1 पतरस 3:18 - ओङ राजपूत

¹⁸ कांकि मसीह ने वी अम्चे पापा चे वास्ते ङोख भोग़ले। यानिकि ओ बेकसूर हुता। अम्चे पापा चे वास्ते हेक वारी मरती गेला कि अम्हानु नरीकारा चे गोढु गेहती जाओ। शरीरा चे जरिये तां ओ मारला गेला, पर आत्मा चे जरिये जिवाला गेला।

1 पतरस 3:18 ပူးပေါင်းရင်းမြစ်များ

मत्ती 27:19

जिसे बेले पिलातुस न्यां ची गद्दी उपर ब़ेहला हुता, तां ओची घराआली ने किहवाती भेज़ले, “तु ओ धर्मीया चे मामले मां हाथ ना अड़ायो, कांकि मैं आज़ खाबा मां ओची वजह कनु ब़ोहत ङोख चले।”

मत्ती 27:24

जिसे बेले पिलातुस ने ङेखले कि कहीं बण ना सग़ी पर ओचे उलटा हुल्‍लड़ बधता जाये, तां ओणे पाणी चती भीड़ी चे सामणे आपणे हाथ धोले ते केहले, “मैं ऐ धर्मीया चे लुहींया कनु बेकसूर छै, तम्ही ही जाणा।”

यूहन्‍ना 16:10

धार्मिकता चे बारे मां, कांकि मैं ब़ा चे गोढु जाये पला, ते तम्ही मनु बल्ति नी ङेखा,

प्रेरितां चे काम 22:14

“तब ओणे मनु केहले, ‘अम्चे ङाङा-ब़ा चे नरीकारा ने तनु ऐवास्ते ठहराले कि तु ओची इच्छा नु जाण, ते ओ धर्मी नु ङेखे, ओचे मुँहा कनु बाता सुणे।

प्रेरितां चे काम 3:14

तम्ही ओ पवित्र ते धर्मी बन्दे चा इन्कार करला, ते चाह्‍ले कि हेक हत्यारे नु तम्चे वास्ते छोड़ती ङिले जाओ।

रोमियां 1:4

ते पवित्रता ची आत्मा चे तौरा पे मरला आला महु जीते हुवणे ची वजह सामर्थ चे लारे नरीकारा चा पूत ठहरला।

रोमियां 4:25

ईशु अम्चे अपराधा वास्ते पकड़वाला गेला, ते अम्चे धर्मी ठहरणे वास्ते मरले आला महु जिवाला वी गेला।

रोमियां 5:2

ते ओचे ही जरिये विश्‍वासा चे वजह ओ अनुग्रह तक जाये मां अम्ही बणले आले छिऊं, पोंहच वी हुली। ते अम्ही नरीकारा ची महिमा ची आस उपर घमण्ड करु।

रोमियां 8:11

ते अगर ओचा ही आत्मा जेह्णे मसीह ईशु नु मरला आला महु जीते करले तम्चे मां बसला आला छै, ओही तम्चीया मरणहार देह नु वी आपणी आत्मा चे जरिये जको तम्चे मां बसला आला छै जीते करी।

रोमियां 8:3

कांकि जको काम व्यवस्था, शरीरा चे वजह दुर्बल हुती कर ना कर सग़ली, ओनु नरीकारा ने करले, यानिकि आपणे ही पूता नु पापमय शरीरा ची समानता मां, ते पाप चे बलिदान हुवणे चे वास्ते भेज़ती कर, शरीरा मां पापा उपर ङण्ड ची आज्ञा ङिली।

2 कुरिन्थियां 1:24

ऐचा मतलब हा कोनी कि अम्ही तम्चे विश्‍वास उपर आपणा अधिकार जताऊं, कांकि तम्ही आपणे विश्‍वास मां मजबूत भिले। अम्ही तां तम्ची ही खुशी वास्ते तम्चे सहायक छिऊं।

2 कुरिन्थियां 13:4

ओ निर्बलता ची वजह क्रूसा उपर चढ़ाला तां गेला, तांवी नरीकारा ची सामर्थ लारे जीता छै। अम्ही वी ओचे मां कमजोर छिऊं, पर नरीकारा ची सामर्थ लारे जको तम्चे वास्ते छै, ओचे लारे जिऊं।

2 कुरिन्थियां 5:21

मसीह जको पापा कनु निष्पाप हुता, ओनु ही नरीकारा ने अम्चे वास्ते पाप ठहराला, कि अम्ही ओचे मां हुती कर नरीकारा ची धार्मिकता चे भाग़ी हुती जऊं।

गलातियां 1:4

प्रभु ईशु मसीह ने आपणे आप नु अम्चे पापा चे वास्ते ङिती ङिले, ताकि अम्चे नरीकार ते ब़ा ची इच्छा चे अनुसार अम्हानु ऐ वर्तमान बुरे संसारा कनु छुड़ाओ।

गलातियां 3:13

मसीह अम्चे वास्ते श्रापित बणला, अम्हानु मोल गेहती व्यवस्था चे श्राप कनु छुड़ाले, कांकि लिखले पले, “जको कुई काठ चे उपर लटकाले जाये ओ श्रापित छै।”

इफिसियां 3:12

मसीह मां हुती कर ओचे उपर विश्‍वास करने लारे अम्हानु हिम्मत ते भरोसा हुला कि अम्ही नरीकारा चे गोढु जा सग़ु।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।

इब्रानियां 10:10

नरीकारा ची इच्छा लारे अम्ही ईशु मसीह चे शरीरा चा हेक ही बार बलिदान चढ़ाले जाणे चे जरिये पवित्र करले गेले।

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

इब्रानियां 9:26

ना तां जग़त ची उत्पत्ति कनु गेहती कर मसीह नु बार-बार ङोख चवणे पड़ी हा। पर हमा युगा चे अन्त मां ओ सारा वास्ते हेको ही बार खौद्द आपणी ही बलि चे जरिये पाप नु मिटाती ङेणे वास्ते प्रकट हुती गेला।

इब्रानियां 9:28

यूं करती मसीह ब़ोहता चे पाप चवणे वास्ते हेक ही वारी खौद्द नु भेंट करले। ओचे बाद हमा दुबारा प्रकट हुवी, पापा नु चवणे वास्ते ना, पर वांचे उद्धार वास्ते जको ओचे इन्तजार मां छी।

याकूब 5:6

तम्ही धर्मी बन्दा नु जको तम्चे विरोध कोनी हुले वानु दोषी ठहराती कर मारती नाखले।

1 पतरस 3:19

ओ आत्मा ची स्थिति मां पताल जती कर वा आत्मा नु जको कैद हुतीया वानु मुक्‍ति चा सुसमाचार सुणाला।

1 पतरस 4:1

ऐवास्ते जबकि मसीह ने शरीरा मां हुती कर ङोख भोग़ले तां तम्ही वी वेही मनसा नु हथियारा आलीकर धारती गिहा कांकि जेह्णे शरीरा मां ङोख भोग़ले, ऊं पापा कनु छुटती गेले

1 पतरस 4:6

कांकि मरले आला नु वी सुसमाचार ऐवास्ते सुणाला गेला, कि शरीरा मां तां बन्दा चे अनुसार वांचा न्यां हो, पर आत्मा मां वे नरीकारा चे अनुसार जीते रिहो।

1 यूहन्‍ना 1:9

अगर अम्ही नरीकारा चे सामणे आपणे पापा नु मनती गिहुं, ते ओ अम्चे पापा नु माफ करने, ते अम्हानु सारे अधर्मा कनु शोद्ध करने मां विश्‍वास लायक छै, कांकि ओ न्यांयी ते धर्मी छै।