1 कुरिन्थियां 8:12 - ओङ राजपूत

¹² तां तम्ही भावां चे विरोध पाप करने लारे वांचे कमजोर विवेक नु सट्ट मारा यूं करने लारे तम्ही मसीह चे विरोध पाप करा।

1 कुरिन्थियां 8:12 ပူးပေါင်းရင်းမြစ်များ

मत्ती 18:10

“ङेखा, तम्ही यां छोटा महु कानु वी तोच्छ ना जाणा, कांकि मैं तम्हानु किहे पला कि स्वर्ग़ा मां वांचे स्वर्ग़दूत माये स्वर्ग़ीय ब़ा नरीकारा चे मुँह सदा ङेखी।

मत्ती 18:21

बल्ति पतरस ने ईशु चे गोढु आती कर केहले, “हे प्रभु, अगर माया विश्‍वास करने आला भऊ अपराध करता रिहे, ते मैं ओनु कितना वारी माफ करे, का सात वारी तक?”

मत्ती 18:6

“जको कुई यां छोटा महु जको माये उपर विश्‍वास करी, कानु ठोकर खुलाओ, ओचे वास्ते भले हुवीया कि बङी घर्टी चा पोड़ ओचे गले मां लटकाला जईया, ते ओ गहरे समुन्दरा मां नाखती ङिला जईया।

मत्ती 25:40

“तब राजा वानु उत्तर ङी, ‘मैं तम्हानु सच्‍च किहे पला कि तम्ही जको माये यां छोटे कनु छोटे भावां महु कुई हेके लारे करले, ऊं माये ही लारे करले।’

मत्ती 25:45

“बल्ति मैं वानु उत्तर ङिही, ‘मैं तम्हानु सच्‍च किहे पला कि तम्ही यां छोटे महु छोटे कुई हेके लारे कोनी करले, ऊं माये लारे वी कोनी करले।’

मरकुस 9:42

“जको कुई यां छोटा महु जको माये उपर विश्‍वास करी, कानु ठोकर खुलाओ तां ओचे वास्ते ईं भले छै कि हेक बङी घर्टी चा पोड़ ओचे गले मां लटकाला जईया ते ओ समुन्दरा मां नाखती ङिला जईया।

लूका 17:2

जको कुई यां छोटा महु कानु ठोकर खुलाओ, ओचे वास्ते ईं भले हुवीया कि घर्टी चा पोड़ ओचे गले मां लटकाला जईया, ते ओ समुन्दरा मां नाखती ङिला जईया।

रोमियां 14:20

खाणे नु महत्व ङिते हुले नरीकारा चे काम ना बिगाड़, सब कोच्छ शोद्ध तां छै। पर ओ बन्दे वास्ते ईं बुरे छै कुई नेरे ओचे भोज़न खाणे लारे ठोकर खाओ।

1 कुरिन्थियां 12:12

कांकि जिंवे करती शरीर तां हेक छै ते ओचे अंग घणे सारे छी, ते ओ हेक शरीरा चे सारे अंग ब़ोहत हुवणे पर वी सब मिलती कर हेक शरीर छै, यूं करती मसीह वी छै।