1 कुरिन्थियां 8:6 - ओङ राजपूत

⁶ पर अम्चे गोढु तां हेक ही नरीकार छै यानि ब़ा जेह्णे सब कोच्छ रचले ते अम्ही ओचे वास्ते छिऊं। ते हेक ही प्रभु छै, यानि ईशु मसीह जाये जरिये सारीया चीजा हुलीया ते ओचे जरिये अम्ही जिऊं।

1 कुरिन्थियां 8:6 ပူးပေါင်းရင်းမြစ်များ

मत्ती 11:27

“माये ब़ा ने मनु सब कोच्छ सोंपती ङिले, ते कुई पूता नु ना जाणी, सेर्फ ब़ा, ते कुई ब़ा नु ना जाणी सेर्फ पूत, ते ओ जाये उपर पूत ओनु प्रकट करना चाहवे।

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

यूहन्‍ना 1:10

सच्‍ची ज्योति संसारा मां हुती, ते संसार ओचे जरिये पैदा हुला, ते संसारा ने ओनु कोनी पिछाणले।

यूहन्‍ना 1:3

सब कोच्छ ओचे ही जरिये पैदा हुले, ते जको कोच्छ पैदा हुले, ओचे मां कुई वी चीज ओचे बिना पैदा कोनी हुली।

यूहन्‍ना 10:30

मैं ते माया ब़ा हेक छिऊं।”

यूहन्‍ना 13:13

तम्ही मनु गुरु ते प्रभु किहा, ते ठीक ही किहा, कांकि मैं ओही छै।

यूहन्‍ना 14:20

ओह ङिओ तम्हानु पता लाग़ी कि मैं आपणे ब़ा मां छै, ते तम्ही माये मां, ते मैं तम्चे मां।

यूहन्‍ना 17:3

ते अनन्त जीवन हा छै, कि वे तनु हेक ही सच्‍चे नरीकारा नु, ते ईशु मसीह नु, जानु तु भेज़ले, जाणो।

यूहन्‍ना 20:17

ईशु ने विनु केहले, “मनु हाथ ना ला, कांकि मैं हालि तक ब़ा नरीकारा सनु उपर कोनी गेला। पर माये भावां कनु जती कर वानु केहती ङे कि, ‘मैं आपणे ब़ा ते तम्चे ब़ा, आपणे नरीकार ते तम्चे नरीकारा चे गोढु उपर जाये पला।’ ”

प्रेरितां चे काम 17:28

कांकि अम्ही ओचे मां जीते रिहुं, ते अम्चे टुरने-फिरने, ते टिकले रिहुं। जिसड़े कि तम्चे कई कविया ने वी केहले, ‘अम्ही तां ओचे ही वंशज वी छिऊं।’

प्रेरितां चे काम 2:36

“ऐवास्ते हमा इस्राएल चे सारे घराणे पक्‍के जाणती गिहो कि नरीकारा ने ओनु ही, ईशु नु जेह्णे तम्ही क्रूसा उपर चढ़ाले, प्रभु वी ठहराले ते मसीह वी।”

प्रेरितां चे काम 5:31

ओनु ही नरीकारा ने प्रभु ते उद्धारकर्ता ठहराती कर आपणे सज़्ज़े हाथा लारे ऊंचे करले, कि ओ इस्राएलीया नु मन फिरावणे ची ताकत ते पापा ची माफी दान करो।

रोमियां 11:36

कांकि ओची ओर कनु, ते ओचे ही जरिये, ते ओचे ही वास्ते सब कोच्छ छै। ओची महिमा युगानयुग हुती रिहो। आमीन।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 12:3

ऐवास्ते मैं तम्हानु चिताती ङिये कि जको कुई नरीकारा ची आत्मा ची अगुवाई लारे ब़ोले ऊं ना किही कि, “ईशु श्रापित छै,” ते ना कुई पवित्र आत्मा चे बिना केह सग़े कि, “ईशु प्रभु छै।”

1 कुरिन्थियां 6:13

खाणे ढिड्डा वास्ते ते ढेड्ड खाणे वास्ते छै। पर नरीकार यां ङुंहु नु नाश करी। शरीर व्यभिचार वास्ते कोनी, बल्कि प्रभु वास्ते छै ते प्रभु शरीरा वास्ते छै।

1 कुरिन्थियां 8:4

तां मूर्तिया चे सामणे बलि करली हुलीया चीजा नु खाणे चे बारे मां अम्ही जाणु कि सारे संसारा मां किठी वी मूर्तिया नरीकार कोनी ते हेक चे अलावा नेरा कुई नरीकार कोनी छै।

इफिसियां 1:3

अम्चे प्रभु ईशु मसीह चा नरीकार ते ब़ा चा धन्यवाद हो, ओणे अम्हानु स्वर्ग़ा मां ईशु मसीह चे तरफु हर तरह ची आत्मिक आशीष ङिली।

इफिसियां 3:14

मैं ये वजह कनु ओ नरीकारा चे सामणे गोङे टेके पला,

कुलुस्सियां 1:6

हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्‍चमां तम्ही समझले हुते।

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

प्रकाशितवाक्य 1:18

“मैं ओही छै जाये कनु जीवन छै। पेहले मैं मरती गेलता ते हमा ङेख मैं युग-युग जीता छै, ते मौत ते अधोलोक चीया कुंजीया माये ही गोढु छी।