1 पतरस 3:15 - ओङ राजपूत

¹⁵ पर मसीह नु प्रभु जाणती कर आपणे आपणे मना मां पवित्र समझा, ते जको कुई तम्हा कनु तम्ची आस चे बारे मां कहीं पूछे ते ओनु उत्तर ङेणे चे वास्ते हमेशा तियार रिहा, पर नरमाई ते ङर चे लारे।

1 पतरस 3:15 ပူးပေါင်းရင်းမြစ်များ

प्रेरितां चे काम 21:39

पौलुस ने केहले, “मैं तां तरसुस शहरा चे यहूदी छै! किलिकिया इलाके चा बसन्दा छै। ते मैं दुधे कनु विनती करे पला, कि मनु यां लौका लारे बाता करु ङे।”

प्रेरितां चे काम 24:25

जिसे बेले पौलुस धार्मिकता, ते संयम ते आणे आले न्यां चे बारे ची चर्चा करे पलता, तां फेलिक्स ने ङरती कर पौलुस नु उत्तर ङिला, “हमा तां जा, मौका ङेखती कर, मैं तनु बल्ति हकरवावी।”

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

कुलुस्सियां 4:6

तम्चा वचन सदा दया समेत ते आच्छा हो, कि तम्हानु हर बन्दे नु उचित रीति लारे उत्तर ङेणा आती जाओ।

तीतुस 1:2

ओ अनन्त जीवन ची आस उपर, जको वायदा नरीकारा ने, जको कूड़ मार ना सग़ी शुरु कनु करला।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

इब्रानियां 6:1

ऐवास्ते आवा मसीह ची शिक्षा ची शुरु चा बाता छोड़ती कर, अम्ही सिद्धता सनु बधते चालु। जिंवे कि मरले आले कामा कनु मन फिरावणे ते नरीकारा उपर विश्‍वास करना,

1 पतरस 1:17

ते जिसे बेले तम्ही, “हे ब़ा,” केहती कर प्राथना करा, जको बिना पक्षपात हर हेके चे कामा चे अनुसार न्यां करी, ऐवास्ते ये दुनिया मां प्रदेसी हुवणे चा समय नरीकारा चा आदर करते हुले जीवन बितावा।

1 पतरस 3:4

बल्कि तम्चा सिंगार तां तम्चे मना चा भीतरी व्यक्‍तित्व हुवणा चाही छै जको मुलायम ते शान्त चे अविनाशी सुन्दरता लारे मिड़ला आला हो। नरीकारा ची नजरी मां जको ब़ोहत ही कीमती हो।