1 कुरिन्थियां 2:6 - ओङ राजपूत

⁶ फेर वी मैं वानु, जको मजबूत छी, ज्ञान भरला सनेसा ङिये पर हा ज्ञान ना ऐ युगा चा ते ना ऐ युगा चे हाकिमा चा, जाया नाश हुवणे तय छै।

1 कुरिन्थियां 2:6 ပူးပေါင်းရင်းမြစ်များ

मत्ती 13:22

जको झाड़ीया मां राहले गेले, ईं ऊंही बीज छै, जको वचना नु सुणे, पर ऐ संसारा ची चिन्ता ते धन चा धोक्‍का वचना नु दब़ाती नाखे, ते ऊं फल ना आणी।

मत्ती 19:21

ईशु ने ओनु केहले, “अगर तु सेद्ध हुवणे चाहवी तां जा, आपणे सब कोच्छ बेचती कर कंगाला नु ङे, ते तनु स्वर्ग़ा मां धन मिली, ते आती कर माये भांसु टुरती पड़।”

मत्ती 5:48

ऐवास्ते चाही छै कि तम्ही सेद्ध बणा, जिंवे तम्चा स्वर्ग़ीय ब़ा सेद्ध छै।

लूका 16:8

“मालिक ने ओ बेईमान मुनीम ची सिफत करली कांकि ओणे चतराई लारे काम गेहले हुते। कांकि ईं संसारिक लौक आपणे जिसड़े लौका लारे व्यवहारा मां सोज़ले ची ऊलाद्धी महु घणे चत्तर छी।

1 कुरिन्थियां 1:28

ते नरीकारा ने जग़त चे नीच ते तुच्छा नु, यानि जको छी वी कोनी वानु वी चुणती गेले कि वानु जको छी, बेकार ठहराओ,

1 कुरिन्थियां 12:8

कांकि हेक नु पवित्र आत्मा चे जरिये ब़ुध्दि चा बाता ङिलीया जई ते ङुजे नु पवित्र आत्मा चे अनुसार ज्ञान चा बाता।

1 कुरिन्थियां 14:20

हे माये भऊ, तम्ही समझदारी मां ब़ाले ना बणा। बल्ति वी बुराई मां तां ब़ाले रिहा, पर समझदारी मां सियाणे बणा।

1 कुरिन्थियां 2:1

हे माये भऊ, मैं नरीकारा चा भेद सुणाता आला तम्चे गोढु आला, तां ना बङीया-बङीया करु आला ते ना ही बङा ज्ञान ङिखाणने वास्ते आला।

1 कुरिन्थियां 2:13

अम्ही वांचे वास्ते, जको आत्मिक छी, आत्मिक बाता ची व्याख्या इन्साना चे ज्ञान चे शब्दा चे जरिये ना पर आत्मिक शब्दा मां करु।

1 कुरिन्थियां 2:8

ओ ज्ञान नु ऐ युगा चे कुई वी राजा ने कोनी जाणले कांकि अगर वे जाणती जईया, तां प्रभु नु क्रूसा उपर ना चढ़ावीया।

1 कुरिन्थियां 3:1

हे माये भऊ, मैं तम्चे लारे ये रीति लारे बाता नी कर सग़ला, जिंवे आत्मिक लौका लारे करजेवे पर जिंवे संसारिक लौका लारे, ते वांचे लारे जको मसीह मां ब़ाला आलीकर छी।

2 कुरिन्थियां 1:12

कांकि अम्ही आपणे विवेक ची, ये ग़वाही उपर घमण्ड करु, कि दुनिया मां ते खास करती तम्चे बीच मां, अम्चा व्यवहार नरीकारा चे जरिये ङिली गेली पवित्रता ते सच्‍चाई सहित रेहला, जको संसारिक ज्ञान चा कोनी, पर हेको नरीकारा चे अनुग्रह चा नतीजा हुता।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

2 कुरिन्थियां 4:3

पर अगर अम्चे सुसमाचार उपर पड़दा पला आला छै, ते हा नाश हुवणे आला चे वास्ते ही पला आला छै।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

इफिसियां 2:2

जाये मां तम्ही पेहले ऐ संसारा ची रीति उपर, ते आसमाना चे अधिकार चे हाकिम यानि वे आत्मा चे अनुसार चलते, जको हमा वी आज्ञा ना मनणे आला मां काम करे।

कुलुस्सियां 1:28

मसीह चा प्रचार करती कर अम्ही हर हेक बन्दे नु चिताती ङिऊं, ते सारे ज्ञान कनु हर हेक बन्दे नु सिखाऊं, कि अम्ही हर हेक बन्दे नु मसीह मां सेद्ध करती कर नरीकारा चे सामणे खड़े करु।

कुलुस्सियां 4:12

इपफ्रास जको तम्चे महु हेक छै ते मसीह ईशु चा दास छै, तम्हानु नमस्कार किहे पला ते सदा तम्चे वास्ते प्राथना मां यतन करे, ताकि तम्ही सेद्ध हुती पुरे विश्‍वास चे लारे नरीकारा ची मर्जी उपर बणले रिहा।

इब्रानियां 5:14

पर अन्‍न सियाणा वास्ते छै जाया ज्ञानेन्द्रिया अभ्यास करते-करते भले-बुरे चा भेद करने मां भरपूर हुती गेलीया।

इब्रानियां 6:1

ऐवास्ते आवा मसीह ची शिक्षा ची शुरु चा बाता छोड़ती कर, अम्ही सिद्धता सनु बधते चालु। जिंवे कि मरले आले कामा कनु मन फिरावणे ते नरीकारा उपर विश्‍वास करना,

याकूब 3:15

हा ज्ञान ओ कोनी, जको स्वर्ग़ा कनु उपरु उतरे बल्कि संसारिक, ते शरीरिक, ते शैतानी छै।

याकूब 3:2

ऐवास्ते कि अम्ही सारे घणा वारी चुकती जऊं : जको कुई बन्दे ब़ोलणे मां ना चुकी, ऊंही तां पक्‍के बन्दे छै, ते पुरे शरीरा नु वी वशा मां कर सग़े।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।