1 यूहन्‍ना 2:4 - ओङ राजपूत

⁴ जको कुई ईं किहे, “मैं नरीकारा नु जाणती गेला” ते ओचे आज्ञा नु ना मनी, ते ऊं बन्दे कूड़े छै, ते ओचे दिला मां सच्‍चाई कोनी,

1 यूहन्‍ना 2:4 ပူးပေါင်းရင်းမြစ်များ

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

तीतुस 1:10

कांकि घणी बन्दी सच्‍चे उपदेश चा विरोध करने आली ते निरंकुश बैफालतु चा बाता करने आली ते धोक्‍का ङेणे आली छी, खास करती खतने आला महु।

तीतुस 1:16

वे किही, कि अम्ही नरीकारा नु जाणु, पर आपणे कामा लारे ओचा इन्कार करी, कांकि वे किज़ड़े ते आज्ञा ना मनणे आले छी, ते कुई आच्छे कामा चे लायक कोनी।

1 यूहन्‍ना 1:10

अगर अम्ही किहुं कि अम्ही पाप कोनी करला, तां नरीकारा नु कूड़े ठहराऊ, ते ओचा वचन अम्चे मां कोनी छै।

1 यूहन्‍ना 1:6

अगर अम्ही किहुं कि ओचे लारे अम्ही हेंस्सेदार छिऊं, ते हमा वी अम्ही पापा चे अन्धकारा मां टुरु, ते अम्ही कूड़े छिऊं, ते सच्‍चाई उपर ना टुरु।

1 यूहन्‍ना 1:8

अगर अम्ही किहुं कि अम्चे मां कहीं पाप कोनी, तां आपणे आप नु धोक्‍का ङिऊं, ते अम्चे मां सच्‍चाई कोनी।

1 यूहन्‍ना 2:3

अगर अम्ही नरीकारा चीया आज्ञा नु मनु, तां ऐचे कनु अम्ही जाणती गिहुं कि अम्ही नरीकारा नु जाणती गेले।

1 यूहन्‍ना 2:9

ते जको कुई हा ई किहे कि मैं सोज़ले मां छै, ते आपणे भावां लारे बैर राखे, ओ हमा तक अन्धकार मां ही छै।

1 यूहन्‍ना 3:6

जको कुई मसीह मां बणले रिहे, ऊं पाप मां जीवन ना बितावी, जको कुई पाप मां जीवन बितावे, ओणे ना ते मसीह नु ङेखले ते ना ही ओनु जाणले।

1 यूहन्‍ना 4:20

अगर कुई किहे, “मैं नरीकारा लारे प्रेम राखे,” ते आपणे ब़ेहण भावां लारे बैर राखे, तां ऊं कूड़े छै। कांकि जको आपणे ब़ेहण भावां लारे, जानु ओणे ङेखले, प्रेम ना राखी, तां ऊं नरीकारा लारे वी जानु ओणे कोनी ङेखले, प्रेम ना राख सग़ी।

1 यूहन्‍ना 4:7

हे प्यारे, अम्ही आपस मां प्रेम राखु, कांकि प्रेम नरीकारा कनु छै। ते जको कुई प्रेम करे, ऊं नरीकारा कनु जमले, ते नरीकारा नु जाणे।