1 कुरिन्थियां 3:13 - ओङ राजपूत

¹³ तां हर-हेक चे काम प्रकट हुती जई, कांकि ओ न्यां चा ङिओ ओनु बावड़ी, ऐवास्ते कि जाखते लारे प्रकट हुवी ते ऊं जाखते हर-हेक चे कामा नु परखी कि किसड़े छै।

1 कुरिन्थियां 3:13 ပူးပေါင်းရင်းမြစ်များ

मत्ती 10:15

मैं तम्हानु सच्‍च किहे पला कि न्यां चे ङिओ, ओ शहरा ची दशा कनु सदोम ते अमोरा चे देशा ची दशा घणी सेहणे चे लायक हुवी।

मत्ती 16:27

मैं इन्साना चा पूत, स्वर्ग़दूता लारे आपणे ब़ा नरीकारा ची महिमा मां आवी, ओ समय उपर, हर हेक नु ओचे कामा चे अनुसार प्रतिफल ङिही।

लूका 2:35

बल्कि दुधे प्राण वी तलवारी लारे वार पार छिदती जाये, ऐचे लारे ब़ोहत दिला चे विचार प्रकट हुवे। ”

रोमियां 2:16

ईं सब ओ ङिओ स्पष्ट हुती जई, जिसे ङिओ नरीकार सुसमाचार चे अनुसार जको मैं सुणावे, ईशु मसीह चे जरिये इन्साना ची गुप्त बाता चा न्यां करी।

रोमियां 2:5

पर आपणी कठोरता ते हठीले मन चे अनुसार, ओचे क्रोध चे ङिओ वास्ते, जाये मां नरीकारा चा सच्‍चा न्यां प्रकट हुवी, आपणे वास्ते क्रोध कमावी पला।

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

1 कुरिन्थियां 3:12

ते अगर कुई ये नीम चे उपर सोने जा चान्दी जा बेशकीमती पत्थर जा लाकड़ी जा पूला ची कखे जा खड़ मेहले,

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 1:18

प्रभु करो, कि आखरी ङिओ ओचे उपर प्रभु ची दया हो। ते जको-जको सेवा ओणे इफिसुस मां करली वानु वी तु आच्छी तरह जाणती गे।

2 तीमुथियुस 3:9

पर वे ऐचे कनु आग़ु ना बढ़ सग़ी, कांकि जिंवे यन्‍नेस ते यम्ब्रेस ची अज्ञानता सारा बन्दा उपर प्रकट हुती गेलती, यूंही यांची वी हुती जई।

2 तीमुथियुस 4:8

भविष्य मां माये वास्ते धर्म चा ओ मुग़ट जको स्वर्ग़ मां पला ला, जानु प्रभु, जको धर्मी छी ते न्यांयी छी, मनु ओ ङिओ ङिही, ते मनु ही ना, बल्कि वा सारा नु वी, जको ओचे प्रकट हुवणे नु प्यारे जाणे।

इब्रानियां 10:25

ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

1 पतरस 1:7

ईं ऐवास्ते हुले कि तम्चा परखला आला विश्‍वास जको जाखते मां नाशवान सोने कनु वी घणा कीमती छै, जिसे बेले ईशु मसीह उजागर हुवी, नरीकारा कनु तम्हानु प्रशंसा, महिमा ते कद्दर मिलो।

1 पतरस 4:12

हे प्यारे दोस्त, जको ङोख तम्हानु परखणे चे वास्ते जाखते चे लारे ङिला जई, ओचे कनु हा समझती कर अचम्भा ना करा कि कुई अनोखी बात तम्चे उपर बीते पली।

2 पतरस 3:10

पर प्रभु चा ङिओ चोरा आलीकर आती जई। ओ ङिओ आसमान बङी हड़बड़ाहट ची अवाजी लारे जता रिही ते सारीया चीजा तपती कर पिघलती जाये ते धरती ते विचे उपर चे सारे काम ब़लती जाये।

2 पतरस 3:7

पर ऐ समय चा आसमान ते धरती ओह वचना चे जरिये ऐवास्ते राखले गेले कि ब़ाड़ले जाओ ते अधर्मी बन्दा चा न्यां ते नाश हुवणे चे ङिओ तक यूंही मेहले रिहे।

प्रकाशितवाक्य 20:12

बल्ति मैं छोटे बङे सब मरला आला नु सिंहासन चे सामणे भिले आले ङेखले, ते किताबा खोड़लीया गेलीया, ते बल्ति हेक नेरी किताब खोड़ली गेली, यानि “जीवन ची किताब” ते जिंवे वां किताबा मां लिखले आले हुते, यूंही वांचे कामा चे अनुसार मरला आला चा न्यां करला गेला।