1 यूहन्‍ना 2:10 - ओङ राजपूत

¹⁰ जको कुई आपणे भावां लारे प्रेम राखे ऊं सोज़ले मां टुरे, ओचे जीवन मां इसड़ी कुई गलती कोनी जाकनु कुई ठोकर खा सग़े।

1 यूहन्‍ना 2:10 ပူးပေါင်းရင်းမြစ်များ

मत्ती 13:21

पर आपणे भीतर ज़हड़ ना राखणे ची वजह कनु वे थोड़े ही ङिहां चे छी। ते जिसे बेले वचना ची वजह कनु वांचे उपर क्लेश जा परेशानी आवे, तां वे तुरन्त ठोकर खाती जई।

मत्ती 18:7

ठोकरा ची वजह कनु संसारा उपर हाय! ठोकरा चे लाग़णे जरुरी छै, पर हाय! ओ इन्साना उपर जाई वजह कनु ठोकरा लाग़ी।

यूहन्‍ना 11:9

ईशु ने केहले, “का ङिओ चे ब़ारहा घण्टे सोज़ले ना हुवी? अगर कुई बन्दे ङिओ चे सोज़ले मां टुरे तां ऊं ठोकर ना खई, कांकि ओ ऐ संसारा चे सोज़ले नु ङेखे वे।

यूहन्‍ना 12:35

ईशु ने वानु केहले, “सोज़ले हमा थोड़ी देर तक तम्चे बीच मां छै। जब तक सोज़ले तम्चे लारे छै तब तक टुरते रिहा, इसड़ा ना हो कि अन्धारे तम्हानु आती घेरे। जको अन्धकार मां चले ऊं ना जाणी कि किंघे जाये पले।

यूहन्‍ना 8:31

बल्ति ईशु ने वा यहूदिया नु जेह्णे ओचे उपर विश्‍वास करला हुता केहले, “अगर तम्ही माये वचना मां बणले रिहा, तां सच्‍चमां माये चैले बणा।

रोमियां 14:13

ऐवास्ते उग़ते कनु अम्ही हेके-ङुजे उपर दोष ना लाऊं, पर तम्ही ईं ठानती गिहा कि कुई वी आपणे भावां चे सामणे ठेस जा ठोकर खाणे ची वजह ना मेहलो।

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।

1 यूहन्‍ना 2:11

पर जको कुई आपणे भावां लारे बैर राखे ऊं अन्धकार मां छै, ते अन्धकारा मां टुरे, ते ना जाणी कि मैं किठे जई, कांकि अन्धकारा ने ओचीया आंखीया अन्धीया करती नाखलीया।

1 यूहन्‍ना 3:14

अम्ही जाणु कि अम्ही मौत कनु पार हुती कर जीवन मां पुज़ले। कांकि अम्ही भावां ते ब़ेहणीया लारे प्रेम राखु। जको प्रेम ना राखी ओ मौत ची दशा मां रिहे।