1 कुरिन्थियां 9:5 - ओङ राजपूत

⁵ का अम्हानु हा अधिकार कोनी कि किसी विश्‍वासी ब़ेहणी लारे परनीती कर लारे गेहली फिरु, जिंवे नेरे प्रेरित ते प्रभु चे भऊ ते पतरस करे?

1 कुरिन्थियां 9:5 ပူးပေါင်းရင်းမြစ်များ

मत्ती 13:55

का हा दरखाणा चा पूत कोनी? ते का ऐची आई चे नां मरियम कोनी ते ऐचे भावां चे नांवे याकूब, यूसुफ, शमौन ते यहूदा कोनी?

मत्ती 8:14

ईशु जिसे बेले पतरस चे घरे आला,तां ओणे ओची सासवे नु बुखारा मां पले ङेखले।

मरकुस 1:30

शमौन ची सासु बुखारा लारे ङुखी हुती, ते वाणे तुरन्त विचे बारे मां ईशु नु बावड़ले।

मरकुस 6:3

का हा ओही दरखाण कोनी, जको मरियम चा पूत, ते याकूब, योसेस, यहूदा, ते शमौन चा भऊ छै? का ऐचीया ब़ेहणी अम्चे बीच मां ना रिही?” ऐवास्ते वाणे ओचे बारे मां ठोकर खाली।

लूका 6:15

ते मत्ती, ते थोमा, ते हलफई चा पूत याकूब, ते शमौन जको जेलोतेस किहवावे,

लूका 8:20

ओनु केहले गेले, “दुधी आई ते दुधे भऊ ब़ाहरु भिली, तनु मिलणा चाहवी।”

यूहन्‍ना 1:42

बल्ति अन्द्रियास शमौन नु ईशु चे गोढु गेहती आला। ईशु ने शमौन नु ङेखती कर केहले, “तु यूहन्‍ना चा पूत शमौन छी, तु कैफा किहवावे।” (कैफा जानु पतरस वी किही यांचा मतलब चट्टान हुवे)।

यूहन्‍ना 2:12

ऐचे बाद ईशु ते ओचे चैले ते ओची आई ते ओचे भऊ कफरनहूम शहरा मां चाह्‍ली गेली। ते कोच्छ ङिये वे ओठे रेहली।

प्रेरितां चे काम 1:14

ये सारे कई असतरीया ते ईशु ची आई मरियम ते ओचे भावां लारे मन लाती प्राथना मां लाग़ले रेहले।

रोमियां 16:1

मैं तम्चे कनु, ब़ेहण फीबे वास्ते जको किंख्रिया शहरा ची कलीसिया ची सेविका छै, सिफारिश करे पला,

1 कुरिन्थियां 1:12

माये केहणे चा मतलब हा छै कि तम्ची हर-हेक ची मत्त अलग़ छै, कुई किहे, “मैं पौलुस चा चैला छै,” ते कुई किहे, “मैं अपुल्‍लोस चा,” ते कुई, “मैं पतरस चा,” ते कुई किहे, “मैं मसीह चा चैला छै।”

1 कुरिन्थियां 7:15

पर जको मर्द विश्‍वास ना करी, अगर ओ अलग़ हो तां अलग़ हुं ङिया। इसड़ी दशा मां कुई भऊ जा ब़ेहण ब़झले आले कोनी पर नरीकारा ने तां अम्हानु मेल-मिलाप वास्ते हकारले छै।

1 कुरिन्थियां 7:39

जब तक कुई असतरी चा मोणस जीता रिहे तब तक वा ब़झली आली छै। पर जिसे बेले विचा मोणस मरती जाये तां जाये लारे चाहो बीहा कर सग़े, पर जरुरी छै कि ओ मर्द वी प्रभु मां विश्‍वासी ही हो।

1 कुरिन्थियां 7:7

मैं ईं चाहवें कि जिसड़ा मैं छै उसड़े ही सारी इन्साने हो पर हर-हेक नु नरीकारा चे तरफु खास वरदान मिड़ले आले छी कानु कुई तरह चा ते कानु कुई तरह चा।

1 कुरिन्थियां 7:8

पर मैं कुंवारा ते बांढीया चे बारे मां किहे पला कि वांचे वास्ते इसड़े ही रेहणे आच्छे छै जिसड़ा मैं छै।

गलातियां 1:19

पर प्रभु चा भऊ याकूब नु छोड़ती कर नेरा प्रेरिता महु कानु कोनी मिड़ला।

1 तीमुथियुस 3:2

ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो।

1 तीमुथियुस 4:3

जको बीहा करने कनु रोके, ते खाणे ची कोच्छ चीजा कनु दूर रेहणे ची आज्ञा ङिये, जानु नरीकारा ने ऐवास्ते रचले कि विश्‍वास करने आला, ते सच्‍च नु पिछाणने आले वानु धन्यवाद चे लारे खाये।

1 तीमुथियुस 5:2

ब़ुढ़ीया असतरीया नु आई जाणती कर ते जवान असतरीया नु पुरी पवित्रता लारे ब़ेहण जाणती कर समझाती ङे।

तीतुस 1:6

जको बेकसूर ते हेक ही घराआली चा मोणस हो, जाई ब़ाले-ब़च्‍ची विश्‍वास करने आली हो, ते जानु लोचपण ते निरंकुशता चा दोष ना हो।

इब्रानियां 13:4

बीहा ची बात सम्मानित रिहो ते बीहा चे बीछाणे निष्कलंक रिहो, कांकि नरीकार व्यभिचारीया ते परअसतरी गामीया चा न्यां करी।