1 कुरिन्थियां 3:10 - ओङ राजपूत

¹⁰ नरीकारा चे ओ अनुग्रह चे अनुसार मैं ब़ुध्दिमान मिस्त्रीया आलीकर नीम घाली ते ङुजे ने ओचे उपर रद्दा मेहले पला, पर हर हेक इन्सान चौकस रिहो, कि ओ ओचे उपर किसड़ा रद्दा मेहले पला।

1 कुरिन्थियां 3:10 ပူးပေါင်းရင်းမြစ်များ

मत्ती 24:45

“तां ओ भरोसेमन्द ते ब़ुध्दिमान दास कूण छै जाया मालिक ओनु आपणे नौकरा चाकरा उपर सरदार बणाओ कि समय उपर वानु खाणे ङियो?

मत्ती 7:24

“ऐवास्ते जको कुई माया ये बाता सुणती कर मने, ऊं ओ समझदार इन्सान आलीकर हुवी जेह्णे आपणे घर चट्टान चे उपर बणाले।

लूका 11:35

ऐवास्ते चौकस रिहा, कि जको सोज़ले दुधे मां छै, ऊं अन्धारे ना हुती जाओ,

लूका 21:8

ओणे केहले, “चौकस रिहा, कुई तम्हानु भरमा ना सग़ो, कांकि ब़ोहत से माये नांवा लारे आती कर किहे, ‘मैं ओही छै,’ ते ईं वी कि, ‘समय गोढु आती पुज़ला!’ तम्ही वांचे भांसु ना चाह्‍ले जजा।

प्रेरितां चे काम 18:27

जिसे बेले अपुल्‍लोस ने अखाया प्रदेस सनु जाणे चाह्‍ले, ते विश्‍वासी भावां ने ओची सहायता करली ते उठले चैला ने ओचा स्वागत करने चे वास्ते चिठ्ठी लिखती कर भेज़ती ङिली कि ओचे लारे आच्छी तरावें मिलो। जब ओ ओठे पुज़ला तब ओणे लौका ची घणी सहायता करली जेह्णे नरीकारा चे अनुग्रह लारे विश्‍वास करला हुता।

रोमियां 1:5

ओचे जरिये अम्हानु अनुग्रह ते प्रेरिताई मिड़ली कि ओचे नांवा ची वजह सब नेरीया जातिया चे लौक विश्‍वास करती कर ओची मनो।

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

रोमियां 15:15

तां वी मैं किठी-किठी याद ङिवाणे वास्ते तम्हानु बङी हिम्मत करती कर लिखले, ईं वे अनुग्रह चे जरिये हुले, जको नरीकारा ने मनु ङिला।

रोमियां 15:20

पर माये मना ची इच्छा हा छै कि, जिठे-जिठे मसीह चे नां कोनी गेहले गेले, उठी सुसमाचार सुणावे, इसड़े ना हो, कि ङुजे ची नीम उपर घर बणावे।

1 कुरिन्थियां 3:11

जको नीम नाखली गेली, विचे अलावा कुई वी बन्दे नेरी नीम ना नाख सग़ी, खौद्द मसीह ईशु ही वा नीम छै।

1 कुरिन्थियां 9:2

भले ही मनु नेरे लौक प्रेरित ना मनो पर तम्चे वास्ते तां छै कांकि तम्ही प्रभु मां माई प्रेरिताई ची मौहर छिवा।

2 कुरिन्थियां 10:15

ते अम्ही हद्दी चे ब़ाहरु नेरा ची मेहनती पर घमण्ड ना करु। पर अम्हानु आस छै कि जिंवे-जिंवे तम्चा विश्‍वास बधता जई यूं-यूं अम्ही आपणी हद्दी चे अनुसार तम्ची वजह कनु होर वी बधते जऊं,

इफिसियां 2:20

तम्ही हेक इसड़े घर छिवा, जको प्रेरित ते भविष्यवक्‍ता ची नीम उपर बणले आले छिवा जाया कूणे चा पत्थर खौद्द ईशु मसीह ही छै।

कुलुस्सियां 1:29

ऐचे ही वास्ते मैं ओची वे शक्‍ति चे अनुसार जको माये मां सामर्थ चे लारे असर नाखे, तन मन लाती कर मेहनत वी करे।

कुलुस्सियां 4:17

ते अर्खिप्पुस नु केहजा कि जको सेवा प्रभु मां तनु सोंपली गेली, विनु ध्यानारीत पुरी करियो।

1 थिस्सलुनीकियां 3:2

ते अम्ही तीमुथियुस नु जको मसीह चे सुसमाचार मां अम्चा भऊ, ते नरीकारा चा सेवक छै, ऐवास्ते भेज़ले, कि ओ तम्हानु मजबूत करो, ते तम्चे विश्‍वास चे बारे मां तम्हानु समझाओ।

1 तीमुथियुस 4:16

आपणी ते आपणे उपदेश ची चौकसी राख। यां बाता उपर टिकला रेह, कांकि अगर इसड़े करता रिहे, तां तु आपणे, ते आपणे सुणने आला चे वास्ते वी उद्धार ची वजह हुवे।

2 तीमुथियुस 2:15

आपणे आप नु नरीकारा चे ग्रहण योग्य ते इसड़े काम करने आला ते हुवणे ची कोशिस कर, जको शर्मसार ना हो सग़ो, ते जको सच्‍चाई चे वचना नु सही तरीके चे लारे कामा मां आणता हो।

याकूब 3:1

हे माये भऊ, तम्चे महु घणे सारे गुरु ना बणो, कांकि तम्ही आप जाणा, कि अम्ही जको गुरु छिऊं अम्हा कनु होर वी सख्ताई लारे लेखा गेहला जई।

1 पतरस 4:11

अगर कुई ब़ोलो, तां इसड़े ब़ोलो मना नरीकारा चा वचन छै, अगर कुई सेवा करे, तां वे ताकती लारे करो जको नरीकार ङिये, जाये मां सारीया बाता ईशु मसीह चे जरिये, नरीकारा ची महिमा प्रकट हो। महिमा ते साम्राज्य युगानयुग ओचा छै। आमीन।

2 पतरस 3:15

ते अम्चे प्रभु ची तसल्‍ली नु उद्धार समझा जिंवे अम्चे प्यारे भऊ पौलुस ने वी ओ ज्ञान चे अनुसार जको ओनु नरीकारा ची ओर कनु मिड़ला, तम्हानु लिखले।

प्रकाशितवाक्य 21:14

ते शहरा ची कंधे चा ब़ारहा नीमा चे पत्थर हुते, ते वांचे उपर मैमणे चे ब़ारहा प्रेरितां ची नांवे लिखली आली हुती।

प्रकाशितवाक्य 21:19

ते ओ शहरा चा कंधा चा नीमा हर-तरहा चे बेशकीमती पत्थरा लारे सजाली गेली हुती, पेहली नीम यशब ची हुती, ङुजी नीम नीलमणि ची, तीजी लालड़ी ची, चौथी मरकत ची।