1 यूहन्‍ना 5:6 - ओङ राजपूत

⁶ हाओ ईशु मसीह ही छै जको अम्चे गोढु बपतिस्मा गेहणे आला पाणी, ते क्रूसा उपर बेहणे आले लुहींया लारे प्रकट हुला, सेर्फ पाणीया चे लारे ही कोनी, बल्कि पाणी ते लुहींया चे लारे आला।

1 यूहन्‍ना 5:6 ပူးပေါင်းရင်းမြစ်များ

मत्ती 26:28

कांकि ईं वाचा चे माये ऊं लुहीं छै, जको ब़ोहता चे वास्ते पापा ची माफी चे वास्ते बाहले जाये।

मत्ती 3:16

ते ईशु बपतिस्मा गेहती कर तुरन्त पाणीया महु उपर आला, ते ङेखा, ओचे वास्ते आसमान खुलती गेला, ते ओणे नरीकारा ची आत्मा नु कबूतरा चे समान उतरते ते आपणे उपर आते ङेखले।

मरकुस 14:24

ते ओणे वानु केहले, “ईं वाचा चे माये ऊं लुहीं छै, जको ब़ोहता वास्ते बाहले जाये।

लूका 22:20

यूं करती खाणे चे बाद मुंगर वी चला ते केहले, “हा मुंगर माये ओ लुहींया मां जको तम्चे वास्ते बाहले जाये नवीं वाचा छै।

यूहन्‍ना 14:17

हा सच्‍चाई चा आत्मा छै जानु संसार मन ना सग़ी, कांकि ओह ओनु ना ङेख सग़ी ते ना ही ओनु जाणे। पर तम्ही ओनु जाणा, कांकि ओह तम्चे लारे रिहे ते ओह तम्चे मां हुवी।

यूहन्‍ना 14:6

ईशु ने वानु केहले, “मार्ग़, सच्‍चाई ते जीन्दगी मैं ही छै। बिना माये जरिये कुई नरीकार ब़ा गोढु पोज़ ना सग़ी।

यूहन्‍ना 15:26

“जिसे बेले ओह सहायक आवी, जानु मैं तम्चे गोढु ब़ा ची तरफु भेज़ी, यानिकि सच्‍चाई चा आत्मा जको ब़ा ची तरफु आवी, तां ओह माई ग़वाही ङिही।

यूहन्‍ना 16:13

पर जब ओ यानिकि सच्‍चाई चा आत्मा आवी, तां तम्हानु सारा सच्‍चाई चा मार्ग़ बावड़ी, कांकि ओ आपणे तरफु नी किही पर जको कोच्छ सुणी ऊंही किही, ते आणे आलीया बाता तम्हानु बावड़ी।

यूहन्‍ना 3:5

ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

यूहन्‍ना 4:10

ईशु ने विनु केहले, “अगर तु नरीकारा चे वरदाना नु जाणीया तां ईं वी जाणीया कि ऊं कूण छै जको तनु किहे ‘मनु पाणी पीला,’ तां तु ओकनु मांगीहा ते ओ तनु जीवन चे पाणी ङिया।”

यूहन्‍ना 4:14

पर जको कुई ओ पाणीया महु पिही जको मैं ओनु ङिही ओह बल्ति कङी तरसेला नी रिही। पर जको पाणी मैं ओनु ङिही ओचे महु हेक स्रोत बणती जई जको अनन्त जीवन तक उमड़ता रिही।”

यूहन्‍ना 6:55

कांकि माया शरीर वास्तव मां खाणे ची चीज छै, ते माये लुहीं वास्तव मां पीणे ची चीज छै।

प्रेरितां चे काम 8:36

मार्ग़ा मां चलते-चलते वे कुई पाणीया ची जग़हा मां पुज़ले बल्ति मंत्री ने केहले, “ङेख, इठे पाणी वी छै। हमा मनु बपतिस्मा गेहणे मां का रुकावट छै?”

रोमियां 3:25

नरीकारा ने ईशु मसीह नु, ओचे मां विश्‍वास चे जरिये पापा कनु छुटाकारा ङिवाणे वास्ते लौका नु ङिला। ओणे ईं काम ईशु मसीह चे बलिदान चे रुप मां करले। इसड़े ईं पक्‍के करने वास्ते करले गेले कि नरीकार सहनशील छै। कांकि ओणे पेहले लौका नु वांचे पापा चा ङण्ड भुग़तणे बिना छोड़ती ङिले हुते।

इफिसियां 1:7

अम्हानु ओचे मां ओचे लुहींया चे जरिये छुटकारा, यानि पापा ची माफी, ओचे ओ अनुग्रह चे धन चे अनुसार मिड़ला।

कुलुस्सियां 1:4

कांकि अम्ही सुणले छै कि मसीह ईशु उपर तम्चा विश्‍वास छै, ते सब पवित्र लौका लारे तम्ही प्रेम राखा वी।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

तीतुस 3:5

ते ओणे अम्चा उद्धार करला। ते ईं धर्मा चे कामा ची वजह कनु कोनी, जको अम्ही आप करले, पर आपणी दया चे अनुसार, नवें जनमा चे झूलने लारे, ते पवित्र आत्मा चे अम्हानु नवें बणावणे लारे हुले।

इब्रानियां 10:29

तां सोचती गिहा कि ओ कितने भारी ङण्ड चा भाग़ी बणी, जेह्णे नरीकारा चे पूता चा अनादर करला ते वाचा चे लुहींया नु जाये जरिये ओ पवित्र ठहराला गेलता, अपवित्र जाणले ते अनुग्रह ची आत्मा चा अपमान करला।

इब्रानियां 12:24

तम्ही ईशु चे गोढु जको नवीं वाचा चा बिचोला छै ते छिड़काव चे लुहींया चे गोढु जको हाबिल चे लुहींया कनु उत्तम साफ बाता करे, आती पुज़ले।

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

इब्रानियां 9:14

तां मसीह चे लुहीं, जेह्णे आपणे आप नु अनन्त आत्मा चे जरिये खौद्द नु नरीकारा चे सामणे निर्दोष बलि चे रूपा मां भेंट करती ङिले, जीते नरीकारा ची सेवा वास्ते तम्चे विवेक नु मरले आले कामा कनु शोद्ध किवें नी करी?

इब्रानियां 9:7

पर ङुजे खाने यानि अति पवित्र स्थान मां सेर्फ महायाजक ही जता, ते ओ वी साला मां सेर्फ हेक ही मौके उपर, लुहीं चती कर खौद्द वास्ते ते लौका चे अणजाणे मां करले गेले पापा वास्ते भेंट चढ़ावणे वास्ते जता।

1 पतरस 1:2

ते नरीकार ब़ा चे भविष्य ज्ञान चे अनुसार, पवित्र आत्मा चे पवित्र करने चे जरिये आज्ञा मनणे ते ईशु मसीह चे लुहींया चे छिड़कले जाणे चे वास्ते चुणले गेले। तम्हानु अनुग्रह ते शान्ति ब़ोहत मिलती रिहो।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

1 यूहन्‍ना 4:10

सच्‍चा प्रेम ऐचे मां कोनी कि अम्ही नरीकारा लारे प्रेम करला, पर ऐचे मां छै, कि ओणे अम्चे लारे प्रेम करला, ते अम्चे पापा चे प्रायश्‍चित चे वास्ते आपणे पूता नु भेज़ले।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 5:9

वे ईं नवें गीत गाऊं लाग़ले, “तु ये किताबे नु गेहणे, ते ऐचीया मोहरा खोलणे चे लायक छी, कांकि तु बलि हुती कर, आपणे लुहींया लारे हर हेक कोल्‍ल ते भाषा ते लौक ते जाति महु नरीकारा वास्ते लौका नु मोल गेहले।

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।