1 कुरिन्थियां 4:6 - ओङ राजपूत

⁶ हे माये भऊ, मैं यां बाता मां तम्चे वास्ते आपणी ते अपुल्‍लोस ची चर्चा मिसाल चे तौर उपर करली, ऐवास्ते कि तम्ही अम्चे जरिये ईं सिखा कि, “लिखले आले कनु आग़ु ना बधजा,” तां हेके चे पक्ष मां ते ङुजे चे विरोध मां गर्व ना करजा।

1 कुरिन्थियां 4:6 ပူးပေါင်းရင်းမြစ်များ

प्रेरितां चे काम 18:24

अपुल्‍लोस नांवा चा हेक यहूदी जाया जनम सिकन्दरिया मां हुला तां जको विद्वान मर्द हुता ते जानु पवित्रशास्त्र चा बङा ज्ञान हुता। ओ इफिसुस मां आला।

प्रेरितां चे काम 19:1

जिसे बेले अपुल्‍लोस कुरिन्थुस शहर मां हुता, ते पौलुस सारे प्रदेसा महु हुती कर इफिसुस शहर मां आला ते ओठे कोच्छ चैले मिड़ले।

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

1 कुरिन्थियां 1:12

माये केहणे चा मतलब हा छै कि तम्ची हर-हेक ची मत्त अलग़ छै, कुई किहे, “मैं पौलुस चा चैला छै,” ते कुई किहे, “मैं अपुल्‍लोस चा,” ते कुई, “मैं पतरस चा,” ते कुई किहे, “मैं मसीह चा चैला छै।”

1 कुरिन्थियां 1:19

कांकि पवित्रशास्त्रा मां लिखले आले छै, “मैं ज्ञानवाना चे ज्ञान नु नाश करती नाखी, ते समझदारा ची समझी नु तोच्छ करती नाखी।”

1 कुरिन्थियां 1:31

कि जिंवे पवित्रशास्त्र मां लिखले पले, उसड़े ही हो, “जको घमण्ड करो ऊं प्रभु उपर घमण्ड करो।”

1 कुरिन्थियां 13:4

प्रेम सब्रा आला छै, प्रेम कृपा करने आला छै, प्रेम जलन ना राखी, प्रेम आपणी बढ़ाई ना करी, ते घमण्ड ना करी।

1 कुरिन्थियां 3:19

कांकि सच्‍च ईं छै कि संसारिक ज्ञान नरीकारा ची नजरी मां मूर्खता छै, जिंवे पवित्रशास्त्रा मां लिखले पले, “नरीकार ज्ञानीया नु वांची चतराई मां फसाती नाखे।”

1 कुरिन्थियां 3:21

ऐवास्ते लौका चे कामा उपर गर्व ना करो, कांकि सब कोच्छ तम्ची भलाई वास्ते ही छै।

1 कुरिन्थियां 5:2

ते तम्ही अरमान तां ना करा, जाये कनु इसड़े काम करने आला तम्चे महु काढ़ला जईया, पर घमण्ड करा।

1 कुरिन्थियां 5:6

तम्चे घमण्ड करने ठीक कोनी। का तम्ही ना जाणा कि थोड़ा जा खमीर पुरे उसणले आले आट्टे नु खमीर करती ङिये?

1 कुरिन्थियां 8:1

हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

1 कुरिन्थियां 9:23

ते मैं सब कोच्छ सुसमाचार वास्ते करे कि मैं ऐचे मां नेरा लारे वांचा भईवाल हुती जाये।

2 कुरिन्थियां 10:12

कांकि अम्ची हा हिम्मत कोनी कि अम्ही आपणे आप नु वांचे लारे तुलना करु, जको आपणी तारीफ करी, आपणे आप नु आपस मां नापती तोलती कर मूर्ख बणती जई।

2 कुरिन्थियां 10:15

ते अम्ही हद्दी चे ब़ाहरु नेरा ची मेहनती पर घमण्ड ना करु। पर अम्हानु आस छै कि जिंवे-जिंवे तम्चा विश्‍वास बधता जई यूं-यूं अम्ही आपणी हद्दी चे अनुसार तम्ची वजह कनु होर वी बधते जऊं,

2 कुरिन्थियां 10:7

तम्ही यां बाता नु ङेखा, जको आंखी चे सामणे छी। अगर कानु आपणे खौद्द चे उपर हा भरोसा छै कि, “मैं मसीह चा छै,” ते ओ ईं वी जाणती गिहो कि, जिंवे ओ मसीह चा छै, यूंही अम्ही वी मसीह चे छिऊं।

2 कुरिन्थियां 11:4

कांकि अगर कुई तम्चे गोढु आती कर जिसे ईशु चा सुसमाचार अम्ही तम्हानु सुणाला, ओचे अलावा कुई ङुजे ईशु चा सुसमाचार सुणावे, जा जको आत्मा तम्हानु मिड़ला, ओचे कनु अलग़ कुई नेरी आत्मा नु ग्रहण करा तां तम्ही छुटकारे चे समाचार नु कोनी अपनाले, ओचे कनु अलग़ कुई ङुजे समाचार नु अपनावा तां तम्ही बङी आसानी लारे वानु अपनाती गिहा।

2 कुरिन्थियां 12:19

तम्ही हालि तक समझते पले वा, कि अम्ही तम्चे सामणे सफाई ङिऊं पले। इसड़े कोनी। अम्ही तां नरीकारा नु मौजुद जाणती कर मसीह मां ब़ोलु। ते हे प्यारे, जको कोच्छ अम्ही किहुं ते करु ऊं तम्ची बढ़ोतरी वास्ते ही किहुं।

2 कुरिन्थियां 12:20

कांकि मनु ङर छै कि, कङी इसड़े ना हो कि, मैं आती कर जिसड़े चाहवे, उसड़े तम्ही ना लाभा, ते मनु वी जिसड़े तम्ही ना चाहवा उसड़े ही ङेखा कि, तम्चे मां झग़ड़ा, डाह, गुस्सा, विरोध, ईर्ष्या, चुग़ली, अंहकार ते व्यवस्था ठीक ना हो।

2 कुरिन्थियां 12:6

अगर मैं घमण्ड करने चाहवे वी तां मूर्ख नी बणी, कांकि सच्‍च ब़ोली, तां वी रुकती जाये, इसड़े ना हो कि, जिसड़े कुई मनु ङेखे, जा ते बल्ति माये कनु सुणे, मनु ओचे कनु बढ़ती कर समझे।

2 कुरिन्थियां 4:15

सब कोच्छ तम्ची भलाई वास्ते हुवे पले कि अनुग्रह ब़ोहत लौका कनु पुज़ो, ते यांचे जरिये नरीकारा ची महिमा वास्ते धन्यवाद ची प्राथना बधती जाये।

कुलुस्सियां 2:18

कुई बन्दे दीनता चा ङिखावा करती स्वर्ग़दूता ची पुज़ा करती तम्हानु बेवकूफ ना बणाओ, तम्ची द्रोड़ने चे प्रतिफल कनु दूर ना करो। इसड़े बन्दे ङेखली आलीया बाता मां लाग़ले रिहे ते आपणे शरीरिक समझ उपर बेकार मां फुंडे।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।