1 कुरिन्थियां 9:26 - ओङ राजपूत

²⁶ मैं लक्ष्यहीन इन्साना आलीकर ना द्रोड़ी। मैं हवाई मां मुक्‍किया ना मारणे आले आलीकर कोनी।

1 कुरिन्थियां 9:26 ပူးပေါင်းရင်းမြစ်များ

मत्ती 11:12

यूहन्‍ना बपतिस्मा ङेणे आले चे ङिहां कनु हमा तक स्वर्ग़ चे राज़ मां जबरदस्ती प्रवेश हुता रेहला, ते बलवान ओनु खोसती गिही।

लूका 13:24

“सकड़े दरवाजे कनु जाणे वास्ते जत्तन करा, कांकि मैं तम्हानु किहे पला कि ब़ोहत से भीतर जाणा चाहवे, ते नी जा सग़े।

1 कुरिन्थियां 14:9

यूंही तम्ही वी अगर जुबानी लारे साफ बाता नी किहा, तां जको कोच्छ केहले जाये ऊं किवें समझले जई? तम्ही तां हवाई लारे बाता करने आले बणती जावा।

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

2 कुरिन्थियां 5:8

ऐवास्ते अम्ही हिम्मत ब़ांहली रिहुं, ते शरीरा नु छोड़ती कर प्रभु चे लारे रेहणे होर वी आच्छे समझु।

गलातियां 2:2

माये जाणे इसड़े दर्शन चे तरफु हुले, जको सुसमाचार मां नेरीया जातिया मां प्रचार करे, ओ वानु मैं बावड़ती ङिले, पर एकान्त मां वानु जको बङे समझले जते ताकि इसड़े ना कि माई ऐ समय ची ते भांसली द्रोक भज़ बेकार ना चाह्‍ली जाओ,

इफिसियां 6:12

कांकि हा अम्चा मल्‍लयोद्ध, लुहीं ते मांस चे लारे कोनी, पर प्रधाना ते अधिकारीया चे लारे, ते ऐ संसार चे अन्धकारा चे हाकिमा लारे ते ओ दुष्टता ची आत्मिक सैना लारे छै जको आसमाना मां छै।

फिलिप्पियां 1:21

कांकि माये वास्ते जीते रेहणे मसीह छै, ते मरणे माये वास्ते फायदेमन्द छै।

कुलुस्सियां 1:29

ऐचे ही वास्ते मैं ओची वे शक्‍ति चे अनुसार जको माये मां सामर्थ चे लारे असर नाखे, तन मन लाती कर मेहनत वी करे।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 2:5

बल्ति अखाड़े मां लड़ने आला अगर नियम ते तरीके लारे ना लड़ी ते इनाम यां ते बल्ति मुग़ट ना पा सग़ी।

2 तीमुथियुस 4:7

मैं मसीह चे कामा ची आच्छी कुश्ती लड़ती चुकला, मैं आपणी दौड़ पुरी करती गेली, मैं विश्‍वास ची रखवाली करली।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

इब्रानियां 4:1

ऐवास्ते जबकि ओचे विश्राम मां जाणे ची प्रतिज्ञा हमा तक छै, तां अम्हानु ङरणे चाही छै इसड़े ना हो कि तम्चे महु कुई जणे ओचे कनु रेहती ना जाओ।

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

2 पतरस 1:10

ऐ वजह कनु हे माये भऊ, ईशु चे हकारले आले, ते चुणले आले ते पक्‍के करले आले तां तम्ही कोशिस करते रिहा, कांकि इसड़े करने लारे तम्ही कङी वी ठोकर नी खावा।