1 कुरिन्थियां 9:23 - ओङ राजपूत

²³ ते मैं सब कोच्छ सुसमाचार वास्ते करे कि मैं ऐचे मां नेरा लारे वांचा भईवाल हुती जाये।

1 कुरिन्थियां 9:23 ပူးပေါင်းရင်းမြစ်များ

मरकुस 8:35

कांकि जको कुई आपणी जीन्दगी बचावणा चाहवे ओ विनु गुंती ब़ेसी, पर जको कुई माये ते सुसमाचारा चे वास्ते आपणी जीन्दगी गुंवी, ओ विनु बचावी।

रोमियां 11:17

ते अगर कोच्छ लड़ीया भान्ती कर भुकाती नाखलीया गेलीया, ते तु जंगली जैतून ओचे मां पैवन्द करला गेला ते ओ जैतून चे आच्छे ब़ूटे ची ज़हड़े ची चिकणाई चा भईवाल हुला,

1 कुरिन्थियां 9:12

अगर तम्ची आमदनी महु हेंस्सा गेहणा ङुजा चा अधिकार छै तां का अम्चा अधिकार वांचे कनु बधती कर कोनी? बल्ति वी अम्ही ऐ अधिकारा नु कामा मां कोनी गेले उल्टा अम्ही सब कोच्छ सब्रा लारे सेहते रेहले कि मसीह चे सुसमाचार चे प्रचार मां कुई रुकावट ना हो।

1 कुरिन्थियां 9:22

मैं वां लौका वास्ते जको विश्‍वासा मां कमजोर छी खौद्द वांचे आलीकर कमजोर बणला कि वानु मसीह मां जीत सग़े। मैं सब तरह चे इन्साना वास्ते सब कोच्छ बणला कि किवें ना किवें करती कईयां चा उद्धार करवा सग़े।

1 कुरिन्थियां 9:24

का तम्ही ना जाणा, कि द्रोड़ मां तां द्रोड़ी सारे ही, पर इनाम हेको ही गेहती जाये? तम्ही यूंही द्रोड़ा कि इनाम जीत सग़ा।

2 कुरिन्थियां 2:4

बङे क्लेश ते मना चे कष्ट लारे, मैं ब़ोहत सारी हींजवे बाहती-बाहती कर तम्हानु लिखले हुते, ऐवास्ते कोनी कि तम्ही उदास हुवा, पर ऐवास्ते कि तम्ही ओ बङे प्रेम नु जाणती गिहा, जको मनु तम्चे लारे छै।

गलातियां 2:5

हेक घड़ी भर वी अम्ही वांचे अधीन हुवणे कोनी मनले ऐवास्ते कि सुसमाचार ची सच्‍चाई तम्चे मां बणली रिहो,

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

2 तीमुथियुस 2:6

जको कड़ी मेहनत करे, फला चा पेहला भाग़ ओनु मिलणा चाही छै।

इब्रानियां 3:1

ऐवास्ते, हे माये विश्‍वासी भऊ, तम्ही जको स्वर्ग़ीय ब़ुलावे मां भईवाल छिवा, ईशु उपर ध्यान ङिया, जको अम्चे वास्ते नरीकारा चा प्रेरित ते महायाजक छै।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

1 यूहन्‍ना 1:3

ते जानु अम्ही ङेखले ते सुणले ओचा समाचार तम्हानु ङिऊं पले, ऐवास्ते कि तम्ही वी अम्चे लारे शामिल हुवा, ते अम्ची हा सहभागिता ब़ा नरीकारा चे लारे ते ओचे पूत ईशु मसीह चे लारे छै।