1 कुरिन्थियां 5:5 - ओङ राजपूत

⁵ तां इसड़े इन्सान अम्चे प्रभु ईशु मसीह चे नांवा लारे, शरीरा चे नाश वास्ते शैतान नु सोंपला जाओ, कि ओची आत्मा प्रभु चे ङिओ मां उद्धार पाओ।

1 कुरिन्थियां 5:5 ပူးပေါင်းရင်းမြစ်များ

मत्ती 4:10

बल्ति ईशु ने केहले, “शैतान, दूर हुती जा! कांकि पवित्रशास्त्रा मां लिखले पले, ‘तु प्रभु आपणे नरीकारा नु प्रणाम कर, ते सेर्फ ओची ही उपासना कर।’ ”

लूका 22:31

“शमौन, हे शमौन! ङेख, शैताना ने तनु मांगती गेले कि कणकी आलीकर छंडको।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

1 कुरिन्थियां 11:32

पर प्रभु ङण्ड ङिती कर अम्हानु सुधारे ऐवास्ते कि अम्ही संसारा लारे दोषी ना ठहराले जऊं।

1 कुरिन्थियां 5:13

ब़ाहरले लौका चा न्यां नरीकार करी, ऐवास्ते पवित्रशास्त्र मां लिखले पले, “ओ कुकर्मीया नु आपणे भीतरु काढ़ती छोड़ा।”

2 कुरिन्थियां 10:6

तम्ची आज्ञाकारी ते सच्‍चाई ची भरपूरी साबित हुती जाणे उपर तां अम्ही सब नाफरमानी करने आले नु ङण्ड ङेणे वास्ते तियार छिऊं।

2 कुरिन्थियां 12:7

ते ऐवास्ते कि मैं प्रकाशना ची वजह कनु घणा घमण्ड ना करे, माये शरीरा मां हेक कांटा चुभाला गेला यानिकि शैताना चा हेक दूत मनु घूसे मारो ताकि मैं घमण्ड ना करे।

2 कुरिन्थियां 13:10

ऐह वजह कनु दूर हुते हुले वी मैं तम्हानु ईं सब लिखे पला, कि ओठे मौजुद हुवणे उपर मनु प्रभु चे जरिये ङिला गेला अधिकार चा प्रयोग कठोर भाव लारे ना करना पड़ो। ऐ अधिकार चा मकसद बढोतरी करनी छै, ना कि नाश करने कोनी।

फिलिप्पियां 1:6

मनु पूरा भरोसा छै कि ओ नरीकार जेह्णे तम्चे मां आच्छे काम शुरु करले ऊंही काम मसीह ईशु चे ङिओ तक नरीकार पुरे करी।

1 तीमुथियुस 1:20

वांचे महु हुमिनयुस ते सिकन्दर छी, मैं वानु शैताना नु सोंपती ङिले। कि वे नरीकारा ची निन्दा करने ना सिखो।

2 तीमुथियुस 1:18

प्रभु करो, कि आखरी ङिओ ओचे उपर प्रभु ची दया हो। ते जको-जको सेवा ओणे इफिसुस मां करली वानु वी तु आच्छी तरह जाणती गे।

2 पतरस 3:12

ते नरीकारा चे ओ ङिओ ची बाट ङेखणी चाही छै ते ओचे जल्दी आवणे वास्ते जत्तन करना चाही छै जिसी वजह कनु आसमान जाखते लारे पिघलती जई ते आसमाना चे तारागण ब़ोहत ही तपती कर गलती जाये।

1 यूहन्‍ना 5:16

अगर कुई आपणे भावां ते ब़ेहणीया नु इसड़ा पाप करते ङेखे, जाया नतीजा हमेशा ची मौत ना हो, ते ओनु आपणे भऊ ते ब़ेहणीया चे वास्ते प्राथना करनी चाही छै, ते नरीकार ओनु जीवन ङिही। मैं वांचे बारे मां बात करे पला जको वे इसड़े पाप करने मां लाग़ले आले छी, मैं वानु हमेशा ची मौत तक नी पुचावी। इसड़े पाप वी रिही, जाया नतीजा मौत छै। मैं तम्हानु इसड़े पापा चे वास्ते प्राथना करने वास्ते कोनी किहे पला।