका चा तम्हानु नमस्कार किही।

2 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी वांचे नांवे लिखे पला। वा चुणली आली असतरी ते विचे ब़ाला चे नांवे, जाये लारे मैं सच्‍चा प्रेम राखे, ते सेर्फ मैं ही कोनी बल्कि वे वी सारे प्रेम राखी जको सच्‍चाई नु जाणी।

2 यूहन्‍ना 1:13

दुधी ब़ेहणी ची ब़ाले जानु नरीकारा ने चुणले तनु नमस्कार किही।

प्रकाशितवाक्य 17:5

ते विचे मत्थे उपर रहस्यमय नां लिखले आले हुते, “भेद बङा बेबीलोन, धरती चा वेश्या, ते गन्दिया चीजा ची आई।”

प्रकाशितवाक्य 18:2

ओणे ऊंची अवाजी लारे साङ मारती कर केहले, “ढेती गेला, बङा बेबीलोन शहर ढेती गेला, ओ दुष्टात्मा रेहणे ची जग़हा, ते हर-हेक अशुद्ध आत्मा चा अङा, ते हर-हेक अशुद्ध ते किज़ड़े पखींया चा अङा हुती गेला।