1 कुरिन्थियां 7:34 - ओङ राजपूत

³⁴ परनीली ते अणपरनीली मां फर्क छै। अणपरनीली प्रभु ची चिन्ता मां रिहे कि वा शरीर ते आत्मा ङुंहु मां पवित्र हो। पर परनीली आली संसारा ची चिन्ता मां रिहे, कि आपणे मुणसा नु खौश राखो।

1 कुरिन्थियां 7:34 ပူးပေါင်းရင်းမြစ်များ

यूहन्‍ना 10:13

ऐवास्ते नासती जाये कि ओह मजदूर छै ओनु भेङा ची चिन्ता कोनी।

रोमियां 6:13

ते ना ही आपणे शरीरा चे अंगा नु अधर्म चे हथियार हुवणे वास्ते पाप नु सोंपा, पर आपणे आप नु मरला आला महु जीते हुवणे जाणती कर आपणे शरीरा चे अंगा नु धार्मिकता चे हथियार हुवणे वास्ते नरीकारा नु सोंपा।

1 कुरिन्थियां 6:20

कांकि तम्ची कीमत ङिती कर मोल खरीदले, ऐवास्ते आपणे शरीरा चे जरिये नरीकारा ची महिमा करा।

1 कुरिन्थियां 7:33

पर परनीले आले इन्सान संसारा ची बाता चीया चिन्ता मां रिहे, कि आपणी घराआली नु किसे तरीके लारे खौश राखो।

1 कुरिन्थियां 7:35

मैं ईं सब तम्ची भलाई वास्ते ही किहे पला ना कि तम्हानु फसाणे वास्ते बल्कि ऐवास्ते कि जिंवे वाजिब छै कि तम्ही हेक चेत्त हुती कर प्रभु ची सेवा मां लाग़ली रिहा।

2 कुरिन्थियां 11:28

ते या सारीया बाता चे लारे-लारे, हर ङिओ सारीया कलीसिया चा बोझ वी माये उपर बणला रिहे।

2 कुरिन्थियां 8:16

नरीकारा चा धन्यवाद हो, जेह्णे तम्चे वास्ते वाहो उमंग तीतुस चे मना मां नाखती ङिली जको अम्चे मना छै।

फिलिप्पियां 1:20

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

1 थिस्सलुनीकियां 5:23

शान्ति चा नरीकार आप ही तम्हानु पुरी रीति लारे पवित्र करो, ते तम्ची आत्मा ते प्राण ते शरीर अम्चे प्रभु ईशु मसीह चे आणे तक पुरी रीति लारे निर्दोष सुरक्षित रिहो।

1 तीमुथियुस 3:5

कांकि कुई आपणे घरा ही चा प्रबन्ध ना करने जाणता हो, तां ओ नरीकारा ची कलीसिया ची रखवाली किवें करी?

1 तीमुथियुस 5:5

जको सच्‍चमां बांढी छै, ते विचे कुई कोनी, वा नरीकारा उपर आस राखे, ते रात-ङिओ बिनती करती ते प्राथना मां मगन रिहे।

तीतुस 3:8

हा बात सच्‍च छै, ते मैं चाहवे कि तु यां बाता चे बारे मां मजबूती लारे ब़ोल ऐवास्ते कि जेह्णे नरीकारा चा भरोसा करला, वे भले कामा मां लाग़ले रेहणे चा ध्यान राखो, ये बाता भलीया, ते बन्दा चे फायदे चा छी।