1 यूहन्‍ना 4:2 - ओङ राजपूत

² नरीकारा ची आत्मा लारे ब़ोलणे आले नु तम्ही यूं पिछाण सग़ा, हर हेक आत्मा जको मनती गिहे कि, “ईशु मसीह बन्दे चे रूपा मां हुती कर धरती उपर आला।” ओ नरीकारा ची आत्मा कनु ब़ोलणे आला छै।

1 यूहन्‍ना 4:2 ပူးပေါင်းရင်းမြစ်များ

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

1 कुरिन्थियां 12:3

ऐवास्ते मैं तम्हानु चिताती ङिये कि जको कुई नरीकारा ची आत्मा ची अगुवाई लारे ब़ोले ऊं ना किही कि, “ईशु श्रापित छै,” ते ना कुई पवित्र आत्मा चे बिना केह सग़े कि, “ईशु प्रभु छै।”

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 यूहन्‍ना 1:2

ओ जीवना चा ज्ञान अम्हानु ङिला गेला, ते अम्ही ओनु ङेखले, ते ओची ग़वाही ङिऊं पले, ते तम्हानु अनन्त जीवन ङेणे आले ची घोषणा करु पले जको ब़ा नरीकार चे लारे हुता अम्चे उपर प्रकट हुला।

1 यूहन्‍ना 2:23

जको कुई पूता चा इन्कार करे ओचे गोढु ब़ा वी कोनी। जको पूता नु मनती गिहे, ओचे गोढु ब़ा वी छै।

1 यूहन्‍ना 4:15

जको कुई हा मनती गिहे, “कि ईशु नरीकारा चा पूत छै,” ते नरीकार ओचे मां बणला रिहे, ते ऊं नरीकारा मां।

1 यूहन्‍ना 4:3

ते जको कुई आत्मा ईशु चे बारे मां ऐ बाते नु ना मनी कि, वा नरीकारा ची ओर कनु कोनी। वाहो तां मसीह चे विरोधी ची आत्मा छै। जाई चर्चा तम्ही सुणती चुकले, कि ओ आणे आला छै, ते हमा वी संसारा मां छै।

1 यूहन्‍ना 5:1

जाया हा विश्‍वास छै कि ईशु ही मसीह छै, ओ नरीकारा कनु पैदा हुला, ते जको पैदा करने आले लारे प्रेम राखे, ओ वांचे लारे वी प्रेम राखे, जको ओकनु पैदा हुले।

2 यूहन्‍ना 1:7

कांकि ब़ोहत सारे इसड़े भरमाणे आले संसारा महु निकलती आले, जको ईं ना मनी कि ईशु मसीह शरीरा मां हुती कर आला। भरमाणे आला ते मसीह-विरोधी हाओ छै।