1 कुरिन्थियां 3:18 - ओङ राजपूत

¹⁸ कुई आपणे आप नु धोक्‍का ना ङियो। अगर तम्चे महु कुई ऐ संसारा मां आपणे आप नु ज्ञानी समझे, तां मूर्ख बणो कि ज्ञानी हुती जाओ।

1 कुरिन्थियां 3:18 ပူးပေါင်းရင်းမြစ်များ

मत्ती 13:22

जको झाड़ीया मां राहले गेले, ईं ऊंही बीज छै, जको वचना नु सुणे, पर ऐ संसारा ची चिन्ता ते धन चा धोक्‍का वचना नु दब़ाती नाखे, ते ऊं फल ना आणी।

मत्ती 18:4

जको कुई आपणे आप नु ऐ ब़ाला आलीकर छोटे करी, ऊं स्वर्ग़ा चे राज़ मां बङे हुवी।

मरकुस 10:15

मैं तम्हानु सच्‍च किहे जको कुई नरीकारा चे राज़ नु ब़ाला आलीकर स्वीकार नी करी, ओ ओचे मां कङी ना जा सग़ी।”

लूका 18:17

मैं तम्हानु सच्‍च किहे पला कि जको कुई नरीकारा चे राज़ नु ब़ाला आलीकर स्वीकार नी करी ओ ओचे मां कङी ना जा सग़ी।”

लूका 21:8

ओणे केहले, “चौकस रिहा, कुई तम्हानु भरमा ना सग़ो, कांकि ब़ोहत से माये नांवा लारे आती कर किहे, ‘मैं ओही छै,’ ते ईं वी कि, ‘समय गोढु आती पुज़ला!’ तम्ही वांचे भांसु ना चाह्‍ले जजा।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

रोमियां 12:16

आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

1 कुरिन्थियां 15:33

धोक्‍के मां ना रिहा। बुरी संगति आच्छे चरित्र नु बिगाड़ती ङिये।

1 कुरिन्थियां 3:17

अगर कुई नरीकारा चे मन्दरा नु नाश करी, तां नरीकार ओनु नाश करी, कांकि नरीकारा चा मन्दर पवित्र छै, ते ओह तम्ही छिवा।

1 कुरिन्थियां 4:10

अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये।

1 कुरिन्थियां 6:9

का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्‍का ना खावा, ना वेश्यागामी, ना मूर्तिपूजक, ना परअसतरी गामी, ना लुच्‍चे, ना पुरुषगामी,

गलातियां 6:3

कांकि अगर कुई आपणे आप नु कहीं समझे, ते ऊं कहीं वी कोनी छै, तु ऊं आपणे आप नु धोक्‍का ङिये

गलातियां 6:7

आपणे नु धोक्‍का ना ङिया, नरीकारा नु कुई वी मूर्ख ना बणा सग़ी जको जिसड़ा राहवी उसड़ा बाढी

इफिसियां 5:6

कुई तम्हानु फालतु बाता मां धोक्‍का ना ङियो, कांकि जा कामा ची वजह कनु नरीकारा चा गुस्सा आज्ञा ना मनणे आले बन्दा उपर रिहे,

2 तीमुथियुस 3:13

पर दुष्ट, ते बहकाणे आले धोक्‍का ङिते हुले, बिगड़ते हुले चाह्‍ले जाये।

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

याकूब 1:22

पर वचना उपर चलणे आले बणा, ते सेर्फ सुणने आले ही ना जको आपणे आप नु धोक्‍का ङी।

याकूब 1:26

अगर कुई आपणे आप नु भग़त समझे, ते आपणी जुबानी उपर लगाम ना ङी, तां ओ आपणे आप नु धोक्‍का ङिये, ओची भग़ती बेकार छै।

1 यूहन्‍ना 1:8

अगर अम्ही किहुं कि अम्चे मां कहीं पाप कोनी, तां आपणे आप नु धोक्‍का ङिऊं, ते अम्चे मां सच्‍चाई कोनी।