1 कुरिन्थियां 8:1 - ओङ राजपूत

¹ हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

1 कुरिन्थियां 8:1 ပူးပေါင်းရင်းမြစ်များ

प्रेरितां चे काम 15:10

ऐवास्ते हमा तम्ही कां नरीकारा नु परखा पले कि नेरीया जातिया ची गिच्‍ची उपर इसड़ा जूले मेहला पले, जानु ना तां अम्ही ते ना अम्चे पुरखे चा सग़ले?

प्रेरितां चे काम 15:29

मूर्तिया उपर चढ़ले आले खाणे तम्हानु नी खाणे चाही छै। ते आपणे आप नु व्यभिचार कनु बचाली राखा। गिच्‍ची घुटले आली मवेशी चा मांस खाणे कनु दूर रिहो ते वांचे लुहीं ना पीयो। यां बाता कनु दूर रिहा तां तम्चे भले हुवी। नरीकार तम्चे भले करो।”

प्रेरितां चे काम 21:25

“पर वां नेरीया जातिया चे बारे मां जेह्णे विश्‍वास करला, अम्ही हा फैंसला करती कर लिखती भेज़ले कि ‘मूर्तिया उपर चढ़ले आले खाणे तम्हानु नी खाणे चाही छै। गिच्‍ची घुटले आली मवेशी चा मांस खाणे कनु दूर रिहा ते वांचे लुहीं ना पीयो। ते व्यभिचार कनु बचले रिहा।’ ”

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

रोमियां 12:16

आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

रोमियां 14:10

तु आपणे भावां उपर कां दोष लावी? जा ते बल्ति तु आपणे भावां नु कां तोच्छ जाणी? अम्ही सब चे सब नरीकारा चे न्यां सिंहासन चे सामणे भिले रेहणे पड़ी।

रोमियां 14:14

मैं जाणे, ते प्रभु ईशु कनु मनु पक्‍के हुले कि, कुई चीज आपणे-आप कनु अशुद्ध कोनी, पर जको कुई विनु अशुद्ध समझे, ओचे वास्ते अशुद्ध छै।

रोमियां 14:19

ऐवास्ते अम्ही वां बाता ची कोशिस करु, जाये लारे शान्ति मिलो ते हेके-ङुजे ची आत्मिक बढोतरी हो।

रोमियां 14:22

दुधा जको विश्‍वास हो, ओनु नरीकारा चे सामणे आपणे ही मना मां राख। धन्‍न छै ओ, जको वे बाते मां, जिसी नु ओ ठीक समझे, आपणे-आप नु दोषी ना ठहरावी।

रोमियां 14:3

ओ, जको सब कोच्छ खाणे आला छै, ओनु तोच्छ नजरीये लारे ना ङेखो, जको सब कोच्छ ना खई, यूं करती, सब कोच्छ ना खाणे आला, ओचे उपर दोष ना लावा, जको सब कोच्छ खाये, कांकि नरीकारा ने वानु ग्रहण करले।

रोमियां 15:14

हे माये भऊ, मैं आप वी खौद्द तम्चे बारे मां पक्‍के ही जाणे कि, तम्ही आप ही भलाई लारे भरीले आले छिवा ते ज्ञान मां भरपूर छिवा ताकि हेके-ङुजे नु समझा सग़ा।

1 कुरिन्थियां 1:5

कांकि ओचे मां हुती कर तम्ही हर बाते मां यानि ब़ोलणे ते सारे ज्ञान मां मजबूत करले गेले,

1 कुरिन्थियां 10:15

मैं तम्हानु ब़ुध्दिमान जाणती कर तम्हानु किहे पला, जको मैं किहे पला ओनु तम्ही परखा।

1 कुरिन्थियां 10:28

पर अगर कुई तम्हानु किहे, “हा तां मूर्ति नु चढ़ाली आली चीज छै,” तां विनु ना खाजा, जेह्णे तम्हानु ईं बावड़ले ओचे विवेक ची भलाई वास्ते।

1 कुरिन्थियां 14:20

हे माये भऊ, तम्ही समझदारी मां ब़ाले ना बणा। बल्ति वी बुराई मां तां ब़ाले रिहा, पर समझदारी मां सियाणे बणा।

1 कुरिन्थियां 15:34

खबरदार हुती जावा, पाप करने छोड़ती ङिया। ईं मैं तम्हानु कायल करने वास्ते ही किहे पला कांकि तम्चे महु कोच्छ तां नरीकारा नु जाणी ना।

1 कुरिन्थियां 4:10

अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये।

1 कुरिन्थियां 4:18

तम्चे महु कोच्छ तां अंहकार मां फुंडले ना समावी मना ओठे मैं आवा ही ना।

1 कुरिन्थियां 4:6

हे माये भऊ, मैं यां बाता मां तम्चे वास्ते आपणी ते अपुल्‍लोस ची चर्चा मिसाल चे तौर उपर करली, ऐवास्ते कि तम्ही अम्चे जरिये ईं सिखा कि, “लिखले आले कनु आग़ु ना बधजा,” तां हेके चे पक्ष मां ते ङुजे चे विरोध मां गर्व ना करजा।

1 कुरिन्थियां 5:2

ते तम्ही अरमान तां ना करा, जाये कनु इसड़े काम करने आला तम्चे महु काढ़ला जईया, पर घमण्ड करा।

1 कुरिन्थियां 5:6

तम्चे घमण्ड करने ठीक कोनी। का तम्ही ना जाणा कि थोड़ा जा खमीर पुरे उसणले आले आट्टे नु खमीर करती ङिये?

1 कुरिन्थियां 8:2

अगर कुई ईं समझे कि, “मैं कोच्छ जाणे,” तां वास्तव मां ओ हमा तक उसड़े जाण ही ना सग़ला जिसड़े जाणने ओचे वास्ते जरुरी छै।

1 कुरिन्थियां 8:4

तां मूर्तिया चे सामणे बलि करली हुलीया चीजा नु खाणे चे बारे मां अम्ही जाणु कि सारे संसारा मां किठी वी मूर्तिया नरीकार कोनी ते हेक चे अलावा नेरा कुई नरीकार कोनी छै।

1 कुरिन्थियां 8:7

पर सब नु हा ज्ञान कोनी। पर कई लौक हमा तक मूर्ति नु ईश्‍वर समझती कर बलि ची चीज नु खई, तां वे सोची अम्ही अशुद्ध हुती गेले कांकि वांचा विवेक कमजोर छै।

इफिसियां 4:16

जाये मां सारी देह, हर-हेक जोड़ा ची सहायता लारे हेक लारे मिलती कर ते हेक लारे ग़ठती कर ओ प्रभाव चे अनुसार जको हर-हेक अंग चे ठीक-ठीक काम करने चे जरिये ओचे मां हुवे, आपणे आप नु बधावे कि वा प्रेम मां बढ़ोतरी करती जाओ।

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

प्रकाशितवाक्य 2:14

पर मनु दुधे विरोध मां कोच्छ बाता केहणीया, कांकि दुधे इठे कोच्छ इसड़े छी, जको बिलाम ची शिक्षा नु मनी, जेह्णे बालाक नु इस्राएलीया चे आग़ु ठोकर ची वजह राखणे सिखाले कि वे मूर्तिया उपर चढ़ालीया गेलीया चीजा खाओ, ते व्यभिचार करो।

प्रकाशितवाक्य 2:20

पर मनु दुधे विरोध ईं केहणे कि तु वे असतरी इजेबेल नु रिहुं ङी, जको आपणे आप नु भविष्यवक्‍तनी किहे, ते माये दासा नु व्यभिचार करने ते मूर्तिया चे आग़ु चढ़ालीया गेलीया चीजा खाणे सिखाती कर भरमाती ङिये।