1 कुरिन्थियां 9:8 - ओङ राजपूत

⁸ का मैं ईं सेर्फ इन्साना ची रीति रिवाजा लारे किहे पला? का व्यवस्था वी हाओ ना किही?

1 कुरिन्थियां 9:8 ပူးပေါင်းရင်းမြစ်များ

रोमियां 3:31

तां का अम्ही व्यवस्था नु विश्‍वास चे जरिये बेकार ठहराऊ? कङी वी ना। पर व्यवस्था नु पक्‍के करु वी।

रोमियां 3:5

ऐवास्ते अगर अम्चा अधर्म नरीकारा ची धार्मिकता ठहराती ङिये, ते अम्ही का किहुं? का ईं कि नरीकार जको क्रोध करे अन्यायी छै? ईं तां मैं इन्साना चे नजरीये लारे किहे पला।

रोमियां 6:19

मैं तम्ची शरीरिक दुर्बलता ची वजह इन्साना ची रीति उपर किहे। जिंवे तम्ही आपणे शरीरा चे अंगा नु कुकर्म चे वास्ते अशोद्धता ते कुकर्म चे दास बणाती कर सोंपले हुते, यूंही ही हमा आपणे शरीरा चे अंगा नु पवित्रता चे वास्ते धार्मिकता चे दास करती कर सोंपती ङिया।

1 कुरिन्थियां 14:34

असतरीया कलीसिया ची सभा मां चोप रिहो, कांकि वानु बाता करने ची इजाजत कोनी, पर अधीन रेहणे चाही छै जिंवे व्यवस्था मां लिखले वी पले।

1 कुरिन्थियां 7:40

माये केहणे ईं छै वा असतरी जिसड़ी छै वा अगर इसड़ी ही रिहो तां वा होर वी धन्‍न छै। मैं ऐ विश्‍वासा लारे किहे पला कि माये मां वी नरीकारा ची आत्मा वास करे पली।

गलातियां 1:11

हे माये भऊ, ते ब़ेहणी मैं तम्हानु बावड़ती ङिये कि जको सुसमाचार मैं सुणाला, ओ कुई बन्दा कनु कोनी मनु मिड़ला।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

1 थिस्सलुनीकियां 4:8

ऐस वजह जको तोच्छ जाणे, ओ इन्साना नु कोनी, पर नरीकारा नु तोच्छ जाणे, जको आपणा पवित्र आत्मा तम्हानु ङिये।