1 कुरिन्थियां 4:8 - ओङ राजपूत

⁸ तम्ही तां ईं सोचती कर ही सन्तुष्ट हुती गेले कि तम्ची सारी जरुरता ची पूर्ति हुती चुकली, तम्ही भरपूर हुती गेले, अम्चे सहायता चे बिना ही तम्ही राजे बणती गेले। आच्छे तां ईं हुवीया कि तम्ही वास्तव मां राजे बणती जावा हा ते अम्ही वी तम्चे लारे राज़ करु हा।

1 कुरिन्थियां 4:8 ပူးပေါင်းရင်းမြစ်များ

मत्ती 5:1

ईशु भीड़ नु ङेखती कर पहाड़ा उपर चढ़ती कर ब़ेसती रेहला ते ओचे चैले ओचे गोढु आले।

लूका 6:25

पर हाय तम्हा उपर, जको तम्ही हमा रज़े छिवा, कांकि भुक्‍के हुवा। हाय तम्हा उपर, जको तम्ही हमा हस्सा पले, कांकि तम्ही ङोख मनावा ते रोवा।

प्रेरितां चे काम 26:29

बल्ति पौलुस ने केहले कि, “नरीकारा कनु माई हा प्राथना छै कि का थोड़े मां, का घणे मां, सेर्फ तु ही कोनी, पर जितने लौक आज़ माई बाते नु सुणी पली, सिवाय यां हथकड़ीया नु छोड़ती कर, वे माई आलीकर हुती जाओ।”

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

1 कुरिन्थियां 1:5

कांकि ओचे मां हुती कर तम्ही हर बाते मां यानि ब़ोलणे ते सारे ज्ञान मां मजबूत करले गेले,

1 कुरिन्थियां 4:18

तम्चे महु कोच्छ तां अंहकार मां फुंडले ना समावी मना ओठे मैं आवा ही ना।

1 कुरिन्थियां 5:6

तम्चे घमण्ड करने ठीक कोनी। का तम्ही ना जाणा कि थोड़ा जा खमीर पुरे उसणले आले आट्टे नु खमीर करती ङिये?

2 कुरिन्थियां 11:1

मैं चाहवे कि तम्ही माई थोड़ी जा मूर्खता सहन करती गिहा, जिंवे वास्तव मां तम्ही ऐ समय मां सहन वी करा पले।

2 कुरिन्थियां 13:9

जिसे बेले अम्ही कमजोर छिऊं ते तम्ही ताकतवार छिवा, तां अम्ही खौश हुं। ते हा प्राथना वी करु कि तम्ही सेद्ध हुती जावा।

गलातियां 6:3

कांकि अगर कुई आपणे आप नु कहीं समझे, ते ऊं कहीं वी कोनी छै, तु ऊं आपणे आप नु धोक्‍का ङिये

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 2:12

ऐवास्ते हे प्यारे, तम्ही जिंवे माई आज्ञा चा पालन करते जिसे बेले मैं तम्चे लारे हुता हमा जबकि मैं तम्चे लारे कोनी, तां हमा तम्ही होर ज्यादा लगन लारे वांचा पालन करा। नरीकारा चे प्रति आज्ञाकारी ते पुरे कद्दर-भाव लारे आपणे उद्धार नु पूरा करने वास्ते तम्ही काम करते जावा।

प्रकाशितवाक्य 3:17

तु जको किही ‘मैं, धन्‍नी छै, ते धनवान हुती गेला, ते मनु कुई चीजी ची कमी कोनी।’ ते ईं ना जाणी कि बेकिस्मता ते तोच्छ ते कंगाल ते अन्धा ते उघाड़ा छी।

प्रकाशितवाक्य 5:10

ते वानु अम्चे नरीकारा वास्ते हेक राज़ ते याजक बणाला। वे धरती उपर राज़ करी।”