1 यूहन्‍ना 4:14 - ओङ राजपूत

¹⁴ ते अम्ही ङेखती वी गेले ते ग़वाही वी ङियु, कि ब़ा नरीकारा ने आपणे पूता नु संसारा चा उद्धारकर्ता चे रूपा मां भेज़ले।

1 यूहन्‍ना 4:14 ပူးပေါင်းရင်းမြစ်များ

यूहन्‍ना 1:14

ते वचन देहधारी हुला, ते अनुग्रह ते सच्‍चाई लारे भरीती कर अम्चे बीच मां डेरा करला, अम्ही ओची इसड़ी महिमा ङेखली, जिसड़ी ब़ा चे हिकड़ाते ची महिमा।

यूहन्‍ना 1:29

ङुजे ङिओ यूहन्‍ना ने ईशु नु आपणी तरफ आते ङेखती कर केहले, “ङेखा, ईं नरीकारा चे मेमणे छै, जको संसारा चे पापा नु चती चाह्‍ले जाये।

यूहन्‍ना 10:36

तां मनु जको ब़ा ने पवित्र बणाती कर दुनिया मां भेज़ले, तम्ही कां किहा कि मैं निन्दा करे पला, कांकि मैं केहले, ‘मैं नरीकारा चा पूत छै?’

यूहन्‍ना 12:47

“अगर कुई माया बाता सुणती कर ना मनी, मैं ओनु दोषी ना ठहरावी। कांकि मैं संसारा नु दोषी ठहराणे वास्ते कोनी, पर संसारा चा उद्धार करने वास्ते आला।

यूहन्‍ना 3:11

मैं तनु सच्‍च-सच्‍च किहे, कि जको अम्ही जाणु ऊंही किहुं, ते जानु अम्ही ङेखले ओची ग़वाही ङिऊं, ते तम्ही अम्ची ग़वाही ना मना।

यूहन्‍ना 3:32

जको कहीं ओणे ङेखले ते सुणले, ओची ग़वाही ङिये, ते कुई ओची ग़वाही ग्रहण ना करी।

यूहन्‍ना 3:34

कांकि जानु नरीकार ने भेज़ले ओह नरीकारा चीया बाता किहे, कांकि नरीकार आत्मा नापती कर ना ङी।

यूहन्‍ना 4:42

ते वां लौका ने असतरी नु केहले, “हमा अम्ही दुधे केहणे लारे ही विश्‍वास ना करु, कांकि अम्ही आप ही सुणती गेले, ते जाणु कि हाओ ही सच्‍चमां संसारा चा उद्धारकर्ता छै।”

यूहन्‍ना 5:39

तम्ही पवित्रशास्त्र मां सोधा कांकि तम्ही समझा कि ओचे मां तम्हानु अनन्त जीवन मिले। ते ओही पवित्रशास्त्र छै जको माई ग़वाही ङिये,

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

1 पतरस 5:12

मैं सिलवानुस चे हाथे, जानु मैं विश्‍वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्‍चा अनुग्रह हाओ छै। ऐचे मां मजबूत रिहा।

1 यूहन्‍ना 4:10

सच्‍चा प्रेम ऐचे मां कोनी कि अम्ही नरीकारा लारे प्रेम करला, पर ऐचे मां छै, कि ओणे अम्चे लारे प्रेम करला, ते अम्चे पापा चे प्रायश्‍चित चे वास्ते आपणे पूता नु भेज़ले।

1 यूहन्‍ना 5:9

जिसे बेले अम्ही बन्दा ची ग़वाही नु मनती गिहुं, ते नरीकारा ची ग़वाही तां ऐचे कनु ब़ोहत बढ़ती कर छै। ते नरीकारा ची ग़वाही हा छै, कि ओणे पूता चे बारे मां ग़वाही ङिली।