1 कुरिन्थियां 8:4 - ओङ राजपूत

⁴ तां मूर्तिया चे सामणे बलि करली हुलीया चीजा नु खाणे चे बारे मां अम्ही जाणु कि सारे संसारा मां किठी वी मूर्तिया नरीकार कोनी ते हेक चे अलावा नेरा कुई नरीकार कोनी छै।

1 कुरिन्थियां 8:4 ပူးပေါင်းရင်းမြစ်များ

मरकुस 12:29

ईशु ने ओनु उत्तर ङिला, “सारा महु खास आज्ञा हा छै, ‘हे इस्राएल सोण! प्रभु अम्चा नरीकार हेको ही प्रभु छै,

प्रेरितां चे काम 14:15

“हे लौक, तम्ही का करा पले? अम्ही वी तां तम्चे आलीकर ङोख सोख भोग़णे आले इन्साने छिऊं, ते तम्हानु सुसमाचार सुणाऊं पले, कि तम्ही यां बेकार चीजा कनु अलग़ हुती कर जीते नरीकारा सनु फिरा, जेह्णे स्वर्ग़ ते धरती ते समुन्दर ते जको कोच्छ वांचे मां छी बणाले।

प्रेरितां चे काम 15:20

पर वानु लिखती भेज़ा कि, मूर्तिया उपर चढ़ले आले खाणे तम्हानु नी खाणे चाही छै। ते आपणे आप नु व्यभिचार कनु बचाली राखा। गिच्‍ची घुटले आली मवेशी चा मांस खाणे कनु दूर रिहो ते वांचे लुहीं ना पीयो।

प्रेरितां चे काम 19:26

ते तम्ही ङेखा ते सुणा वी हुवा कि सेर्फ इफिसुस मां ही कोनी बल्कि सारे एशिया प्रदेसा मां वी हा केहती कर पौलुस ने घणा लौका नु समझाले ते भरमाले वी छै, ते जको हाथा चा बणलीया आलीया मूर्तिया छी, वे ईश्‍वर कोनी।

1 कुरिन्थियां 8:1

हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

1 कुरिन्थियां 8:10

अगर काया विवेक कमजोर छै ते ऊं तम्चे जिसड़े ज्ञानी इन्सान नु मूर्तिया चे मन्दरा मां चढ़ावा खाते ङेखती गिहो तां का ओनु वी मूर्ति नु चढ़ाली चीजा खाणे ची हिम्मत नी मिली?

1 कुरिन्थियां 8:11

ऐचे मां तम्चे ज्ञानी हुवणे ओचे नाश ची वजह हुती गेली, जाये वास्ते मसीह ईशु ने आपणी जान ङिली।

गलातियां 4:8

पेहले तां तम्ही नरीकारा ना जाणती कर तां वांचे दास हुते, जको सुभाव मां नरीकार कोनी हुते?

इफिसियां 4:6

ते सब चा हेक ही नरीकार ते ब़ा छै, जको सब चे उपर ते सब चे बीच, सब मां छै।

1 तीमुथियुस 1:17

हमा सनातन राजा यानिकि अविनाशी, अणङेखले, हेको नरीकारा चा आदर ते महिमा युगानयुग हुती रिहो। आमीन।

1 तीमुथियुस 2:5

कांकि नरीकार हेक ही छै, ते नरीकार ते बन्दा चे बीच मां हेको ही बिचोलीया छै, यानिकि ईशु मसीह जको इन्सान वी छै।

यहूदा 1:25

ओ हेक मात्र नरीकार अम्चे उद्धारकर्ता ची महिमा ते गौरव ते पराक्रम ते अधिकार, अम्चे प्रभु ईशु मसीह चे जरिये जिंवे सनातन काल कनु छै, हमा वी हो ते युगानयुग रिहो। आमीन।