1 यूहन्‍ना 2:15 - ओङ राजपूत

¹⁵ तम्ही ना तां संसारा लारे ते ना संसारा चीया चीजा लारे प्रेम राखा। अगर कुई संसारा लारे प्रेम राखे, तां ओचे मां ब़ा नरीकारा चा प्रेम कोनी।

1 यूहन्‍ना 2:15 ပူးပေါင်းရင်းမြစ်များ

मत्ती 4:8

बल्ति शैतान ओनु हेक ब़ोहत बङे पहाड़ा उपर गेहती गेला ते सारे जग़त चे राज़ ते वांची शोहरत ङिखाणती कर,

मत्ती 6:24

“कुई बन्दे ङोन मालिका ची सेवा ना कर सग़ी, कांकि ओ हेके लारे बैर ते ङुजे लारे प्रेम राखी, जा हेके लारे मिड़ला रिही ते ङुजे नु तोच्छ जाणी। तम्ही नरीकार ते धन ङुंहु ची सेवा ना कर सग़ा।

लूका 16:13

“कुई दास ङोन मालिका ची सेवा ना कर सग़ी, कांकि ओ तां हेके लारे बैर ते ङुजे लारे प्रेम राखी, जा हेके लारे मिड़ला रिही ते ङुजे नु तोच्छ जाणी। तम्ही नरीकार ते धन ङुंहु ची सेवा ना कर सग़ा।”

यूहन्‍ना 15:19

अगर तम्ही संसारा चे हुवा हा तां, संसार तम्चे लारे प्रेम करियो। पर ऐ वजह कनु कि तम्ही संसारा चे कोनी ते मैं तम्हानु संसारा महु चुणती गेले। ऐवास्ते संसार तम्चे लारे बैर राखे।

रोमियां 12:2

ते ऐ संसारा ची रीति उपर ना चला। पर तम्ची ब़ुध्दि चे नवें हुती जाणे लारे तम्चा चाल-चलन वी बदलता जाओ, जाये कनु तम्ही नरीकारा ची भली, ते भावणे आली, ते सेद्ध इच्छा लारे अनुभव लारे मालुम करते रिहा।

गलातियां 1:10

हमा मैं का बन्दा नु मने जा नरीकारा नु का मैं बन्दा नु खौश करना चाहवे? अगर मैं बन्दा नु खौश करने चाहवें तां ईशु मसीह चा दास ना हुवीया।

इफिसियां 2:2

जाये मां तम्ही पेहले ऐ संसारा ची रीति उपर, ते आसमाना चे अधिकार चे हाकिम यानि वे आत्मा चे अनुसार चलते, जको हमा वी आज्ञा ना मनणे आला मां काम करे।

1 तीमुथियुस 6:10

कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्‍वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।

याकूब 1:27

अम्चे नरीकार ते ब़ा चे गोढु शोद्ध ते सुथरी भग़ती हा छै कि छिन्‍नेछोरा ते बांढीया चे क्लेशा मां वांची सुधि गिहो, ते आपणे आप नु संसारा कनु बेदाग राखो।

याकूब 4:4

हे व्यभिचारी बन्दी, का तम्ही ना जाणा, कि संसारा लारे मित्रता नरीकारा चे लारे बैर राखणे छै? ऐवास्ते जको कुई संसारा चे मित्र हुवणे चाहवे, ऊं आपणे आप नु नरीकारा चे बैरी बणावे।

1 यूहन्‍ना 3:17

पर जाये कनु संसारा ची धन दौलत हो ते ऊं आपणा भावां ते ब़ेहणीया ची जरुरत नु ङेखती कर, वांचे उपर तरस खाणे ना चाहो, ते ओचे मां नरीकारा चा प्रेम किवें बणला रेह सग़ी?

1 यूहन्‍ना 4:5

वे मसीह-विरोधी बन्दी संसारा ची छी, ऐह वजह कनु वे संसारा चीया बाता करी, ते संसार वांची सुणे।

1 यूहन्‍ना 5:10

जको नरीकारा चे पूता उपर विश्‍वास करे, ऊं आपणे ही मां ग़वाही राखे। जेह्णे नरीकारा उपर विश्‍वास कोनी करला, ओणे ओनु कूड़े ठहराले। कांकि ओणे वे ग़वाही उपर विश्‍वास कोनी करला, जको नरीकारा ने आपणे पूता चे बारे मां ङिली।