1 यूहन्‍ना 4:1 - ओङ राजपूत

¹ हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

1 यूहन्‍ना 4:1 ပူးပေါင်းရင်းမြစ်များ

मरकुस 13:21

“ओ समय अगर कुई तम्हानु किहो, ‘ङेखा, मसीह इठे छै,’ जा, ‘ङेखा, ओठे छै’ तां विश्‍वास ना करजा।

लूका 12:57

“तम्ही आप ही फैंसला कां ना करती गिहा कि वाजिब का छै?

लूका 21:8

ओणे केहले, “चौकस रिहा, कुई तम्हानु भरमा ना सग़ो, कांकि ब़ोहत से माये नांवा लारे आती कर किहे, ‘मैं ओही छै,’ ते ईं वी कि, ‘समय गोढु आती पुज़ला!’ तम्ही वांचे भांसु ना चाह्‍ले जजा।

प्रेरितां चे काम 17:11

बिरीया शहरा चे लौक थिस्सलुनिके चे यहूदी लौका कनु घणे भले हुते, ते वाणे बङी लालसा लारे वचना नु ग्रहण करले, जको पौलुस वानु सिखाता वां बाता ची सच्‍चाई चे बारे मां हर ङिओ पवित्रशास्त्र नु बङी गहराई लारे पढ़ते रेहले।

प्रेरितां चे काम 20:29

मैं जाणे पला कि, माये जाणे चे बाद फाड़ने आले भेड़िये तम्चे बीच मां आवे, जको झुन्डा नु नी छोड़े।

1 कुरिन्थियां 12:10

बल्ति कानु सामर्थ चे काम करने ची ताकत ते कानु भविष्यवाणी करने ची ते कानु सब आत्मा ची परख ते कानु कई तरह ची भाषा ते कानु भाषा चा मतलब बावड़ना।

1 कुरिन्थियां 14:29

भविष्यवक्‍ता महु ङोन जा तीन ब़ोलो, ते बाकि लौक वांचे वचना नु परखो।

1 थिस्सलुनीकियां 5:20

भविष्यवाणीया नु तोच्छ ना समझा।

1 थिस्सलुनीकियां 5:21

सारीया बाता नु परखा, जको आच्छीया छी वानु मजबूती लारे पकड़ली रिहा।

2 थिस्सलुनीकियां 2:2

कि कुई आत्मा चे लारे केहली आली बात, जा वचन, चिठ्ठी चे जरिये जको मना अम्ची ओर कनु, ईं समझती कर कि प्रभु चा ङिओ आती पुज़ला, तम्चे मन हेकदम भिले ना रेहती जाओ, ते तम्ही ना घब़राजा।

1 तीमुथियुस 4:1

पर पवित्र आत्मा साफ-साफ किहे पला, कि आणे आले समय मां कितने लौक भरमाणे आली कूड़ी आत्मा, ते दुष्टात्मा ची सीख उपर मन लाती कर विश्‍वास कनु बहकती जाये।

2 तीमुथियुस 3:13

पर दुष्ट, ते बहकाणे आले धोक्‍का ङिते हुले, बिगड़ते हुले चाह्‍ले जाये।

2 पतरस 2:1

जिंवे करती वां लौका मां कूड़े भविष्यवक्‍ता हुते यूं करती तम्चे मां वी कूड़े गुरु हुवे, जको नाश करने आले पखण्ड ची लुकती लुकती शुरुआत करे ते ओ स्वामी जेह्णे वानु मोल गेहले ओचा इन्कार करे ते आपणे आप नु जल्दी विनाश मां नाखे।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।

1 यूहन्‍ना 2:7

हे प्यारे, मैं तम्हानु कुई नवीं आज्ञा ना लिखी, पर वाही पुराणी आज्ञा जको शुरु कनु तम्हानु मिड़ली। हा वाहो पुराणी आज्ञा छै जको तम्ही सुणती चुकले।

2 यूहन्‍ना 1:7

कांकि ब़ोहत सारे इसड़े भरमाणे आले संसारा महु निकलती आले, जको ईं ना मनी कि ईशु मसीह शरीरा मां हुती कर आला। भरमाणे आला ते मसीह-विरोधी हाओ छै।

3 यूहन्‍ना 1:11

हे प्यारे, बुराई चा ना पर भलाई चा पीछा करा। जको भलाई करे, ऊं नरीकारा ची ओर कनु करे, जको बुराई करे, ओणे नरीकारा नु कोनी जाणले।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।