1 यूहन्‍ना 2:22 - ओङ राजपूत

²² पर जको कुई किही कि ईशु नरीकारा चे तरफु कनु अभिषेक करला आला संसारा नु बचावणे वास्ते कोनी आला, ओ कूड़ा छै, ते इसड़ी बन्दी मसीह चे विरोधी छी, पर जको ङुहुं चा ब़ा ते पूता चा इन्कार करे।

1 यूहन्‍ना 2:22 ပူးပေါင်းရင်းမြစ်များ

मत्ती 24:24

कांकि कूड़े मसीह ते कूड़े भविष्यवक्‍ता उठती खड़े हुवे, ते बङे चैन्ह, ते अदभोत काम ङिखाणे कि अगर हो सग़े तां चुणले आला नु वी भरमाती ङियो।

मत्ती 24:5

कांकि ब़ोहत से माये नांवा लारे आती कर किहे, ‘मैं मसीह छै,’ ते ब़ोहता नु भरमावे।

यूहन्‍ना 8:44

तम्ही आपणे ब़ा शैताना ची ऊलाद्ध छिवा, ते आपणे ब़ा ची इच्छा नु पुरी करने चाहवा। ओ तां शुरु कनु हत्यारा छै, ते सच्‍च उपर कोनी रुकला, कांकि सच्‍च ओचे मां छै ही कोनी। जिसे बेले ओ कूड़ मारे, तां आपणे सुभाव लारे ही कूड़ मारे, कांकि ओ कूड़ा छै, बल्कि कूड़ा चा ब़ा छै।

1 यूहन्‍ना 1:6

अगर अम्ही किहुं कि ओचे लारे अम्ही हेंस्सेदार छिऊं, ते हमा वी अम्ही पापा चे अन्धकारा मां टुरु, ते अम्ही कूड़े छिऊं, ते सच्‍चाई उपर ना टुरु।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।

1 यूहन्‍ना 2:23

जको कुई पूता चा इन्कार करे ओचे गोढु ब़ा वी कोनी। जको पूता नु मनती गिहे, ओचे गोढु ब़ा वी छै।

1 यूहन्‍ना 2:4

जको कुई ईं किहे, “मैं नरीकारा नु जाणती गेला” ते ओचे आज्ञा नु ना मनी, ते ऊं बन्दे कूड़े छै, ते ओचे दिला मां सच्‍चाई कोनी,

1 यूहन्‍ना 4:20

अगर कुई किहे, “मैं नरीकारा लारे प्रेम राखे,” ते आपणे ब़ेहण भावां लारे बैर राखे, तां ऊं कूड़े छै। कांकि जको आपणे ब़ेहण भावां लारे, जानु ओणे ङेखले, प्रेम ना राखी, तां ऊं नरीकारा लारे वी जानु ओणे कोनी ङेखले, प्रेम ना राख सग़ी।

1 यूहन्‍ना 4:3

ते जको कुई आत्मा ईशु चे बारे मां ऐ बाते नु ना मनी कि, वा नरीकारा ची ओर कनु कोनी। वाहो तां मसीह चे विरोधी ची आत्मा छै। जाई चर्चा तम्ही सुणती चुकले, कि ओ आणे आला छै, ते हमा वी संसारा मां छै।

1 यूहन्‍ना 5:1

जाया हा विश्‍वास छै कि ईशु ही मसीह छै, ओ नरीकारा कनु पैदा हुला, ते जको पैदा करने आले लारे प्रेम राखे, ओ वांचे लारे वी प्रेम राखे, जको ओकनु पैदा हुले।

2 यूहन्‍ना 1:7

कांकि ब़ोहत सारे इसड़े भरमाणे आले संसारा महु निकलती आले, जको ईं ना मनी कि ईशु मसीह शरीरा मां हुती कर आला। भरमाणे आला ते मसीह-विरोधी हाओ छै।

यहूदा 1:4

कांकि कितनी इसड़ी इन्साने चोप-चाप तम्चे मां घिरती आली, जाये ऐ ङण्ड चे बारे मां शास्त्रा ने पेहले कनु ही भविष्यवाणी करती ङिलती। ये भग़तीहीन छी, ते अम्चे नरीकारा चे अनुग्रह नु लोचपण करने वास्ते पट्टा समझती गेला, ते अम्चे सेर्फ स्वामी प्रभु ईशु मसीह चा इन्कार करी।

प्रकाशितवाक्य 3:9

ङेख, मैं शैतान चे वे सभाआला नु दुधे वशा मां करती ङी जको यहूदी बणले ब़ेहले, पर छी कोनी बल्कि कूड़ मारी। ङेख, मैं इसड़े करी कि वे आती कर दुधे पग़्ग़ा उपर ढिये, ते ईं जाणती गिहे कि मैं दुधे लारे प्रेम राखला।