1 कुरिन्थियां 9:24 - ओङ राजपूत

²⁴ का तम्ही ना जाणा, कि द्रोड़ मां तां द्रोड़ी सारे ही, पर इनाम हेको ही गेहती जाये? तम्ही यूंही द्रोड़ा कि इनाम जीत सग़ा।

1 कुरिन्थियां 9:24 ပူးပေါင်းရင်းမြစ်များ

रोमियां 6:16

का तम्ही ना जाणा कि जाई आज्ञा मनणे चे वास्ते तम्ही आपणे-आप नु दासा आलीकर सोंपती ङिया, तां तम्ही ओचे दास छिवा, चाहे पाप चे, जाया अन्त मौत छै, चाहे आज्ञा मनणे चे, जाया अन्त धार्मिकता छै?

1 कुरिन्थियां 9:13

का तम्ही ना जाणा कि जको मन्दरा मां सेवा करी वे मन्दरा महु खई ते जको वेदी ची सेवा करी वे वेदी चे चढ़ावे लारे भईवाल हुवी?

1 कुरिन्थियां 9:23

ते मैं सब कोच्छ सुसमाचार वास्ते करे कि मैं ऐचे मां नेरा लारे वांचा भईवाल हुती जाये।

1 कुरिन्थियां 9:26

मैं लक्ष्यहीन इन्साना आलीकर ना द्रोड़ी। मैं हवाई मां मुक्‍किया ना मारणे आले आलीकर कोनी।

गलातियां 2:2

माये जाणे इसड़े दर्शन चे तरफु हुले, जको सुसमाचार मां नेरीया जातिया मां प्रचार करे, ओ वानु मैं बावड़ती ङिले, पर एकान्त मां वानु जको बङे समझले जते ताकि इसड़े ना कि माई ऐ समय ची ते भांसली द्रोक भज़ बेकार ना चाह्‍ली जाओ,

गलातियां 5:7

तम्ही तां आच्छी तरह हेक मसीह जीन्दगी जीवा पलते हमा इसड़ा का हुती गेला जको तम्हानु सच्‍चाई उपर चलणे वास्ते रोके पला?

फिलिप्पियां 2:16

जब तम्ही जीन्दगी ङेणे आला सुसमाचार सुणावा तां तम्ही इसड़े ही करते रिहा, ताकि मसीह चे ङिओ मनु घमण्ड करने ची वजह हो कि ना माये द्रोड़ने ते ना माई मेहनत करले बेकार हुली।

फिलिप्पियां 3:12

हा मतलब कोनी कि मैं गेहती चुकला, जा सेद्ध हुती चुकला पर मैं वे उपलब्धि नु गेहणे वास्ते लगातार यतन करे पला। जाये वास्ते मसीह ईशु ने मनु हकारले हुते।

फिलिप्पियां 3:14

निशाने सनु द्रोड़ता चाह्‍ला जाये, ताकि ओ इनाम गिहे जाये वास्ते नरीकारा ने मनु मसीह ईशु मां उपर स्वर्ग़ा सनु हकारले।

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

इब्रानियां 12:1

ये वजह कनु जबकि ग़वाहा ची इसड़ी बङी भीड़ अम्हानु घेरले आले छै, तां आवा, हर हेक रोकणे आली चीज ते उलझाणे आले पापा नु दूर करती कर, वा द्रोड़ जिसे मां अम्हानु द्रोड़ने छै, धीरज लारे उग़ते बधते जऊं,

याकूब 1:12

धन्‍न छै ऊं बन्दे जको परीक्षा मां मजबूत रिहे कांकि ऊं खरे निकलती कर जीन्दगी चा ओ मुग़ट गिही जाया वायदा प्रभु ने आपणे प्रेम करने आला वास्ते करला।

प्रकाशितवाक्य 3:11

मैं जल्दी ही आणे आला छै, जको कोच्छ दुधे गोढु छै विनु थामली रेह कि कुई दुधा मुग़ट खोसती ना गिहो।