1 कुरिन्थियां 6:3 - ओङ राजपूत

³ का तम्ही ना जाणा कि अम्ही स्वर्ग़दूता चा न्यां करु? तां का संसारिक बाता चा निर्णय ना करु?

1 कुरिन्थियां 6:3 ပူးပေါင်းရင်းမြစ်များ

मत्ती 25:41

“बल्ति खब़्ब़े पासे आला नु किही, ‘हे श्रापित लौक, माये सामणे कनु ओ अनन्त जाखते मां चाह्‍ले जावा, जको शैतान ते ओचे दूता वास्ते तियार करले गेले।

लूका 21:34

“ऐवास्ते चौकस रेहजा, कङी इसड़े ना हो कि तम्चे मन हठीले, ते नशेबाज, ते ऐ जीवना ची चिन्ता लारे सुस्त हुती जाये, ते वे ङिहें तम्चे उपर फन्दे चे समान अचानक आती पड़ो।

लूका 8:14

जको झाड़ीया मां ढेले ये वे छी जको वचना नु सुणी, पर उग़ते चलती कर चिन्ता, ते धन, ते जीवन चे सोख-विलास मां फसती जई, ते वांचा फल ना पक्‍की।

रोमियां 6:16

का तम्ही ना जाणा कि जाई आज्ञा मनणे चे वास्ते तम्ही आपणे-आप नु दासा आलीकर सोंपती ङिया, तां तम्ही ओचे दास छिवा, चाहे पाप चे, जाया अन्त मौत छै, चाहे आज्ञा मनणे चे, जाया अन्त धार्मिकता छै?

1 कुरिन्थियां 6:15

का तम्ही ना जाणा कि तम्चे सब शरीर मसीह चे अंग छी? तां का मैं मसीह चे अंगा नु वेश्या चे अंग बणावे? कङी वी ना।

1 कुरिन्थियां 6:16

का तम्ही ना जाणा कि जको कुई वेश्या लारे संगति राखे ओ विचे लारे हेक तन हुती जाये? कांकि लिखले आले छै, “वे ङोनी हेको तन हुवे।”

1 कुरिन्थियां 6:19

का तम्ही ना जाणा कि तम्चे शरीर पवित्र आत्मा चा मन्दर छै जको तम्चे भीतर बसला आला छै ते तम्हानु नरीकारा चे तरफु मिड़ला आला छै? तम्हानु तम्चे उपर अधिकार कोनी।

1 कुरिन्थियां 6:4

अगर तम्हानु संसारिक बाता चा निर्णय करना हो, तां का वानु ब़िसाणा जको कलीसिया मां कहीं ना समझले जई?

2 तीमुथियुस 2:4

जिसे बेले कुई योद्धा लड़ाई उपर जाये वे, ते ऐवास्ते कि आपणी भरती करने आला नु खौश करो, आपणे आप नु संसारा चे कामा मां ना फसाओ।

2 तीमुथियुस 4:10

कांकि देमास ने ऐ संसारा नु प्यारा जाणती कर मनु छोड़ती ङिले, ते थिस्सलुनिके शहर सनु चाह्‍ला गेला, ते क्रेसकेंस गलातिया शहर सनु ते तीतुस दलमतिया शहर सनु चाह्‍ला गेला।

2 पतरस 2:4

कांकि नरीकारा ने वां स्वर्ग़दूता नु जेह्णे पाप करला नी छोड़ले, पर वानु पताल मां भेज़ती कर अन्धे कुण्डा मां नाखती ङिले कि न्यां चे ङिओ तक वे बन्द रिहो।

यहूदा 1:6

मैं तम्हानु ईं वी याद ङिवाणा चाहवे कि जिसा स्वर्ग़दूता ने आपणे पद्द नु मजबूत कोनी राखले बल्कि आपणी खौद्द ची रेहणे ची जग़हा नु छोड़ती ङिले, ते नरीकारा ने वानु वी ओ महान न्यां चे ङिओ चे वास्ते अन्धकार मां, जको सदा वास्ते छै, संगला मां ब़ांहती नाखले।