1 पतरस 2:15 - ओङ राजपूत

¹⁵ कांकि नरीकारा ची इच्छा हाओ छै कि तम्ही आपणे भले कामा ची वजह कनु मूर्ख लौका चे मुँहा नु बन्द करती नाखा।

1 पतरस 2:15 ပူးပေါင်းရင်းမြစ်များ

मत्ती 25:2

वांचे महु पाँच लापरवाह ते पाँच सियाणीया हुतीया।

मत्ती 7:26

“पर जको कुई माया ये बाता सुणे ते वांचे उपर ना चली, ऊं ओ नासमझ इन्साना आलीकर ठहरी जेह्णे आपणे घर रेता चे उपर बणाले।

रोमियां 1:21

ऐ वजह कनु कि नरीकारा नु जाणने उपर वी वाणे नरीकारा चे लायक बढ़ाई ते धन्यवाद कोनी करला, पर गलत सोच-विचार करु लाग़ले, इठे तक कि वांचे मूर्ख मन मां अन्धारे हुती गेले।

गलातियां 3:1

हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

1 थिस्सलुनीकियां 4:3

कांकि नरीकारा ची इच्छा हा छै, कि तम्ही पवित्र बणा : यानिकि व्यभिचार कनु बचले रिहा।

1 थिस्सलुनीकियां 5:18

हर हेक बाते मां धन्यवाद करा, कांकि तम्चे वास्ते मसीह ईशु मां नरीकारा ची हाओ मर्जी छै।

1 तीमुथियुस 1:13

मैं तां पेहले निन्दा करने आला, ते सतावणे आला, ते अन्धेर करने आला हुता, तां वी माये उपर दया हुली, कांकि मैं अविश्‍वास ची दशा मां बिना सोचले समझले, ये कामे करली हुती।

तीतुस 2:8

ते इसड़ी खराई मिलो, कि कुई विनु बुरे ना केह सग़ो, जाये कनु विरोधी अम्चे उपर कुई दोष लावणे चा मौका ना सोती कर शर्मिन्दा हो।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

1 पतरस 2:12

नेरीया जातिया मां तम्चा चाल-चलन भला हो, ऐवास्ते कि जिसीया जिसीया बाता मां वे तम्हानु बदनाम करी, वे तम्चे भले कामा नु ङेखती कर, प्रभु चे आणे चे ङिओ वे नरीकारा ची महिमा करो।

1 पतरस 3:16

ते आपणे विवेक नु वी शोद्ध राखा, ऐवास्ते कि जिसीया बाता चे बारे मां वे जको मसीह मां तम्चे आच्छे चाल-चलन चा अपमान करी, शर्मसार हो।

1 पतरस 3:17

कांकि अगर नरीकारा ची हाओ इच्छा हो, कि तम्ही भलाई करने वास्ते ङोख भोग़ा, तां हा बुराई करने ची बजाय कनु ङोख भोग़णे आच्छे छै।

1 पतरस 4:2

ऐवास्ते कि भविष्य मां आपणे बाकि शरीरिक जीन्दगी बन्दा ची इच्छा चे अनुसार ना बल्कि नरीकारा ची इच्छा चे अनुसार बितावा।

2 पतरस 2:12

पर ईं लौक बेवकूफ ढौरा आलीकर छी जको ब़झणे वास्ते ते रुसणे वास्ते पैदा हुले ते जिसीया बाता नु जाणी ही ना, वांचे बारे मां ङुजा नु बुरे-भले किही, वे आपणी सड़ाहट मां आप ही सड़ती जाये।

यहूदा 1:10

पर ईं लौक जिसीया बाता नु ना जाणी, वानु बुरे-भले किही। पर जिसीया बाता नु बेसमझ ढौरा आलीकर सुभाव कनु ही जाणी वांचे मां आपणे आप नु नाश करी।