1 कुरिन्थियां 5:7 - ओङ राजपूत

⁷ पुराणा खमीर काढ़ती कर आपणे आप नु शोद्ध करा कि नवें उसणले आले आट्टे बणती जावा जिंवे कि तम्ही अखमीरी छिवा। कांकि अम्चा वी फसह जको मसीह छै बलिदान हुला।

1 कुरिन्थियां 5:7 ပူးပေါင်းရင်းမြစ်များ

मत्ती 13:33

ईशु ने वानु हेक नेरी मिसाल सुणाली, “स्वर्ग़ा चा राज़ खमीरा आलीकर छै जानु कुई असतरी ने चती कर तीन पंसेरी आट्टे मां मिलाती ङिला ते हुते-हुते सारे आट्टे खमीर हुती गेले।”

मरकुस 14:12

अखमीरी रोटी चे तेंहवारा चे पेहले ङिओ, जाये मां वे फसह चा बलिदान करते, ओचे चैला ने ओकनु पूछले, “तु किठे चाहवी कि अम्ही जती कर दुधे वास्ते फसह खाणे ची तियारी करु?”

यूहन्‍ना 1:29

ङुजे ङिओ यूहन्‍ना ने ईशु नु आपणी तरफ आते ङेखती कर केहले, “ङेखा, ईं नरीकारा चे मेमणे छै, जको संसारा चे पापा नु चती चाह्‍ले जाये।

यूहन्‍ना 1:36

ते ओणे ईशु उपर जको जाये पलता ङेखती कर केहले, “ङेखा, ईं नरीकारा चे मेमणे छै।”

यूहन्‍ना 19:14

हा फसह ची तियारी चा ङिओ हुता, ते छेवें घण्टे चे लगभग हुता। तब ओणे यहूदिया नु केहले, “ङेखा तम्चा राजा।”

रोमियां 3:25

नरीकारा ने ईशु मसीह नु, ओचे मां विश्‍वास चे जरिये पापा कनु छुटाकारा ङिवाणे वास्ते लौका नु ङिला। ओणे ईं काम ईशु मसीह चे बलिदान चे रुप मां करले। इसड़े ईं पक्‍के करने वास्ते करले गेले कि नरीकार सहनशील छै। कांकि ओणे पेहले लौका नु वांचे पापा चा ङण्ड भुग़तणे बिना छोड़ती ङिले हुते।

1 कुरिन्थियां 10:17

ऐवास्ते, कि हेक ही रोटी छै तां अम्ही वी जको घणे छिऊं, हेक शरीर छिऊं, कांकि अम्ही सारे वे हेक रोटी मां भईवाल छिऊं।

1 कुरिन्थियां 5:13

ब़ाहरले लौका चा न्यां नरीकार करी, ऐवास्ते पवित्रशास्त्र मां लिखले पले, “ओ कुकर्मीया नु आपणे भीतरु काढ़ती छोड़ा।”

इफिसियां 4:22

कि तम्ही पेहले चाल-चलन चे पुराणे सुभाव नु जको भरमाणे आली लालसा चे अनुसार भ्रष्ट हुता जाये, उतारती नाखा।

प्रकाशितवाक्य 5:12

ते वे ऊंची अवाजी मां किही पलते, “बलि चढ़ाले हुले आले मैमणे ही सामर्थ ते धन ते ज्ञान ते ताकत ते आदर ते महिमा ते धन्यवाद चे लायक छै।”