1 कुरिन्थियां 5:1 - ओङ राजपूत

¹ इठे तक सुणने मां आवे पले, कि तम्चे मां व्यभिचार हुवे पला, असल मां इसड़ा व्यभिचार जको नेरीया जातिया मां ना हुवी, कि हेक मर्द आपणी मतरेई आई नु राखती गिहे।

1 कुरिन्थियां 5:1 ပူးပေါင်းရင်းမြစ်များ

प्रेरितां चे काम 15:20

पर वानु लिखती भेज़ा कि, मूर्तिया उपर चढ़ले आले खाणे तम्हानु नी खाणे चाही छै। ते आपणे आप नु व्यभिचार कनु बचाली राखा। गिच्‍ची घुटले आली मवेशी चा मांस खाणे कनु दूर रिहो ते वांचे लुहीं ना पीयो।

प्रेरितां चे काम 15:29

मूर्तिया उपर चढ़ले आले खाणे तम्हानु नी खाणे चाही छै। ते आपणे आप नु व्यभिचार कनु बचाली राखा। गिच्‍ची घुटले आली मवेशी चा मांस खाणे कनु दूर रिहो ते वांचे लुहीं ना पीयो। यां बाता कनु दूर रिहा तां तम्चे भले हुवी। नरीकार तम्चे भले करो।”

1 कुरिन्थियां 1:11

कांकि हे माये भऊ, खलोए चे घराणे चे कोच्छ लौका ने मनु तम्चे बारे बावड़ले कि तम्चे मां झग़ड़े हुवी पले।

1 कुरिन्थियां 5:11

माये केहणे ईं छै कि तम्चे इसड़े कुई विश्‍वासीया लारे जको व्यभिचारी, जा लोभी, जा मूर्तिपूजक, जा गाली काढ़णे आले, जा पियक्‍कड़, जा ठग़्ग़ हो तां ओचे लारे संगति ना करजा, बल्कि इसड़े इन्साना लारे खाणे वी ना खाजा।

1 कुरिन्थियां 6:13

खाणे ढिड्डा वास्ते ते ढेड्ड खाणे वास्ते छै। पर नरीकार यां ङुंहु नु नाश करी। शरीर व्यभिचार वास्ते कोनी, बल्कि प्रभु वास्ते छै ते प्रभु शरीरा वास्ते छै।

1 कुरिन्थियां 6:18

व्यभिचार कनु बचले रिहा। ङुजे सारे पाप इन्सान करे वे शरीरा चे ब़ाहर छी, पर व्यभिचार करने आले आपणे ही शरीरा चे खिलाप पाप करे।

1 कुरिन्थियां 6:9

का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्‍का ना खावा, ना वेश्यागामी, ना मूर्तिपूजक, ना परअसतरी गामी, ना लुच्‍चे, ना पुरुषगामी,

2 कुरिन्थियां 12:21

ते कङी इसड़े ना हो कि जिसे बेले मैं पुठा आवे, माया नरीकार माई बेइज्जती करो ते मनु घणा वास्ते बल्ति कनु ङोख चवणा पड़ो, जेह्णे पेहले पाप करला हुता, ते वे गन्दी कामे, ते व्यभिचार, ते लोचपण कनु, जको वाणे करले मन कोनी फिराले।

2 कुरिन्थियां 2:5

ते अगर किह्णी मनु उदास करले छै, तां वी मैं ओचे लारे घणी सख्ताई ना करी कांकि ओणे मनु ही कोनी बल्कि कोच्छ-कोच्छ तम्हानु सब नु वी उदास करले।

2 कुरिन्थियां 7:12

बल्ति मैं जको तम्चे वास्ते चिठ्ठी लिखली हुती, वा ना ऐवास्ते लिखली, जेह्णे अन्याय करला, ते ना ओची वजह कनु जाये उपर अन्याय करला गेला, पर ऐवास्ते कि तम्ची चिन्ता जको अम्चे वास्ते छै, वा नरीकारा चे सामणे तम्चे उपर उजागर हुती जाओ।

गलातियां 5:19

शरीरा चे काम तां उजागर छै, हराम काम, गन्दे काम, लोचपण,

इफिसियां 5:3

जिंवे नरीकारा चे पवित्र लौका चे योग्य छै, यूंही तम्चे मां व्यभिचार ते किसी तरह चे अशुद्ध काम जा लोभ ची चर्चा तक ना हो।

कुलुस्सियां 3:5

ऐवास्ते आपणे-आपणे अंगा नु मारती नाखा, जको धरती उपर छी, यानि गन्दे काम अपवित्र, बुरी इच्छा, गन्दी आदत, लोभ जको मूर्ति चे बराबर छै।

1 थिस्सलुनीकियां 4:7

कांकि नरीकारा ने अम्हानु अशुद्ध हुवणे वास्ते कोनी, पर पवित्र हुवणे वास्ते हकारले।

प्रकाशितवाक्य 2:21

मैं विनु मन फिरावणे वास्ते मौका ङिला, पर वा आपणे व्यभिचार कनु मन फिरावणे ना चाहवी।

प्रकाशितवाक्य 21:8

पर कायर, ते अविश्‍वासी, ते घिनौने, ते हत्यारे, ते व्यभिचारी, ते जादू-टूणे करने आले, ते मूर्तिपूजक, ते सारे कूड़ मारणे आला चा हेंस्सा वे झीली मां मिली, जको जाखते ते गन्धक लारे ब़लती रिहे, हा ङुजी मौत छै।”