1 कुरिन्थियां 6:12 - ओङ राजपूत

¹² सारीया चीजा माये वास्ते वाजिब तां छी। पर सारीया चीजा फायदे चा कोनी। सारीया चीजा माये वास्ते वाजिब छी। पर मैं कुई बाते चे अधीन नी हुवी।

1 कुरिन्थियां 6:12 ပူးပေါင်းရင်းမြစ်များ

यूहन्‍ना 5:10

ऐवास्ते यहूदी नेते ओनु किहुं लाग़ले, “आज़ तां सब्त चा ङिओ छै, तनु खाट चवणी वाजिब कोनी।”

रोमियां 7:14

कांकि अम्ही जाणु कि व्यवस्था तां आत्मिक छै, पर मैं शरीरिक छै ते पाप चे हाथा मां बिकला आला छै।

1 कुरिन्थियां 8:4

तां मूर्तिया चे सामणे बलि करली हुलीया चीजा नु खाणे चे बारे मां अम्ही जाणु कि सारे संसारा मां किठी वी मूर्तिया नरीकार कोनी ते हेक चे अलावा नेरा कुई नरीकार कोनी छै।

1 कुरिन्थियां 9:12

अगर तम्ची आमदनी महु हेंस्सा गेहणा ङुजा चा अधिकार छै तां का अम्चा अधिकार वांचे कनु बधती कर कोनी? बल्ति वी अम्ही ऐ अधिकारा नु कामा मां कोनी गेले उल्टा अम्ही सब कोच्छ सब्रा लारे सेहते रेहले कि मसीह चे सुसमाचार चे प्रचार मां कुई रुकावट ना हो।

1 कुरिन्थियां 9:27

मैं आपणे शरीरा नु कष्ट ङिते हुले आपणे बसा मां राखे, इसड़े ना हो कि ङुजा नु तां उपदेश ङिये ते मैं खौद्द निक्‍कमा ठहरे।

2 थिस्सलुनीकियां 3:9

हा कोनी, कि अम्हानु अधिकार कोनी, पर ऐवास्ते कि आपणे आप नु तम्चे वास्ते नमुना बणावे, कि तम्ही अम्ची जिसड़ी चाल चला।

यहूदा 1:12

ईं मतलबी लौक तम्चे प्रेम-भोज मां तम्चे लारे खई-पी। वे नुकसान करने आली चट्टानी आलीकर छी जको समुन्दरा मां लुकलीया रिही। याहनु सेर्फ आपणे ही स्वार्थ ची ही चिन्ता रिहे। वे बिना पाणीया चे बदल छी, जानु हवा उङारती जाये। वे पतझड़ चे इसड़े पेड़ छी, जाये फल ना लाग़ी, ते जको ङोन वारी मरती चुकले ते ज़हड़े कनु उखड़ती चुकले।