1 कुरिन्थियां 7:35 - ओङ राजपूत

³⁵ मैं ईं सब तम्ची भलाई वास्ते ही किहे पला ना कि तम्हानु फसाणे वास्ते बल्कि ऐवास्ते कि जिंवे वाजिब छै कि तम्ही हेक चेत्त हुती कर प्रभु ची सेवा मां लाग़ली रिहा।

1 कुरिन्थियां 7:35 ပူးပေါင်းရင်းမြစ်များ

मत्ती 19:12

कांकि कोच्छ हीजड़े इसड़े छी जको आई चे ढिड्डा कनु ही इसड़े जमले। ते कोच्छ हीजड़े इसड़े छी जानु बन्दा ने हीजड़े बणाले, ते कोच्छ बन्दी इसड़ी छी, जेह्णे स्वर्ग़ा चे राज़ मां जाणे वास्ते बीहा कोनी करने चा फैंसला करला। जको ऐ उपदेशा नु गेहणे चाहवे ऊं गिहो।”

मत्ती 22:15

बल्ति फरीसिया ने जती कर आपस मां हा विचार करला कि ईशु नु किसे तरीके लारे ऐचीया खौद्द चा केहलीया आलीया बाता मां किवें फसाऊं।

लूका 21:34

“ऐवास्ते चौकस रेहजा, कङी इसड़े ना हो कि तम्चे मन हठीले, ते नशेबाज, ते ऐ जीवना ची चिन्ता लारे सुस्त हुती जाये, ते वे ङिहें तम्चे उपर फन्दे चे समान अचानक आती पड़ो।

लूका 8:14

जको झाड़ीया मां ढेले ये वे छी जको वचना नु सुणी, पर उग़ते चलती कर चिन्ता, ते धन, ते जीवन चे सोख-विलास मां फसती जई, ते वांचा फल ना पक्‍की।

1 कुरिन्थियां 7:2

पर व्यभिचार कनु बचणे वास्ते हर-हेक मर्दा ची आपणी घराआली ते हर हेक असतरी चा आपणा मोणस हो।

1 कुरिन्थियां 7:28

पर अगर तु बीहा वी करे तां पाप कोनी ते अगर कुई कुंवारी कन्या बीहा करवावे तां कुई पाप कोनी। पर इसड़ा नु शरीरिक ङोख हुवी ते मैं तम्हानु ऐचे कनु बचावणे चाहवे।

1 कुरिन्थियां 7:36

अगर कुई ईं समझे कि ओ आपणी धूवे चा बीहा करने मां देर हुवे पली तां विचे लारे अन्याय करे पला कांकि विची उम्र ढले पली ओ विनु अनुमति ङियो ते परनीजु ङियो। हा कुई पाप कोनी।

इफिसियां 5:3

जिंवे नरीकारा चे पवित्र लौका चे योग्य छै, यूंही तम्चे मां व्यभिचार ते किसी तरह चे अशुद्ध काम जा लोभ ची चर्चा तक ना हो।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

1 तीमुथियुस 1:10

व्यभिचार करने आले, पुरुषगमन करने आले, बन्दा नु बेचणे आले, कूड़ मारणे आले, ते कूड़ी कसम खाणे आले, ते याहनु छोड़ती कर खरे उपदेश चे सारे विरोधीया चे वास्ते ठहराली गेली।

तीतुस 2:3

यूं करती ब़ुढ़ीया असतरीया चा चाल-चलन पवित्र लौका आलीकर हो, वे दोष लावणे आलीया ते पियक्‍कड़ ना हो, पर आच्छीया बाता सिखावणे आलीया हो।