1 कुरिन्थियां 5:11 - ओङ राजपूत

¹¹ माये केहणे ईं छै कि तम्चे इसड़े कुई विश्‍वासीया लारे जको व्यभिचारी, जा लोभी, जा मूर्तिपूजक, जा गाली काढ़णे आले, जा पियक्‍कड़, जा ठग़्ग़ हो तां ओचे लारे संगति ना करजा, बल्कि इसड़े इन्साना लारे खाणे वी ना खाजा।

1 कुरिन्थियां 5:11 ပူးပေါင်းရင်းမြစ်များ

मत्ती 18:17

अगर ओ वांची वी ना मनी ते कलीसिया नु केहती ङे, अगर वे कलीसिया ची वी ना मनी, ते ओनु तु नेरीया जातिया आलीकर, ते चुंगी गेहणे आले जिसड़े जाण।

मत्ती 23:25

“हे कप्पटी शास्त्री ते फरीसी, तम्चे उपर हाय! तम्ही मुंगर ते थाली नु उपर-उपर कनु तां मांझा पर वे भीतर अन्धेर ते असंयम लारे भरले आले छी।

लूका 18:11

फरीसी खड़ा हुती कर आपणे मना मां यूं प्राथना करु लाग़ला, ‘हे नरीकार, मैं दुधा धन्यवाद करे पला, कि मैं नेरा बन्दा आलीकर अन्धेर करने आला, अन्यायी ते व्यभिचारी कोनी, ते ना ऐ चुंगी गेहणे आले चे बराबर छै।

लूका 21:34

“ऐवास्ते चौकस रेहजा, कङी इसड़े ना हो कि तम्चे मन हठीले, ते नशेबाज, ते ऐ जीवना ची चिन्ता लारे सुस्त हुती जाये, ते वे ङिहें तम्चे उपर फन्दे चे समान अचानक आती पड़ो।

प्रेरितां चे काम 1:15

वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

प्रेरितां चे काम 9:17

तब हनन्याह ऊठती कर ओ घरा मां गेला, ते ओचे उपर आपणा हाथ मेहलती कर केहले, “हे भऊ शाऊल, प्रभु, यानिकि ईशु, जको ओ मार्ग़ा मां, जिसे मां तु आला, तनु ङिसला हुता, ओणे ही मनु भेज़ले, कि तु बल्ति कनु ङेखु लाग़ ते पवित्र आत्मा लारे भरीती जाये।”

रोमियां 13:13

जिंवे ङिहां मां अम्ही रिहुं वी, यूंही अम्हानु सिधी चाल चलणी चाही छै, ना कि लीलाक्रीड़ा, ते पियक्‍कड़पन, ना व्यभिचार, ते लोचपण मां, ते ना ही झग़ड़े ते ईर्ष्या मां लाग़ले रिहा।

रोमियां 16:17

हमा हे माये भऊ, मैं तम्चे कनु बिनती करे पला, कि जको लौक वे शिक्षा चे विपरीत, जको तम्ही गेहली, फूट नाखणे, ते ठोकर ङिवाणे ची वजह बणी, ते वानु भांपती गेहले करा ते वाकनु दूर रेहले करा।

1 कुरिन्थियां 10:14

ऐवास्ते, हे माये प्यारे, तम्ही मूर्तिपूजा कनु बचले रिहा।

1 कुरिन्थियां 11:21

कांकि खाणे चे बेले हेके ङुजे कनु पेहले आपणे खाणे खाती गिही तब कुई भुक्‍के रेहती जाये ते कुई पीती कर मतवाले हुती जाये।

1 कुरिन्थियां 5:13

ब़ाहरले लौका चा न्यां नरीकार करी, ऐवास्ते पवित्रशास्त्र मां लिखले पले, “ओ कुकर्मीया नु आपणे भीतरु काढ़ती छोड़ा।”

1 कुरिन्थियां 6:10

ना चोर, ना लोभी, ना शराबी, ना चुग़लखौर, ना ठग़्ग़ी करने आले नरीकारा चे राज़ चे वारिस नी हुवे।

1 कुरिन्थियां 6:6

पर इठे तां भऊ भावां मां मुकदमा हुवे ते ओ वी अविश्‍वासीया चे सामणे।

1 कुरिन्थियां 6:9

का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्‍का ना खावा, ना वेश्यागामी, ना मूर्तिपूजक, ना परअसतरी गामी, ना लुच्‍चे, ना पुरुषगामी,

1 कुरिन्थियां 7:12

ङुजा नु प्रभु ना पर मैं ही किहे पला अगर कुई विश्‍वासी भावां ची घराआली विश्‍वास ना करती हो ते ओचे लारे रेहणे वास्ते खौश हो तां ओ विनु ना छोड़ो।

1 कुरिन्थियां 7:15

पर जको मर्द विश्‍वास ना करी, अगर ओ अलग़ हो तां अलग़ हुं ङिया। इसड़ी दशा मां कुई भऊ जा ब़ेहण ब़झले आले कोनी पर नरीकारा ने तां अम्हानु मेल-मिलाप वास्ते हकारले छै।

1 कुरिन्थियां 8:11

ऐचे मां तम्चे ज्ञानी हुवणे ओचे नाश ची वजह हुती गेली, जाये वास्ते मसीह ईशु ने आपणी जान ङिली।

गलातियां 2:12

ऐवास्ते कि याकूब चे तरफु आवणे आले लौक, जको चाहते हुते कि नेरीया जातिया चा खतना हुवणा चाही छै, कांकि पतरस नेरीया जातिया लारे खाता-पीता हुता, पर खतना करले आले लौका चे सामणे ङरु लाग़ला, ते भांसु हटती गेला ते किनारा करु लाग़ला।

इफिसियां 5:18

दारु पीती कर मतवाले ना बणा, कांकि ऐचे लारे लोचपण हुवे, ऐकनु दूर रिहा, ते पवित्र आत्मा लारे भरीते जावा,

इफिसियां 5:5

कांकि तम्ही हा जाणा कि इसड़ा कुई वी बन्दे जको व्यभिचारी छै ते अशुद्ध, जा लालच, लालची बन्दे जको मूर्ति पुज़ा करने आले चे बराबर छै, मसीह ते नरीकारा चे राज़ मां ना जा सग़ी,

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

2 थिस्सलुनीकियां 3:14

अगर कुई अम्ची ऐ चिठ्ठी ची बाते नु ना मनी, ते ओचे उपर नजर राखा, ते ओची संगति ना करा, जाये कनु ओ शर्मिन्दा हो,

2 थिस्सलुनीकियां 3:6

ते ओ माये भऊ ते ब़ेहणीया, अम्ही तम्हानु आपणे प्रभु ईशु मसीह चे नांवा कनु आज्ञा ङिऊं पले, कि हर हेक इसड़े भावां कनु अलग़ रिहो, जको आलसी छी, ते जको शिक्षा ओणे अम्हा कनु गेहली विचे अनुसार ना चलता हो।

1 तीमुथियुस 3:3

पीणे आला ते मारपीट करने आला ना हो, बल्कि ओ तां दयालु ते शान्ति लारे रेहणे आला नर्म हो, ते ना लालची हो।

1 तीमुथियुस 6:5

ते वा बन्दा मां बेकार मां लड़ाई झग़ड़े पैदा हुवी, जाई ब़ुध्दि बिगड़ती गेली, ते वे सच्‍चाई कनु दूर हटती गेले, जको समझी कि भग़ती कमाई चा मार्ग़ छै।

2 यूहन्‍ना 1:10

अगर कुई बन्दे तम्चे गोढु आवे ते सच्‍ची शिक्षा ना ङी, ओनु ना तां घरा मां आऊं ङिया ते ना नमस्कार करा।

प्रकाशितवाक्य 2:14

पर मनु दुधे विरोध मां कोच्छ बाता केहणीया, कांकि दुधे इठे कोच्छ इसड़े छी, जको बिलाम ची शिक्षा नु मनी, जेह्णे बालाक नु इस्राएलीया चे आग़ु ठोकर ची वजह राखणे सिखाले कि वे मूर्तिया उपर चढ़ालीया गेलीया चीजा खाओ, ते व्यभिचार करो।

प्रकाशितवाक्य 2:20

पर मनु दुधे विरोध ईं केहणे कि तु वे असतरी इजेबेल नु रिहुं ङी, जको आपणे आप नु भविष्यवक्‍तनी किहे, ते माये दासा नु व्यभिचार करने ते मूर्तिया चे आग़ु चढ़ालीया गेलीया चीजा खाणे सिखाती कर भरमाती ङिये।

प्रकाशितवाक्य 21:8

पर कायर, ते अविश्‍वासी, ते घिनौने, ते हत्यारे, ते व्यभिचारी, ते जादू-टूणे करने आले, ते मूर्तिपूजक, ते सारे कूड़ मारणे आला चा हेंस्सा वे झीली मां मिली, जको जाखते ते गन्धक लारे ब़लती रिहे, हा ङुजी मौत छै।”

प्रकाशितवाक्य 22:15

ये कुत्ती कामे, जादू-टूणे करने आले, ते व्यभिचारी, ते हत्यारे, ते मूर्तिपूजक, ते कूड़ा उपर टुरणे आले, ते कूड़ लारे प्रेम राखणे आले, ब़ाहरु पले रिहे।