1 पतरस 3:5 - ओङ राजपूत

⁵ कांकि बीतले आले युगा चा वे पवित्र असतरीया आपणे आप नु सजाणे संवारने चा हाओ ही ढंग हुता, जाया उम्मीदा नरीकारा उपर टिकलीया आलीया हुतीया। वे आपणे आपणे मुणसा चे वशा मां रेहतीया।

1 पतरस 3:5 ပူးပေါင်းရင်းမြစ်များ

लूका 2:37

पर हमा वा बांढी चोरासी साला ची हुती, ते मन्दरा नु ना छोड़ती, पर उपवास ते प्राथना करती करती कर रात-ङिओ उपासना करती रेहती।

प्रेरितां चे काम 1:14

ये सारे कई असतरीया ते ईशु ची आई मरियम ते ओचे भावां लारे मन लाती प्राथना मां लाग़ले रेहले।

प्रेरितां चे काम 9:36

याफा मां तबीता नांवा ची हेक विश्‍वासनी रेहती, जानु यूनानी भाषा मां दोरकास किही जाया मतलब हरणी हुवे। वा ब़ोहत सारे भले-भले काम ते दान करती रेहती।

इफिसियां 5:33

जको घरा आला छै, आपणी घराआली लारे आपणे जिसड़ा प्रेम करो, ते घराआली वी आपणे मुणसा ची इज्जत करो।

1 तीमुथियुस 2:10

पर भले कामा चे लारे, कांकि नरीकारा ची भग़ती ग्रहण करने आलीया असतरीया नु ईं वाजिब वी छै।

1 तीमुथियुस 2:15

तां वी ब़ाले जणने चे जरिये उद्धार पावी, अगर वे तसल्‍ली लारे विश्‍वास, प्रेम, ते पवित्रता मां टिकली रिहो।

1 तीमुथियुस 5:10

ते भले कामा मां सरनाम रेहली हो, जेह्णे ब़ाला चा पालन पोसण करला हो, मेहमाना ची सेवा करली हो, प्रभु चे पवित्र लौका चे पग़्ग़ धोले हो, ङुखीया ची सहायता करली हो, ते हर हेक भले कामा मां मन लाले हो।

1 तीमुथियुस 5:5

जको सच्‍चमां बांढी छै, ते विचे कुई कोनी, वा नरीकारा उपर आस राखे, ते रात-ङिओ बिनती करती ते प्राथना मां मगन रिहे।

इब्रानियां 11:11

विश्‍वासा लारे ही सारा ने आप ब़ुढी हुवणे उपर वी ब़ाल जमावणे ची ताकत गेहली, कांकि विणे वायदा करने आले नु विश्‍वासयोग मनले हुते।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।