1 कुरिन्थियां 5:4 - ओङ राजपूत

⁴ कि जिसे बेले तम्ही, ते माये मन, अम्चे प्रभु ईशु ची सामर्थ लारे भेले हुं,

1 कुरिन्थियां 5:4 ပူးပေါင်းရင်းမြစ်များ

मत्ती 16:19

मैं तनु स्वर्ग़ा चे राज़ चीया कुंजीया ङिही, ते जको कोच्छ तु धरती उपर ब़ांधे, ऊं स्वर्ग़ा मां ब़झी, ते जको कोच्छ तु धरती उपर खोले, ऊं स्वर्ग़ा मां खुली।”

मत्ती 18:20

कांकि जिठे ङोन जा तीन जणे माये नांवा उपर भेले हुवी, ओठे मैं वांचे बीच मां मौजुद रिहे।”

मत्ती 28:18

ईशु ने वांचे गोढु आती कर केहले, “स्वर्ग़ ते धरती चा सारा अधिकार मनु ङिला गेला।

मत्ती 28:20

ते वानु सारीया बाता जको मैं तम्हानु आज्ञा ङिली छै, मनणीया सिखावा। ते ङेखा, मैं दुनिया चे अन्त तक हमेशा तम्चे लारे छै।”

यूहन्‍ना 20:23

जाये पाप तम्ही माफ करा, वानु माफी मिली, ते जानु तम्ही माफ नी करा, वानु माफी नी मिली।”

प्रेरितां चे काम 16:18

वा घणा ङिहां तक यूंही करती रेहली आखरी मां पौलुस परेशान हुती गेला ते भांसु मुड़ती कर जको दुष्टात्मा विचे मां समाली हुती विनु केहले, “मैं तनु ईशु मसीह चे नांवा लारे आज्ञा ङिये पला।” कि यिचे महु निकलती जा ते वा दुष्टात्मा ओही बेले विचे महु ब़ाहरु निकलती गेली।

प्रेरितां चे काम 3:6

बल्ति पतरस ने केहले, “चान्दी ते सोने माये कनु छै कोनी, पर जको माये कनु छै ऊं मैं तनु ङिये पला। ईशु मसीह नासरी चे नांवा कनु टोर-फेर।”

प्रेरितां चे काम 4:30

ते चंगा करने वास्ते तु आपणा हाथ बधा कि चैन्ह ते अदभोत काम दुधे पवित्र सेवक ईशु चे नांवा लारे करले जाओ।”

2 कुरिन्थियां 13:10

ऐह वजह कनु दूर हुते हुले वी मैं तम्हानु ईं सब लिखे पला, कि ओठे मौजुद हुवणे उपर मनु प्रभु चे जरिये ङिला गेला अधिकार चा प्रयोग कठोर भाव लारे ना करना पड़ो। ऐ अधिकार चा मकसद बढोतरी करनी छै, ना कि नाश करने कोनी।

2 कुरिन्थियां 13:3

तम्ही तां ऐचा सबूत चाहवा कि मसीह माये मां ब़ोले। ओ तम्चे वास्ते कमजोर कोनी, पर तम्चे मां सामर्थी छै।

2 कुरिन्थियां 2:6

इसड़े जणे वास्ते हा ङण्ड जको तम्हा भावां महु घणा ने ङिला, ब़ोहत छै।

इफिसियां 5:20

ते सदा सारीया बाता चे वास्ते अम्चे प्रभु ईशु मसीह चे नांवा लारे नरीकार ब़ा चा धन्यवाद करते रिहा।

कुलुस्सियां 3:17

वचना मां जा कामा मां जको कोच्छ वी करा सब प्रभु ईशु चे नांवा लारे करा, ते ओचे जरिये नरीकार ब़ा चा धन्यवाद करा।

2 थिस्सलुनीकियां 3:6

ते ओ माये भऊ ते ब़ेहणीया, अम्ही तम्हानु आपणे प्रभु ईशु मसीह चे नांवा कनु आज्ञा ङिऊं पले, कि हर हेक इसड़े भावां कनु अलग़ रिहो, जको आलसी छी, ते जको शिक्षा ओणे अम्हा कनु गेहली विचे अनुसार ना चलता हो।